Rusiya Federasiyasının Mədəniyyət Naziri Vladimir Medinski qalmaqallı “Tanqeyzer” operasını tamaşaya hazırlamış Novosibirsk Opera və Balet teatrının direktoru Boris Mezdriçi “təsisçinin tapşırıqlarına əməl etmədiyi üçün” işdən azad edib. Kulisin aif.ru-ya istinadən verdiyi xəbərə görə Vladimir Kexman yeni direktor təyin olunub.

Boris Mezdriç kilsə və teatr qarşıdurması zamanı tamaşanın repertuarda saxlanılacağını bildirmişdi.

Rusiya Kinematoqrafçılar İttifaqı açıq məktubla çıxış edərək direktorun işdən çıxarılmasına etiraz edib. İttifaq teatr direktorunun yerinə qaytarılmasını, mədəniyyət nazirinin isə işdən azad olunmasını tələb edir.

Bir neçə gün əvvəl isə Rusiya prezidenti Vladimir Putin sözügedən tamaşa əleyhinə mitinqlər təşkil edən keşiş Novopaşini "Ekstremizmə qarşı mücadiləyə görə" döş nişanı və "Vətənə xidmətlərinə görə" ikinci dərəcəli ordeni ilə təltif etmişdi.

Xatırladaq ki, kilsə və teatr arasında məhkəmə davasına səbəb Novosibirsk Dövlət Akademik Opera və Balet Teatrında “Tanqeyzer” (Vaqner) operasına rejissor Kulyabinin düşündüyü quruluş olub: rejissor tamaşadakı hadisələri müasir dövrə uyğunlaşdırıb. Əsas qəhrəman “Veneranın mağarası” adlı filmi yenicə bitirmiş kinorejissor Henrik Tanqeyzerdir. Hadisələrin inkişafından filmin İsa Məsihin Veneranın mağarasında yaşadığı və cismani həzlər keçirdiyi vaxtlarından, həyatının ilk illərindən bəhs etdiyi başa düşülür.

Məhkəmə kilsənin teatra qarşı qaldırdığı ittiham əsassız saymış və teatrın xeyrinə qərar vermişdi.

• Müasir dünyaya nifrət edən baron - Faşistlərin belə qorxduğu filosof kim idi?
• 99-cu "Oskar" mükafatlarının aparıcısı bəlli oldu
• Bir ömür adını səslədim sənin... - Günün şeiri