news-inner
clock15:00 calendar-gray 12 Fevral 2015 view-gray253 dəfə oxunub
view-gray253 dəfə oxunub

Bircə öpüşlük canları var onların...

Kulis.Az Ramil Əhmədin bu günlərdə çap olunacaq "Zaman tuneli" kitabından seçmə şeirləri təqdim edir.

Uşaqlar

Uşaqlar,

bilməzsiniz olmadığınız evin səssizliyini...

Siz olmayan evlərin

sükutunun dərinliyindən

heç Məlikməmməd də çıxa bilməz.


Bilməzsiniz

sizə həsrət qalanların

evdə pişik saxlamasının ağrısını.

Qonşuda bir qadın var

dibçəkdəki güllərinə

qızım deyir, pişiyinə oğlum...

***

Uşaqlar,

siz olmayan evlərdə

televizorda heç vaxt

cizgi filmi göstərmirlər.

O evlərin nağılında

kişi qadından utanır,

qadın da kişidən.

O evlərin nağılında
bir-birini sevmirlər,
bir-birlərinə öyrəşirlər.

O evlərin nağılında

nə işıq gələn tərəf var,

nə də it hürən...

O evlərin nağılında

ancaq kişi dodaqlarının işğalı altında

qalır bir qadının döşləri...

Gözlərindən süd axır,

bəlkə də, hər ağlayanda,

kim bilir...

Uşaqlar,
siz olmasanız,

kişilər ata olmaz,

qadınlar ana...

Adəm üçün

Adəm, oxuyursansa bu şeiri,

istəyirəm biləsən ki,

biz yaşamırıq:

min ildi

sənin bir qadına

uduzmağının bədəlini ödəyirik

ömür deyilən bu şeylə...

Adəm,

şikayət ərizəsi deyil bu,

rahat ol.

Varsa, o biri dünya,

yəqin, ruhsan indi.

Nə bilim,

bəlkə, sən də min ildi yenidən doğulursan

başqa-başqa bədənlərdə.

Min ildi sən də söyürsən Adəmi,

özün olduğunu bilmədən...

Adəm, üzülmə,

təsəlli ver özünə.

De ki, eyni bezin qırağıyıq biz kişilər.

De ki, siz də olsaydınız mənim yerimdə, eyni şeyi edərdiniz.

De ki, qadınlar bir-sıfır hesabıyla öndədir həmişə.

De ki, cənnət bir qadının dişlədiyi almanın yarısına belə dəymir.

Ürəyin nə istəyir de, Adəm,

yetər ki, rahat ol, üzülmə.

Bircə öpüşlük

Adamlarla gizlənqaç oynayır güllələr,

kim yaxşı gizlənsə, o da sağ qalır...

Qadınlar kişilərini qısqanırlar

onların alnından öpən mərmilərə.

Çünki yaxşı tanıyırlar kişilərini,

bilirlər ki,

bircə öpüşlük canları var onların...

Üçü birində

Gedir bir qadın –

bətnində körpəsi,

kürəyində ayağını itirmiş əri,

bir sümükdür, bir dəri.

Bəlkə, qiyamətdir?

Yox, bu, qadın işi deyil!

İlahi komediya,

bəşəri faciədir,

şeytani bir sənətdir!

Baxmayın yaşımın azlığına,

yaxşı tanıyıram o qadını,

kürəyindəki Kişini,

bətnindəki balanı:

çölündə ümidsiz ümidlərini,

içində arzularını daşıyan

Məryəm xalanı.

Bir vaxt o kişinin yerini salardı ürəyində.

Bəs indi nə işi vardı kürəyində?

Qadın sol əlini sıxıb bətninə,
nəsə deyir şeytan körpəsinə.

Sağ əlini ərinin əlində unudub,

Allahı unutduğu kimi...

Kişi utanır olmayan ayaqlarından,

olmayanlar olanlardan daha çox utandırır adamı...

Hönkürtüsü yayılır içinə,

ağlayır için-için,

islanır qadın,

islanır uşaq,

islanır küçə,

islanır gündüz,

islanır gecə...

Gedir bir qadın –

bətnində körpəsi,

kürəyində ayağını itirmiş əri...

Bir qadın gedir,

bətnindəki uşaq da

addımlayır atasının yerinə...

Qadının canında gizli bir üşütmə:

– Sabah deməzlərmi,

bu körpənin ayaqları kimdəndir?

Qadın

getdi....getdi....getdi...

gedir....gedir....gedir...

gedəcək.....gedəcək...

Və sonra o qadın,

bətnindəki uşaq,

kürəyindəki kişi

gecənin qaranlığına qarışacaq.

– Əlahəzrət Tarix müəllim,

üçadamlıq yer varmı

tozlu bir küncünüzə tolazlanacaq?

– Var, əlbəttə, var,

amma sizin Məryəminiz

bu dəfə İsanı yox,

İudanı doğacaq!

Kapitalizm

Əvvəlcə

Hollivud ssenarili,

ağlamalı, kədərli bir film çəkmək.

Kinoteatrlarda biletini bizə satmaq.

Öz pulumuzla bizi ağlatmaq.

Sonra göz yaşlarımızı şüşələrə doldurub

üstünə “Soyuq halda için” yazmaqdır

kapitalizm.

Not:

Burada sizin reklamınız ola bilər(di)...

news-inner-user

17079 məqalə

Oxşar xəbərlər

Xəbər lenti

Muğam Mərkəzindən növbəti təqdimat
12:30 24 Noyabr 2020
Tanınmış həkimdən koronavirus xəbərdarlığı: “Vəziyyət çətindir”
11:35 24 Noyabr 2020
Boşana bilmirəm, nə edim? – Fəridə yazır...
11:04 24 Noyabr 2020
Serbiyada Üzeyir bəyin xatirəsi anıldı - Foto
10:30 24 Noyabr 2020
Xanımını əmisi oğlu ilə tutdu, baltalamaq istədi – Şukşinin hekayəsi – Dilimizdə ilk dəfə
09:01 24 Noyabr 2020
Fikircil – Rafiq Tağıdan hekayə
21:00 23 Noyabr 2020
Üzeyir bəyin, Səməd Vurğunun, Əliağa Vahidin sevdiyi qadın – Leyla Bədirbəyli haqqında maraqlı faktlar
20:00 23 Noyabr 2020
Koronavirusla mübarizəyə həsr olunmuş beynəlxalq fotomüsabiqə elan olunub
18:49 23 Noyabr 2020
V Buktreyler Festivalının qalibləri mükafatlandırıldı
18:12 23 Noyabr 2020
Cümhuriyyət qadınları haqqında kitab çap olundu
18:00 23 Noyabr 2020
Aqil Abbas: "Oğlum dedi, ata, səni heç vaxt xoşbəxt görmədim"
17:20 23 Noyabr 2020
Berlin Film Festivalından 2021- ci il qərarı
16:45 23 Noyabr 2020
Xalq şairi: “Ad günümü unutmuşdum, uşaqlarım yadıma saldı” – Müsahibə
16:02 23 Noyabr 2020
Bob Dilan yəhudi olduğunu niyə gizləyirdi? – Yeni sənədlər
15:21 23 Noyabr 2020
Polad Həşimova həsr olunan kitab anasına təqdim olundu - Fotolar
14:41 23 Noyabr 2020
Qatillərinə baş daşından gülən adam
14:00 23 Noyabr 2020
Azərbaycanlı feministlərin sülh anlayışı - Güneydən yazırlar...
13:32 23 Noyabr 2020
Yavaş-yavaş ötür yaşım - Salamdan yeni şeir
12:52 23 Noyabr 2020
Rejissor Şuşadan film çəkmək üçün müraciət etdi
12:20 23 Noyabr 2020
Teatrdan qovuldu, heç vaxt evlənmədi, ruhi dispanserdə yatdı: Səməndər Rzayevin üç gün öncə intihar edən aktyor oğlu
12:10 23 Noyabr 2020