news-inner
clock20:05 calendar-gray 19 Fevral 2015 view-gray190 dəfə oxunub
view-gray190 dəfə oxunub

Qoca qarının gəlinlik donunda dilənməsi

Kulis.az şair Fərid Hüseynin Qahirə şeirlərini təqdim edir.

Nəhrun-Nil

Kimisə xatırlamağa bəzən bir ömür bəs etmir,

yoxsa gəlib gecə-gündüz düşünərsən...

...Nil uzunu...

Batanları aramırlar,

çaysa aldığı canları

itirməz, ovcun saxlar

Nil uzunu...

Bir sahildə yandırılmış binalar

Bir sahildə işıqlı restoranlar

Bir sahili bu dünyadı,

bir sahil o dünya

Bu dünyadan o dünyaya

qayıqçılar beş qneyə aparırlar.

Sevənlər arzularını yazıb atırlar suya,

Barmaqbalıqları udur dünya boyda arzuları,

Bəs görən niyə talelər qarışmır Nilin canına?

Eh... indi anam mənə körpü üstündən baxsaydı,

yəqin mindiyim qayığı qundağa oxşadardı,

Mənimsə başım günbəz,

əllərimi də minarə

Allaha şükür edirəm...

Nil uzunu...

Qahirə qədəri


Burda “Ölü şəhər”in sakinləri

nəsil-nəsil əzizlərini

evlərinin zirzəmisinə gömürlər;
burda ən adi şeydən ötrü ağladınsa,

demək, ölünün üstündə,

məzar başında da ağladın.


Təhrir meydanındakı tanklar

mürgüləyən inqilabın keşiyini çəkir hələ də –
xalq oyansa,

odlu iynə vurub uyudacaqlar.


Xan Xəlili bazarındakı işıqlar

insan üzündə daha da solğunlaşıblar;
iztirabları anlayıblarmı görən?
Mənisə bir qoca qarının

gəlinlik donunda dilənməsi az qala dəli eləyir.


Yaşımın indisində sözlərin gücsüz,

arzuların aldanış olduğunu anlamaqçün

otel odasındakı pərdəni sıyırmaq bəs edir mənə.


Dinin ədalətindən danışanlar

məscidə girəndə

ayaqqabılarını əlinə götürürlər.


İndi dünyanın beşiyində

muncuq satan kişiylə,

üzərlik gəzdirən qocanın,
və oyuncaq ehramlar düzəldən ustanın

ümidləri sorğulamır inqilabı –

hamı öz yerinə ölüb: həyat müdrikdir.
Deyirlər gözlərin olsa da qürbətdə korsan;

korun qaranlığa danışmasıdır bu gecə bu şeir...

Oxşar xəbərlər

Xəbər lenti

Nazir Anar Kərimov koronavirusa yoluxub
14:23 21 Aprel 2021
Anarla Seymur Baycanın oxşarlığı
14:02 21 Aprel 2021
“Qırmızı papaq” onlayn nümayiş ediləcək
13:17 21 Aprel 2021
Azərbaycanlı filosof qız-oğlan münasibətlərindən roman yazdı
12:30 21 Aprel 2021
Gənclərin qarşısını kəsən Rəşad Dağlı: O, niyə ustad ola bilmir?
11:55 21 Aprel 2021
Seymur Baycan nədən narahatdır? – Cavid Ramazanov yazır...
11:02 21 Aprel 2021
Özünü ingilis kimi göstərən gəncəli
10:26 21 Aprel 2021
Tanınmış bəstəkar vəfat etdi
09:36 21 Aprel 2021
Çar arvadının göndərdiyi fotoqraf Aşıq Ələsgərin şəklini necə çəkdi? – Bilmədiyimiz faktlarMüsahibə
09:01 21 Aprel 2021
Milli Kitabxananın direktoru beynəlxalq konfransda iştirak edib
19:00 20 Aprel 2021
Nizami haqda məqalə Malayziya mətbuatında dərc olunub - Foto
18:29 20 Aprel 2021
Bir də yarpaq salma külək poçtuna – Qulu Ağsəsdən şeirlər
17:44 20 Aprel 2021
Çingiz Aytmatovun xanımı vəfat etdi
17:30 20 Aprel 2021
“Kurtlar vadisi”nin Güllüsü Qənimətlər parkında - Foto
17:16 20 Aprel 2021
“Mütaliə edək, dinləyək, tanıyaq” adlı layihə başlayıb
16:25 20 Aprel 2021
Məşhur roman əsasında film çəkilir
15:40 20 Aprel 2021
Səməd Vurğun, Rəsul Rza, Məmməd Rahim... - Ən böyük donosbaz kim idi?
15:01 20 Aprel 2021
Şəhriyar del Geraninin şeirinə mahnı bəstələndi - Video
14:21 20 Aprel 2021
Kamal Abdullaya hücum edən herostratlar - Niyazi Mehdi yazır...
13:30 20 Aprel 2021
Tağıyev haqda film Britaniyada yer tutdu
12:47 20 Aprel 2021