Nadir görülən bir xəstəliyə tutulmuş və internetdə “Dünyanın ən çirkin qadını” seçilmiş Liza Velaskesin “Dünyanın ən cəsur qadını”na çevrilməsi haqqında sənədli film çəkilib.

Liza Velaskesin yaşadıqlarından bəhs edən sənədli film “Cəsur ürək: Liza Velaskes” adlanır.

Doğulandan çəki “bir dəri, bir sümük” olan 26 yaşlı amerikalı Lizanın çəkisi 29 kilodan artıq olmayıb. Məktəb yoldaşlarının kinayəli məsxərələrinə məruz qalan gənc qadın həm də bir gözünün görməməsinə görə xeyli əziyyət çəkib.

Ailəsinin təlqini ilə bu şeyləri ürəyinə salmamağa çalışan Liza bir gün internetdə “Dünyanın ən çirkin qadını” seçildiyini görəndə sanki başından bir vedrə qaynar su tökülür. Milyonlarla insanın izlədiyi videoda gənc qadının fotoları sıralanmışdı və minlərlə insan nifrətlə dolu şərhlər də yazmışdı. Onların arasında “Səni oda atmaq lazımdır”, “Alnına silahı daya və tətiyi çək” kimiləri var idi. Buna qədər bir neçə dəfə intihar haqqında düşünən Velaskes bu şərhlərdən sonra gözlənilənin əksinə olaraq daha da güclü davranış göstərir: artıq vaxtını xəstəxana qapılarında keçirməkdən bezdiyini deyən gənc qadın müalicə fikrindən əl çəkib. Ailəsi üzülsə də onunla razılaşıb və qızlarına tam dəstək verib.

Məktəbdə uşaqlar arasında bir-birini ələ salmalar, lağ etmələr əleyhinə konfranslar keçirməyə başlayan qadın bu işlərini davam etdirmək üçün internetdə təşkil etdiyi kampaniyadan minlərlə dollar qədərində pul toplaya bilib.

Bu gün Velaskes aktivist və natiq kimi fəaliyyət göstərir, kitab yazır. Görkəmindən dolayı onca həqarətlərə məruz qalan Velaskes həyatı və əzmkarlığı ilə artıq “Dünyanın ən cəsur qadını” kimi alqış toplayır.

• Anarın ən müəmmalı əsəri - “Əlaqə”də gizlənən fəlsəfə
• "Karmen"in premyerasından sonra depressiyaya düşən Jorj Bize
• Bir sən, bir mən olum, bir uçuq kaha - Əliağa Kürçaylı