news-inner
clock13:00 calendar-gray 24 Mart 2015 view-gray291 dəfə oxunub
view-gray291 dəfə oxunub

Aparıcı Vüsalə: “Daşdan yumşaq nə olsa yeyirəm”

Kulisin “Yeməli söhbət” layihəsinin qonağı APA TV-nın “Səhər Zəngi” verilişinin aparıcısı Vüsalə Əlizadədir. Vüsalə xanımla Əziz Əliyev, 33 ünvanında yerləşən “Künefe evi”ndə görüşdük.

- Vüsalə xanım, hansı yeməkləri sevirsiniz?

- Əvvəla, dəvətinizə görə təşəkkür edirəm. Yemək mövzularından xoşum gəlir. Müsahibəni oxuyanlar elə bilər ki, mən çox yeyən adamam. Amma elə deyil. Yeməyi hazırlamağı, ona bəzək vurmağı sevirəm. Yemək yeganə şeydir ki, mənim ona qarşı kaprizim yoxdur. Bu günə qədər imtina etdiyim yemək olmayıb. Daşdan yumşaq nə olsa yeyirəm.

- Özünüz nə bişirə bilirsiniz?

- Hər şey bişirirəm. Bəlkə də efirdə olan xanımların əksəriyyətindən fərqli olaraq yaşıma, həyat təcrübəmə görə yaxşı yeməklər bişirirəm. Bəziləri deyir ki, guya yemək bişirməyi bacarmıram. Amma mənim bişirə bilməyədiyim yemək yoxdur. Bircə dəfə baxmaqla yeməyin eynisini hazırlaya bilirəm. Mən indi bütün günü işdə oluram. Evdə yeməyi anam bişirir, uşağa da anam baxır. Həftə sonları evdə olanda yeməyi özüm bişirirəm.

Mənim “Facebook” səhifəmin izləyiciləri bilir ki, mən özüm hazırladığım, dekor verdiyim yeməklərin fotosunu öz səhifəmdə paylaşıram. Restoranda oturub yemək yeyəndə onların şəklini çəkib paylaşmıram. Ancaq yanımda rəfiqələrim olanda onların istəyi ilə bunu edirəm. Bu da çox az-az hallarda baş verir.

Gənc analar və heç ərə getməyən xanımlar bəzən mənə yazırlar ki, xahiş edirik, bişirdiyinizi yeməklərin şəkillərin paylaşın, baxaq. Adi bir kartoflu ət qızartmasına bir az bəzək vuranda o tam dəyişir və çox dadlı olur. Ümumiyyətlə, yeməyə sevgi qatmaq lazımdır.

- Fast foodla aran necədir?

- Düzünü desəm yaxşı deyil. Ara-sıra efirdə tənqid etsəm belə özüm də vaxtı ilə yemişəm. Mənim özümdə sevdiyim ən gözəl xüsusiyyətim nəfisimi saxlaya bilməyimdir. O da insanın ən gözəl xüsusiyyətidir. Məsələn mən “Coca-Cola”, “Fanta”dan 12 ildir imtina etmişəm.

- Tələbəlik illərinizdə yemək problemini necə həll edirdiniz?

- Mən İncəsənət Universitetini bitirmişəm. Bizim universitetdə göbələyə oxşayan bir kafe var idi. Elə adına da göbələk deyirdik. Çox yaxşı kafe idi. Orda qəşəng qamburger, dönər hazırlayırdılar. Bir neçə gün bundan qabaq rəfiqəmlə oturub söhbət edəndə o günləri yadımıza salırdıq. Bəzən elə olurdu ki,bir dönəri, qamburgeri iki yerə bölüb yeyirdik.

İndi milyonlarla pul xərcləsən belə,heç nətələbəlik illərində olan dönər və qamburgerin dadını verməz.

- Kababla aranız necədir?

- Yaxşıdır. Amma qaydasında yeməyi sevirəm. Hər şeyi az yeməyi sevirəm. Peyğəmbərimizin belə bir kəlamı var: “Süfrəni doymamış tərk etməlisən”. İnsanlar var ki, yeməyi partlayana qədər yeyir. Mən o adamları başa düşmürəm.

- Bəzi aparıcılar var ki, onlar toylara gedir. Buna münasibətiniz necədir?

- Mən heç kimi qınamıram. Özünüz də bilirsiniz ki, aylıq maaşla ailə dolandırmaq asan deyil. Biz də adi maaşa baxırıq. Bəlkə tamaşaçılar elə bilirlər ki, efir adamları milyonçudur. Amma elə deyil. Bizim gündəlik proqramlarımız çox gərgin olur. Bu avtomobili olan adamlar üçün nisbətən asandır. Bu xərcləri ödəyəcək maaşımız yoxdur.

Buna görə mən dövlət tədbirlərində, şirkətlərin tədbirində iştirak edirəm, toylarda oluram. Mən belə şeylərdə seçim edirəm. Hər yerdə olmağı sevmirəm. Amma gedənlərə də pis baxmıram. Mənə də dəvət gələndə iştirak edirəm.

- Toylardakı yeməklərə necə baxırsınız?

- Bu mənim yaralı yerimdir. Mən şəxsən özüm restoranda əyləşəndə yeyəcəyim şeyləri seçirəm. Yəni iştaham istəyən şeyi yeyirəm. Amma toylarımızda yeyildi-yeyilmədi artıq yeməklərin, qəlyanaltıların hədsiz çox olması bizim yaralı yerimizdir. Mən şəxsən bu şadlıq evi məsələsi çıxandan, yəni bu yaşıma qədər heç bir toydan tox gəlməmişəm. Camaat toya gedəndə iki gün qabaqdan yemək yemir, bəzənib-düzənir, amma bizim evdə toya gedən günanam iki qazan yemək bişirir. Çünki hamımız ac gəlirik.

- Spirtli içkilərlə aranız necədir?

- İçən deyiləm. Amma pis baxmıram. Yenə də hər şey istəyə bağlıdır. Sadəcə mən xanımlara siqaret və içkini xüsusilə də toplum arasında heç yaraşdırmıram. Amma yenə də içkini qəbul edərəm. Xanıma yaraşan içkilər var. Xanımlar mühitə görə, insanlara görə, tanıdığı bildiyi insanların yanında içki içməsi daha gözəl olar. Siqareti isə heç bir halda qəbul etmirəm. Məncə, xanımdan yalnız ətir iyi gəlməlidir.

- Sizə nəyisə xatırladacaq yemək var?

- Bir salat var idi. O salatı illər öncə sevirdim. Davamlı olaraq bir məkanda həmin salatdan yeyirdik. O məkan mənə nəyi isə xatırladırdı. Həmin məkanın aşpazının özəl hazırladığı bir salat idi. İlk dəfə həmin salatı məhz bizim üçün hazırlamışdı. Amma indi nə o salat var, nə də o məkan. İndi o salatı özüm hazırlayıram.

- Xarici mətbəxlə aranız necədir?

- Çin və ispan mətbəxini, suşini, spagettini sevirəm və özüm də ara-sıra hazırlayıram.

Oxşar xəbərlər

Xəbər lenti

Anar: “Əkrəm Əylislini qəbul edərəm, ancaq bir şərtlə...” – Müsahibə
12:01 27 İyul 2021
El Romandan hekayə: Pomada dadı
11:30 27 İyul 2021
Yazıçımız beynəlxalq ədəbiyyat müsabiqəsində - İlk dəfə
10:51 27 İyul 2021
Xalq artistinin ölüm xəbəri yayıldı
10:20 27 İyul 2021
Tanınmış yazıçı vəfat etdi
10:06 27 İyul 2021
Əllərində göyüzü – Həmid Piriyevin hekayəsi
09:01 27 İyul 2021
Oğlunun ölümünü ondan 40 gün gizlədilər – Xalq artisti haqqında maraqlı faktlar
21:00 26 İyul 2021
“Oyaq gözəl” onlayn nümayiş ediləcək
19:00 26 İyul 2021
Ayrılıq qıvrılır canımda - Ələddin Əzimlidən şeirlər
18:22 26 İyul 2021
Qaldırdı ürəyim ağ bayrağını – Yeni şeirlər
17:01 26 İyul 2021
Şeirlərimiz ispandilli saytda
16:15 26 İyul 2021
Türkiyədə Nizamiyə həsr olunmuş beynəlxalq konfrans işə başlayıb
15:25 26 İyul 2021
Simran Qədimdən yeni hekayə: Labirint
14:55 26 İyul 2021
Ağrının yaddaş ömrü
14:00 26 İyul 2021
Gənc şair Tərcümə Mərkəzini sərt tənqid etdi: “Bunun bircə adı var...”
13:21 26 İyul 2021
Əkrəm Əylisli: “Anar və Elçinlə birlikdə ona ağlayardım ki...” – Müsahibə
12:57 26 İyul 2021
“Oyaq gözəl” yenidən səhnədə
12:06 26 İyul 2021
Rasim Qaracadan qeyri-adi roman onluğu: Anar, Mirələmov...
11:30 26 İyul 2021
Filmimiz Sarayevo festivalının rəsmi proqramında
10:44 26 İyul 2021
Ramiz Rövşəndən təzə xəbər var - Foto
09:55 26 İyul 2021