Tanınmış şair Yafəs Türksəsin Kulis.az-a verdiyi müsahibədə adını hallandırdığı Yeganə Bağırova redaksiyamıza məktub göndərib.

Məktubu təqdim edirik:

“Bir neçə gün bundan öncə Yafəsin sizin sayta verdiyi müsahibə geniş rezonans doğurub. Guya ki, Yafəs posmodernist bir fikir deyib. (O insan nə vaxt ciddi bir fikir söyləyib ki?!) O insanın sözünün dalı-qabağı yoxdur. Ağzına nə gəldi deyir. İnsan heç olmasa özünə hörmət edər, özünə hörmət etməsə də ən azından sevdiyi qadına (əgər həqiqətən bu belədirsə) hörmət edər. Danışarkən insan qeyri-etik sözlərə yol verməməlidir. Bu mədəniyyətsizlik və özünə-ətrafdakılara hörmətsizlikdir. Sevirsən? Yaxşı eliyirsən! Sev! Sənə bir söz deyən yoxdur. Amma sevgi elə bir duyğudur ki, onu özün yaşamalısan, heç kəslə bölüşməməlisən, paylaşmamalısan. Bir-iki dəfə bunu etiraf etdin, çox sağ ol. Söhbət oldu, bağlandı. İndi bunun şitini çıxarmağa nə lüzum var ki?!... Kişinin oğlu guya məşhur olub gündəmdə qalmaq istəyir. Mənim adımı çəkməklə, mənimlə hər yerdə görünməklə özünə pərəstişkar kütləsi toplayır. Belə özündən deyən şairsən-yazıçısan və ya jurnalistsən get öz yazılarınla, şerlərinlə gündəmə düş də...

Bir məsələyə də toxunmaq istəyirəm. Yafəs müsahibəsində qeyd edib ki, Yeganə xanımın məndən qabaq da sevgilisi olub, məndən başqa da sevgilisi var. Adama sual verərlər ki, heç utanırsan? Heç qızarırsan? Niyə ölmürsən? Sən özünə necə rəva bilirsən ki, sənin "Mənim sevgilimdir" dediyin xanımın başqa bir sevgilisi olsun?! Ümumiyyətlə Yafəs dediyi sözün məsuliyyətini, yükünü, ağırlığını-yüngüllüyünü anlamır. Bəli, mənim 14 yaşım olanda ilk sevgim olub. Müəyyən səbəblərə görə münasibətlərimiz sonacan davam edə bilməyib. Məncə belə sevgilər hər bir yeniyetmənin həyatında olur. Bunu əldə “kozır” tutub, buna postmodernizm adı vermək lazım deyil. “Məndən başqa sevgilisi də var” deməsini isə Yafəs mənim yazdığım esselər və şerlərlə əlaqələndirir.

Zənnimcə şair və yazar hər bir mövzuda yaza bilər. Şərt deyil ki yaşadıqlarını yazsın. Ümumiyyətlə Yafəsin bir murdar xasiyyəti var ki, kimi kimin yanında görürsə, kiminlə kimisə parkda yanbayan gəzən görürsə, kimlə kimisə restoranda çörək yeyən görürsə dərhal o insanları bir-birinə calayır. Onun üçün "Dost" deyilən bir məfhum yoxdur. "Dost" sözünü dərk etməyən insan nə özünü, nə də başqalarını sevə bilməz. Çünki sevgi də dostluqdan, isti münasibətdən yaranır. Yafəsi sevmək? Yafəsə tamah salmaq? Bu inanılası bir şey deyil! Yafəs odla-su arasındadır. Ölüm-dirim mübarizəsi aparır. Mən onunla 7 il bir yerdə çalışıb duz-çörək kəsdiyim üçün ona hörmət qoyuram, amma indən belə o, hansısa müsahibəsində mənim adımı hallandırarsa, məni təhqir edəcək bir fikir söyləyərsə mən onu məhkəməyə verəcəyəm!!!”

• İslamdan imtina, ruslaşdırma və missionerlik - Mirzə Kazım bəy xristianlığı necə qəbul etmişdi?
• "Mənə qəddarlığı öyrədən qadın oldu, buna görə də..." - Valter Skottdan sitatlar
• Milyonlarla uşağın sevdiyi qəhrəmanı yaradan qadın kim idi?