news-inner
clock16:18 calendar-gray 17 Fevral 2015 view-gray129 dəfə oxunub
view-gray129 dəfə oxunub

Kaş bütün qadınlarımız yataqda döyülə

Bu həftə “Bozun əlli çaları” filmi bütün dünya ilə eyni zamanda Azərbaycanda da nümayişə girdi. Fevralın 14-ü bir çox cütlük həmin filmi izləməyə getdi. Film E. L. Ceymsin eyni adlı romanı əsasında çəkilib. Filmin dünyada və Azərbaycanda bu qədər səs salmasının səbəbi erotikanın bol olmasıdır. Film sosial şəbəkələrdə də müzakirə olunur. Bəziləri filmi hətta “pornoqrafiya” adlandırır, əlbəttə bunlar fərqi bilməyənlərdi. Bu iki janr arasında fərq çoxdu.


Filmlərin bizim həyatımıza təsiri çoxdur. “Fantomas” filmi dəbdə olanda atam yeniyetmə idi. Danışır ki, bu filmdən sonra bir necə oğurluq hadisəsi olmuş və cinayət yerində “Fantomas” imzalı kağızlar tapılmışdı.

Uşaqlığımız hind filmləriylə keçib. “Cimi, gitaranı tut” kimi sözlər çoxumuzun leksikonuna daxil olmuşdu. Məsələn “İssız adam” filmindən sonra oğlanlar sevgililərindən ayrılanda “Sən məndən daha yaxşısına layiqsən” deyirdi. “Kaybedenler klübü” filmindən sonra isə filmdəki fəlsəfi sitatlar dilimizə düşdü. “Mandıra filosofu” filmindən sonra kəndə köçüb təbiətin qoynunda yaşamaq istəyənlər də vardı. Bir dostum dedi ki, belə filmlərdə hər zaman fəsil yay olur. Məsələn, bu filmi Diyarbakırda, qış mövsümündə təsəvvür edirsiz? Yox?

Sözsüz ki “Bozun əlli çaları” filmi də bizə təsir edəcək. Amma necə? Bir xanım yazmışdı ki, getməyin o filmə, tərbiyəsiz filmdi. Xanımın tərbiyəsiz deyə adlandırdığı bir qadın və bir kişinin arasında yaranan seksual istəyin təzahürüdür. İki insanın qarşılıqlı şəkildə seksual münasibətdə olması niyə tərbiyəsizlik olsun ki?!


Bir Azərbaycanlı ailə filmdən nə öyrənə bilər? Bu filmin köməyi ilə seksual həyatlarına necə rəng qata bilərlər? Elementar səbəblərlə döyülən Azərbaycan qadını seks zamanı da döyülmək istəyərmi? Bütün ömrü boyu kişi cinsinə itaət edilən qadın onsuz seks zamanı da itaətkarlıq edəcək.

Azərbaycanlı kişi "Bozun əlli çaları" filminə nişanlısı və ya həyat yoldaşı ilə getsə də ordakı erotik səhnələrdə baş verənləri məşuqəsinə tətbiq edəcək. Çünki seksdə “zapadlo” var. Həyat yoldaşıyla seksdə fantaziyalara yol vermək olmaz, “zapadlo”du. Amma fahişə, ya da məşuqəylə olar. Uşaqlıqdan beyninə seksin pis bir şey olması yeridilən qadın da buna normal baxır. Həvəsini öldürüb yenə ailəsinə dönəcək deyə təsəlli verir özünə.

Orqazmın ancaq pozğun qadınlara aid bir şey olduğunu düşünən kişilər seksdən sonra arxasını çevirib xoruldayaraq yatacaq. Azərbaycanlı ər arvadın yataq otağında nə kişi hökmrandı, nə də ki, qadın. Bir hökmran var, mentalitet!

Seks sözü bizdə qıcıq yaradır, o ki qaldı seksual tərbiyəyə. Azərbaycan mentalitetini yerə-göyə sığdırmayanlar nədənsə rus qadınlarına meyllidirlər. Niyə?

Təzə ailə qurmuş cavan bir qadınla həkimə növbə gözləyərkən aramızda söhbət yarandı. Ara isindikdən sonra qadın dedi ki, ərim gündə 3 dəfə olur mənlə, sanki mən pozğunam, bilsəm ərə gəlməzdim.


Bu qızlar ərə getməyi evcilik oyunu bilirlər? Bu oğlanlar evlənməyin ancaq seksual istəyi təmin etmək üçün olduğunu düşünür? Əlbəttə döyülməyən bir qadın üçün seks zamanı prosesi rəngləndirmək adına yumşaq yerinə vurulan bir-iki şillə, kişinin qalstukuyla əllərinin bağlanması ekzotik gəlir, o bundan həzz alır. Əlbəttə qadınların kişiylə eyni hüquqda olduğunu düşünən kişiyə yataqda dominant olmaq həzz verir. Bu çalarlar sado-mazoxist həyata yüngülcə rəng qatır. Amma yeməyi duzlu bişirdiyinə görə döyülən qadının, doğulduğu andan mənəvi və fiziki zorakılığa məruz qalan qadının seksdə həzz almaq ən son düşünəcəyi şeydi. Mehriban Xanlarovanın “Bəli, bizi döymək lazımdır” sözünü eşidən kişi də əməkdar artistimizin sözünü yerə salmır, sağ olsun.

Kaş bütün qadınlarımız yataqda “döyülə”...

news-inner-user

15351 məqalə

Oxşar xəbərlər

Xəbər lenti

Mirzə Ələkbər Sabirin ilk və son müsahibəsi: “Başda o böyükdür, yaşda mən”
16:27 30 May 2020
“Ələddin” tamaşası "Youtube"da nümayiş ediləcək
15:31 30 May 2020
Aysel Əlizadə feminist kitab yazdı: "Qızlar ağlamaz"
14:39 30 May 2020
Cani rollarının ən məşhur ifaçısı öldü
13:37 30 May 2020
Ölüm çox qorxunc və arzuolunmaz gəlir – İkinci Mahmudun dərc olunmayan yazısı
12:51 30 May 2020
Ledi Qaqadan yeni albom - "Chromatica"
12:07 30 May 2020
Çəkilişinə 5 il icazə verilmədi - "Yenilməz batalyon" haqqında bilmədiklərimiz
09:00 30 May 2020
Məşhur aktrisa vəfat etdi
17:32 29 May 2020
Dəb xəstələri üçün 10 film - Siyahı
16:41 29 May 2020
Mehriban Ələkbərzadə: "Mədəniyyət naziri olmaq istəmirəm"
15:03 29 May 2020
"Altun kitab" uşaqlar günü ilə bağlı qeyri-adi layihəyə start verdi
14:40 29 May 2020
Merilin Monronun çılpaq şəkli hərraca çıxarıldı- Foto
13:36 29 May 2020
70 yaşında ata olan qocanın evindən reportaj
12:22 29 May 2020
Nəbi Xəzrinin sözlərinə bəstələnən mahnıya klip çəkildi
10:40 29 May 2020
Dünyada ən çox satılan bestsellerin müəllifi vəfat etdi
09:49 29 May 2020
Elə bildim cin yığnağına düşmüşəm - Bircənin romanı
08:59 29 May 2020
Qəfəsdəki quşların uçduğu göylər göynər - Şəhriyarın yeni şeirləri
16:45 28 May 2020
Əmi, bəlkə köhnə ayaqqabın ola? - Alikin yeni şeiri
16:00 28 May 2020
Reha Erdemden yeni film
14:45 28 May 2020
Mənim Habil Əliyevim - Şərif Ağayar yazır...
13:33 28 May 2020