news-inner
clock13:43 calendar-gray 20 Fevral 2015 view-gray352 dəfə oxunub
view-gray352 dəfə oxunub

Mehriban Ələkbərzadəyə SƏRT İTTİHAMLAR

Hüseyn Cavidin “Topal Teymur” pyesi əsasında hazırlanmış “Əmir Teymur” tamaşasının rejissoru Mehriban Ələkbərzadənin tamaşanın adı ilə bağlı verdiyi açıqlamalar polemika yaradıb.

Kulis.a yazıçı Mehriban Vəzir və cavidşünas alim Azər Turanın fikirlərini təqdim edir.

Mehriban Vəzir:

“Mənim fikrimcə, klassik ədəbiyyata toxunmaq, başqasının əsərinə müdaxilə etmək lazım deyil. Qoy özləri əsər yazıb, istədiyi adlarla tamaşaya qoysunlar. Hüseyn Cavidin əsərinə müdaxilə etmək olmaz. O ki qaldı, “Hüseyn Cavid filan sözü deyə bilməyib, ona görə filan sözü deyib, bununla əsəri mühafizə edib” kimi söhbətlərə... Bunlar professional söhbətlər deyil. Heç kim deyə bilməz ki, filan yazıçı bunu filan səbəbə görə yazıb. Bu, uzağı bizim subyektiv zənnimiz ola bilər. Obyektiv olan isə müəllifdi, tarixdi. Mehriban Ələkbərzadənin dedikləri tarixə qeyri-peşəkar yanaşmadır. Bu, uydurulmuş bəraətdir. Ötən əsrdə yaşamış bir adam haqqında “o belə düşünürmüş ki, onlar belə düşünərlər və heç də belə deyilmiş...” demək doğru deyil. Hardan bilirik? Hüseyn Cavid bu barədə yazılı bir fakt qoymuş olsa, o mənbəyə əsasən danışmaq olardı. “Teymurlar yetişəcəkdi, yetişmədi, türk dünyası belə oldu”... Bunu Mehriban Ələkbərzadə haradan bilir? Əcaib səslənir.

Bir də, sənət əsərində ideologiya olması düzgün deyil. Qaldı “Topal Teymur”da Turançılıq ideyası... Bilirsiniz, Hüseyn Cavid çox gözəl bilirdi ki, Azərbaycan tarixi türk dünyası kontekstindən ayrılıqda öyrənilə bilməz. Bu, bütöv bir tarixdir və tək götürülə bilməz. Bu, onun yanaşmasıdır və məncə düzgün yanaşmadır. Və bir də deyirəm, kimsənin Hüseyn Cavid adından danışmağa haqqı yoxdur”.

Azər Turan:

Hüseyn Cavidin özü “bir cümləmə, bir sözümə toxunulmasın” deyib. Hüseyn Cavid mətnini, sözünü dəyişməyi, redaktə etməyi özü qadağan etmişdi. “Topal” ləqəbinə gəlincə... Əvvəla deyim ki, “topal” sözünün heç bir aşağılayıcı, ya da alçaldıcı çaları yoxdur. Hüseyn Cavidin özünün də Teymura “topal” deməsi onu aşağılaması demək deyil. Əbdülhaq Hamidin əsərində də Teymur Topal adı ilə gedir və qəhrəman kimi göstərilir, o obrazda aşağılayıcı bir nişanə yoxdur.

“Topal Teymur” əsərində H.Cavidin əskidən gələn düşüncəyə dirənişi var. Bilirsiniz belə bir fikir var idi o zaman ki, Şərqdən Qərbə doğru barbar bir hərəkat gəlir. Cavid də bu əsərdə o düşüncəyə qarşı çıxırdı, əslində Şərq dünyasının heç də barbar olmadığını isbatlayan əsər yazmışdı. Bu əsərin ideyası da Cavidin bütün əsərlərində olduğu kimi ədalət və məhəbbət konsepsiyası idi. Mən o tamaşaya da baxmışam, fikirlərimi ayrıca yazacağam”.

news-inner-user
Aliyə

1004 məqalə

Oxşar xəbərlər

Xəbər lenti

Bəsit forma oyunları – Gənc şairləri tənqid etdilər
17:15 23 İyun 2021
Filmimiz beynəlxalq mükafata layiq görülüb
16:28 23 İyun 2021
Ukraynanın yumor şousunda Bakı komandası da yer aldı
15:47 23 İyun 2021
Rəngkarlıq Muzeyində gənclər üçün ustad dərsləri davam edir
15:01 23 İyun 2021
Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021