“Yol” Azərbaycan qısametrajlı filmi İranın Tehran şəhərində keçirilən IX Roy Beynəlxalq Qısametrajlı Film Festivalında iştirak edir. Filmin rejissoru Fehruz Şamıyevin Kulis.az-a verdiyi xəbərə görə “Yol” filmi müsabiqədə festivalın “Müsəlman ölkələri filmləri” kateqoriyasında iştirak edir. Bu proqrama 10 film daxildir.
Fevralın 24-dən başlayan festivalın bağlanış və mükafatlandırma mərasimi fevralın 27-də baş tutacaq. Festival çərçivəsində məşhur kinematoqrafçılarla master-klasslar keçirilir.
Xatırladaq ki, “Yol” filminin rejissorlaru Fehruz Şamıyev, ssenari müəllifləri Fehruz Şamıyev, Elçin Hüseynbəyli, operatoru Rəşad Nuriyev, bəstəkarı Firudin Allahverdidir.
Film “Cinema” Gənc Kinematoqrafçılar Mərkəzində, Mədəniyyət və Turizm nazirliyinin “Bu meydan, bu ekran” qısametrajlı filmlər müsabiqəsi çərçivəsində, 2010-cu ildə çəkilib.
“Yol” Qarabağ müharibəsində torpağından ayrı düşən insanın yaşadıqlarından bəhs edir: Ölümünün yaxınlaşdığını hiss edən qəhrəman atəş xəttini keçərək maneələri aşa-aşa düşmən işğalında olan torpağına gəlir və bir vaxt babası ilə birgə əkdiyi ağacın altında son anlarını yaşayır.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər