news-inner
clock12:21 calendar-gray 16 Fevral 2015 view-gray121 dəfə oxunub
view-gray121 dəfə oxunub

Çox səfeh film imiş BOZUN ƏLLİ ÇALARI

“Bozun əlli çaları” energetikası boz filmdir. Daha dəqiq izah edim: siz bir adamla söhbətləşirsiniz, o, danışır, danışır...Siz isə əsnəyirsiz, arada yuxulayırsız. Ondan ayrılandan sonra canınızda dəhşətli yorğunluq, başınızda ağrı hiss edirsiz. Və bu boz energetikadan təmizlənmək üçün mahiyyətində həyat işartısı olan nəyəsə ehtiyac duyursuz.

...Əvvəlcədən bəyan edim. Filmdəki erotik səhnələr mətbuatın yazdığı qədər dəhşətli deyil. Hətta yataq səhnələri, sadomazoxist münasibətlərin detallı təsvir olunduğu digər erotik filmlərlə müqayisədə təmkinli işlənib.

Əgər kimsə bu filmə baxlb, BDSM-in (könüllü olaraq zorakılığa boyun əymə) təsirinə düşürsə, ya baş qəhrəman Kristian kimi travmaları olan biridir, ya sadəcə təbiətən sadomazoxizmə meyllidir, ya da... digər variantları özünüz düşünün.

“Bozun əlli çaları” infantil intonasiyasına, süjetinə, nəql üslubuna görə yetkin tamaşaçıdan çox 18-25 yaşlılar üçün maraqlı ola bilər.

İlk epizodlar bir az klassik “Zoluşka”, bir az da serial motivlərini xatırladır. Sadə universitet tələbəsi Anastasiya gənc, zəngin Kristiandan müsahibə alır. Qız kişidə heç kəsin tanımadığı, onun başqalarından gizlətdiyi “mən”ini sezir, kişini isə utancaq qıza xüsusi cazibə qüvvəsi çəkir. Sonra necə olursa, Kristian təsadüfən onun işlədiyi mağazaya gedir, qəhvə içməyə dəvət edir, hər addımbaşı romantik olmadığını desə də, üz-gözündən bəsit romantika yağır, qıza tamaşaçının gözünə girməyəcək jestlə hədiyyələr edir, vertolyotla romantik səyahətlərə aparır. Və beləcə filmin yarısı serial təhkiyə vasitələrinə uyğun davam edir.

Bir qayda olaraq seriallarda sevgililərin arasına üçüncü adam girərək intriqanı artırır, əhvalatı tündləşdirir. Amma burda onların arasında Kristianın ikili şəxsiyyəti, gün işığına çıxarmaq istəmədiyi “mən”i dayanır.

O, qıza anladır ki, ancaq sadomazoxistcə sevə bilər. Anastasiya da fədakar qadınlar kimi sevgisinin onu dəyişəcəyinə inanır. Amma Kristian daşı ətəyindən tökmür, həmişə belə qalacağını, sadomazoxist xarakterinin ağır uşaqlığı, o dövrdən qalan travmalara bağlayır. Onun seks köləsi olmağı qız qəbul eləmir. Və onlar ayrılır.

Yəni qısaca desək, qəhrəmanın davranışının ciddi əsaslandırılmadığı, xarakterlərin açılmadığı, süjeti inkişafdan qalan, ümumən statik, səfeh, boş bir film.

Əhvalatın hansısa suallar doğurmaması bir yana, film hətta zəif təəssürat da qoymur. Daha pisi odur ki, rejissor Sem Teylor Vud nə stress atmağa yönəlik yüngül film çəkib, nə beyin üçün saqqız. Sadəcə məqsədi aydın olmayan primitiv ekran işi.

Kristian obrazının yaradıcısı Ceymi Dornanın ifası sönük, rəngsiz, natamamdır və mənə elə gəldi ki, aktyor rolunu ümumiyyətlə, başa düşməyib.

Alman kino yazarlarından birinin yazdığı kimi, onun arxası ölü kimi solğun bənizindən daha ifadəlidir.

Onun əksinə olaraq, Dakota Conson oynadığı Anastasya obrazının səmimiyyətinə, utancaqlığına və hətta səfehliyinə inandıra bilir.

Erotik səhnələr kifayət qədər estetik işlənib. Amma bu, hissiz, həyəcansız dekorativ estetikadır. Başqa cür desək, obrazların analizinə, süjetdə hansısa ifadə vasitəsinə, “açara” çevrilmir.

...Bu filmi izləməyə gedəndə “Nizami” Kino Mərkəzinin kiçik zalı yarıdan çoxu dolu idi. Gələnlərin əksəriyyəti gəncləriydi. Ikinci erotik epizodun nümayişi zamanı iki cütlük zalı tərk elədi. Hiss elədim ki, filmdən hətta tamaşaçılar yoruldu. Titrlər yazılanda qonşu kresloda oturan gənc oğlan dostuna “bu, nə filmdir” deyib başını buladı...

Oxşar xəbərlər

Xəbər lenti

İnsanlar məşhur sənət əsərlərini evlərində belə canlandırdılar - Fotolar
19:50 31 Mart 2020
Məscid odunu - Mehriban Vəzirin yeni hekayəsi
18:27 31 Mart 2020
Tanınmış xanımlarımızdan "Evdə qal" kampaniyasına çörək hədiyyəsi - Fotolar
17:11 31 Mart 2020
Azərbaycanda anadan olmuş tanınmış yazıçı dünyasını dəyişdi
16:02 31 Mart 2020
Sevgilisinə görə 20 otaqlı ev tikdi, özündən 35 yaş cavan qızla evləndi, pula görə Üzeyir Hacıbəyova əsəbiləşdi - Cabbar Qaryağdıoğlundan maraqlı faktlar
15:19 31 Mart 2020
Ötən gecə Van Qoqun məşhur əsərini oğurladılar
14:32 31 Mart 2020
Ceyms Bond filminə 100 minlik zərbə
13:45 31 Mart 2020
Qohumların bizə gəlməyinə qəti qadağa qoymuşam – Yazıçılarımız karantin günlərini necə yaşayır? - Sorğu
12:30 31 Mart 2020
Facebookda “zibil atan”ların təhlükəli səhvi
11:50 31 Mart 2020
Dahi şairimizdən Günün Şeiri
11:15 31 Mart 2020
Azərbaycanlı qarmon ifaçısı vəfat etdi
10:31 31 Mart 2020
"Santa Barbara" serialının ulduzu dünyasını dəyişdi
10:17 31 Mart 2020
Milli Konservatoriya Koronovirusla Mübarizəyə Dəstək Fonduna ianə etdi
09:28 31 Mart 2020
Yuxu dərmanı - İsi Məlikzadənin hekayəsi
09:00 31 Mart 2020
Habil Əliyevin koronavirusa yoluxan qızı danışdı: “Qorxuram” - Foto
23:02 30 Mart 2020
Milli Kitabxanadan oxuculara daha bir virtual xidmət
20:02 30 Mart 2020
Komediya ustası koronavirusdan vəfat etdi
17:01 30 Mart 2020
Tanınmış rejissor dünyasını dəyişdi
16:38 30 Mart 2020
Koronavirus dünyanı necə dəyişəcək: ağlagəlməz ehtimallar
15:59 30 Mart 2020
Teatrdan evdə qalan tamaşaçılara jest - Repertuar
14:56 30 Mart 2020