news-inner
clock15:19 calendar-gray 19 Mart 2015 view-gray173 dəfə oxunub
view-gray173 dəfə oxunub

Natiq Rəsulzadə: "... Çingiz Abdullayevi güllələmək lazımdır"

"Yazıçılar da oxucular kimi müxtəlifdir. Kimi Fyodor Dostoyevskini, Nizami Gəncəvini oxuyur, kimi də "sarı" mətbuatı oxuyub həzz alır. Təxminən son iyirimi ildə özlüyümdə götür-qoy etmişəm, yazıçı o insandır ki, xeyri şərdən, pisi yaxşıdan ayıra bilir. Bəziləri məhz məşhurlaşmaq üçün yazıçı olmaq istəyirlər. Əlbəttə bu düzgün deyil".

Bunu APA TV-nin efirində yayımlanan "İlqar Rəsul və..." verilişinin qonağı yazıçı, əməkdar incəsənət xadimi Natiq Rəsulzadə deyib.

Müsahibimiz tələbəlik illərindən söhbət açıb. "Bizim vaxtımızda diplomsuz oğlana qız vermirdilər. Həmin vaxt dostum sənədlərini Azərbaycan Texniki Universitetinə vermişdi deyə, mən də həvəslənib həmin universitetdə oxumaq istədim. Qəbul olunandan sonra anladım ki, burada oxumaq mənə maraqlı deyil. Demək olar ki, bütün dərsliklər rus dilində idi. Hətta Azərbaycan bölməsində oxuyan uşaqlar bizim yanımıza gəlirdilər ki, dərslərinin müəyyən bir hissəsini onlara tərcümə edək. Onu da qeyd etmək istəyirəm ki, Azərbaycan dilində zəngin dərslik olmamağı problemi hələ də qalmaqdadır. Nə isə. Üçüncü kursda təhsilimi yarımçıq buraxıb, Moskvada - Maksim Qorki adına Ədəbiyyat institutuna qəbul olunmaq üçün sənədlərimi hazırladım. Beləcə, həmin institutun tələbəsi oldum".

Natiq Rəsulzadə rus dilində yazdığına görə onu tənqid edənlərlə bağlı narazılığını dilə gətirib. "İndi bəzi "ağzıgöyçəklər" rus dilində yazan yazıçılarımızı bəyənmir yaxud qınayırlar. Çingiz Abdullayev nəinki Azərbaycanda hətta deyərdim ki, MDB məkanında ən tanınmış yazıçıdan biridir. İndi belə çıxır ki, onu rus dilində yazdığına görə güllələmək lazımdır?! Bizi rus dilində oxumaq çətindirsə, Azərbaycan dilinə tərcümə etsinlər. Xarici yazıçıların əsərləri də tərcümə olunur. Ona görə də hesab edirəm ki, bu, çətin məsələ deyil. Əslində düşünürəm ki, bizdə Kafkanı, Folkneri tərcümə edə biləcək səviyyədə tərcüməçi yoxdur. Hələ də anlamıram ki, onların əsərlərini necə tərcümə ediblər. Bu problemin də başlıca səbəbi bizdə lap əvvəldən tərcümə məktəbinin olmamağıdır. Ona görə də hazırda bizdə tərcümə sahəsində çatışmazlıqlar var. Təbii ki, tərcümə mərkəzi bu sahədə işlər görməyə cəhd edir, yəqin getdikcə bəzi problemlər həllini tapacaq".

Öz yaradıcılığına münasibət bildirən Natiq Rəsulzadə əslində arzuladığı kimi yaza bilmədiyini də etiraf edib. "Həmişə öz yaradıcılığıma tənqidçi gözü ilə baxıram. Çox az əsərlərim var ki, onlardan təxminən doxsan faiz razıyam. Həmin əsərlər on beş ildə yazdıqlarımdır. 1970-ci illərdə yazdığım bir neçə əsərim də var ki, onlar çox böyük səs-küy yaratdı. Halbuki o dövrdə məşhur olmaq çətin idi. Çünki senzura vardı. Məsələn, erotikadan, Bakı milyonçularından və başqa bir çox mövzulardan yaza bilməzdik. Təsəvvür edin ki, bu qədər mövzu məhdudiyyətinin içində yenə də maraq doğuran əsərlər yaza bildim...

İndi ədəbiyyatda mövzu azadlığı var. Amma yazıçı dərk etməlidir ki, istər erotika, istər dedektiv, fantastika və digər mövzularda yazmağın da bir həddi var. Ölçü hissi mütləqdir. Bu hiss istedadın əsas amilidir. Heydər Əliyev mənim "Gecə süvarisi" əsərimi oxuyub İmran Qasımova demişdi ki, "bu əsərdə tənqid olunacaq bir məsələ görmədim. Yazıçı hər şeyi düz yazıb. Doğrudan da əsərdə yazıldığı kimi hazırda ölkədə bu nöqsanlar mövcuddur". Beləcə, Heydər Əliyevin rəyi məni sözün əsl mənasında xilas etdi. Çünki o əsərə görə məni Mərkəzi Komitədə, DTK-da, DİN-də möhkəm tənqid edirdilər. Heç kim çap etmirdi məni həmin ərəfədə".

news-inner-user

17134 məqalə

Oxşar xəbərlər

Xəbər lenti

“Cinema Radio”nun rəhbəri: “Onun səsi ilahi vergidir” – Müsahibə
17:04 29 Noyabr 2020
Nabokovdan hekayə: Sərnişin
15:30 29 Noyabr 2020
Atası xalq düşməni kimi güllələndi, bir manata rəsm çəkdi, Səttar Bəhlulzadə evini ona bağışladı... – Maraqlı faktlar
12:00 29 Noyabr 2020
İsti yatağım soyuq səngər misalı - Sara Selcandan yeni şeirlər...
16:28 28 Noyabr 2020
Azərbaycanda Mixail Qusmanın filminin premyerası oldu
15:01 28 Noyabr 2020
Bu nədir, Allahı danmaqdır? – Elçin yazır...
13:30 28 Noyabr 2020
"Şəngülüm, Məngülüm" tamaşası onlayn nümayiş olunacaq
12:01 28 Noyabr 2020
Türkiyədə "Azərbaycanlı şəhid uşaqların xatirəsinə" adlı konsert keçirildi - Foto
10:27 28 Noyabr 2020
Fuad Poladov: Qızla zirzəmidə görüşdüyümə görə məni məktəbdən qovdular – Müsahibə
09:00 28 Noyabr 2020
Ukrayna Milli Kitabxanasında Azərbaycan guşəsi açılacaq
18:31 27 Noyabr 2020
Qayıtdı gülləri yığıb başına, vətən gülşəninin Xarı bülbülü! – Yeni şeirlər
17:44 27 Noyabr 2020
Tələbənin universitetdən qovulması haqlı qərardırmı?
17:09 27 Noyabr 2020
"Qarabağ Azərbaycandır" adlı kitab nəşr olundu
16:34 27 Noyabr 2020
Rejissorumuzun da iştirak etdiyi festivalın qalibləri elan olundu - Siyahı
15:53 27 Noyabr 2020
Nənəsini yemək üstündə ağlatdı, xəstəliyinə görə yardım istədi, işdən çıxarılan gün həyat yoldaşı öldü – Məşhur diktordan maraqlı faktlar
15:11 27 Noyabr 2020
Məşhur Meksika filmlərinin ssenari müəllifi vəfat etdi
14:31 27 Noyabr 2020
İşğaldan azad olunan Xanabert qalası
13:53 27 Noyabr 2020
"Anamın kitabı" filmi gəlir - Yaxında
13:11 27 Noyabr 2020
Mənə ölümümdən yol verin... - Ötən gün dünyasını dəyişən şairin şeirləri
12:31 27 Noyabr 2020
Onlayn dərsdə gülməli vəziyyətə düşən müəllimlər
11:50 27 Noyabr 2020