“Azərbaycan Dövlət Televiziya və Radio Verilişləri” Qapalı Səhmdar Cəmiyyətinin (AzTV) “Azərbaycantelefilm” Yaradıcılıq Birliyinin baş redaktoru, ssenarist, kino redaktoru Yaqub Əlioğlunun balerina Leyla Vəkilovaya həsr etdiyi kitabı çap olunub.

Kitab “Qu quşunun nəğməsi” adlanır.

Kitabda balerinanın taleyi öz əksini tapıb.

Yaqub Əlioğlu Kulis.az kitab haqqında Kulis.az-a bunları deyib:

“Ona verdiyim sözü tutmamışdım. Balerina yuxularımdan çıxmırdı. Axır ki, vədimə əməl etdim. 1993-cü ildə Leyla xanım haqqında “Balet uçuş deməkdir” adlı sənədli film çəkdim. Özünün də ürəyincə oldu. Sən demə, o filmə mərhum prezidentimiz Heydər Əliyev də baxıb və sonra Leyla xanımla əlaqə yaradaraq, onunla xeyli danışıb. Leyla xanım çox sevincli idi. Sanki sevincini kiminləsə bölməyə adam axtarırdı. Mənə dedi ki, “dur gəl bizə, danışaq”, çox sevinirdi. Getdim, ürəkdolusu telefon söhbətinin təəssüratından danışırdı. Onda mənə dedi ki, Yaqub, istəyirəm haqqımda kitab yazasan. Maraqlı bir faktı da deyim, o filmdən və o telefon danışığından bir müddət sonra Leyla xanıma prezident təqaüdü və “Şöhrət” ordeni verildi. Mən də sənət xadimlərinə həsr etdiyim kitabımda onun haqqında “Qu quşunun nəğməsi” adlı portret yazısı yazdım. Doğrudur, xoşuna gəldi, amma xahiş etdi ki, ona ayrıca kitab həsr edim. Mən də Leyla xanıma söz verdim ki, ona üçün ayrıca bir kitab yazacağam. Çünki həqiqətən də buna layiq idi. Bütün ömrünü baletə həsr etdi. Ailə xoşbəxtliyi yaşamadı, hər şeyi sənət üçün etdi”.

• Türkiyədə daha 14 məşhur narkotik ittihamı ilə tutuldu
• "Vini-Pux"un 100 illik sirri: Heç yerdə yayımlanmamış rəsmlər üzə çıxdı
• Bəstəkarlar İttifaqına yeni mətbuat katibi təyin olundu