Milliyyətcə azərbaycanlı olan İran rejissoru Cəfər Pənahi “Taksi” filminə görə Berlin kinofestivalının baş mükafatını – “Qızıl ayı”nı qazanıb.
Kulis.az festivalın rəsmi saytına istinadən xəbər verir ki, Rumın rejissoru Radu Cud “Aferim!” filminə görə “Ən yaxşı rejissor” nominasiyasında mükafatlandırılıb. Polyak rejissoru Malqojata Şumovskaya “Bədən” filminə görə eyni nominasiyada gümüş ayı alıb.
Tom Kortni və Şarlotta Remlinq ingilis rejissoru Endryu Xeyin “45 yaş” filmində ən yaxşı kişi və ən yaxşı qadın roluna görə mükafatylandırılıblar.
Aleksey German (kiçik) “Elektrik buludları altında” filmindəki işinə görə, ən yaxşı operator işi nominasiyasının qalibi olub. Eyni nominasiyada alman rejisoru Sebastyan Şipperin “Viktoriya” filmindəki işinə görə, danimarkalı operator Sturla Brandt Qreven də mükafatlandırılıb.
Ən yaxşı ssenari nominasiyasının qalibi çili rejissoru Patrisia Quzman (“Şəffaf düymə” sənədli filmi) olub.
Jürinin xüsusu mükafatı isə "Klub" filminə görə Argentina rejissoru Pablo Larrayna verilib.
Qeyd edək ki, baş mükafat qazanan soydaşımız Cəfər Pənahinin "Taksi" filmi avtomobilin interyerində, az qala videoreqistrasiya kamerası ilə çəkilib. Sükan arxasında isə rejissor özüdür. Film sürücü ilə təsadüfi sərnişinlərin söhbəti ilə davam edir.
Cəfər Pənahiyə İranı tərk eləmək qadağan olunduğundan heykəlcik rejissorun filmdə oynayan bacısı qızı Xane Seidiyə təqdim edilib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər