news-inner
clock15:43 calendar-gray 06 Fevral 2015 view-gray72 dəfə oxunub
view-gray72 dəfə oxunub

Elgiz onu sevən qadına CAVAB VERDİ

Gülnaz Məmmədlinin “Mən Elgizi sevirdim” adlı yazısındakı tənqidlərə aparıcı Elgiz münasibət bildirib. Kulis.az Elgizin cavabını təqdim edir.

Gülnaz xanım verilişdə mənim fikrimi tam olaraq eşitməyib. Mən öz verilişimdə insanları geyim tərzinə görə tənqid etməmişəm və dəyərlər məsələsində əvvəlki fikrimdə də qalıram. Geyiminə görə aşağılamaq çox yolverilməz bir hərəkətdir. Mən nəyi irad tutmuşam? Efirə içkili, saçı daranmamış, ayaqqabısı palçıqlı gələnlər olub və mən o adamları tənqid etmişəm. Həm də tək mən yox, ekspert dədeyib bunu. Yəqin Gülnaz xanım bu şeyləri görüb deyə Elgiz bəy insanları geyimə görə tənqid edir. Mən səliqəni və təmizliyi demişəm. Adam iki manatlıq köynəyi də səliqə ilə, təmiz geyinə bilər. İnsan zinət əşyaları ilə deyil, öz şəxsi keyfiyyətləri, davranışı, insanlara sayğısı ilə dəyərlidir. Tərbiyəsiz insan olub brilyantlarla gəzmək kimə lazımdır. Tüpürəsən onun brilyantına da, özünə də. Bəlkə yalan deyirəm?

Biz ekrana gələndə hesab edək ki, öz millətimizin təmsilçisiyik. Bizə milyonlar, bütün dünya baxır. Mən istəyirəm bizim millət haqqında müsbət fikir yaransın. Saçımıza daraq çəkək, pinti görünməyək, təmiz geyinək. Mən bunu deyirəm. Amma müasir geyinib, əndirəbadi geyinib və ya necə geyinib, mən heç vaxt belə şey deməmişəm.

Mentalitet məsələsində də əvvəlki fikirlərimdə qalıram. Milli dəyərlər dedikdə biz nəyi anlamalıyıq, biz hələ də özümüz üçün müəyyənləşdirməmişik. Milli dəyər nədir? Nəyi anlamalıyıq, bunu dəqiq bilmirik. Nənə-babadan gələn nə qədər çürük adətlər var; qonşu nə deyər, filankəs nə düşünər və s. Mən insanların başqalarının rəyinə görə öz həyat tərzini qurmasına qarşıyam. Bizim nə qədər biabırçı dəyərlərimiz var? Elə yengə məsələsi, bəy gəlini güdmək, nəyisə kimlərəsə sübut etmək... Bu, dəyər deyil, vəhşilikdi. Mən bunu qəbul edə bilmərəm və bu fikirlərimi də insanlara çatdırıram. Hətta bəziləri məndən bu fikirlərimə görə narazı qalırlar.

Hərdən ola bilər ki, yaşlı insanlarla bağlı mən milli dəyərləri önə çəkim. Məsələn yaşlı insana qayğı, böyüyün üzünə qayıtmaq və yaxud övladların gəlib ağsaçlı ananın üstünə qalxmalarına mən dözə bilmərəm, ona təbii ki öz təpkimi göstərəcəyəm. Mənim “tənqid etdiyim dəyərlərdə güzəştə getməyim” budur.

Yoxsa, mən tənqid etdiyim adətləri heç vaxt təbliğ etməmişəm. Qaldı, mənim sıravi insanları vətəndaş nikahına görə qınayıb, müğənnilərə bir söz deməməyimə... Bilirsiniz, müğənni gəlib bizim verilişimizə demir ki, mənim vətəndaş nikahında yaşadığım adam məndən ayrılıb indi də aliment pulu vermir. Amma sıravi vətəndaş gəlib bunu deyir. Deyir ki, mən uşağımla küçədə qalmışam, mənə aliment vermirlər, zinət əşyalarımı vermirlər. Soruşursan, məlum olur ki, onun nikahı yoxdu. Adam gəlib bunu məndən hüquqi müstəvidə həll etməyimi istəyir. Mən də həll edə bilmirəm, əsəbiləşirəm. Ona görə mən ona deyirəm ki, rəsmi nikahınız yoxdursa, hüquqi baxımdan siz yoldan keçənin biri ilə yaşamısınız, ondan uşaq dünyaya gətirmisiniz. Zəhmət çəkib nikaha girərdiniz, sonra uşaq dünyaya gətirərdiniz. Deyir, imam nikahım var. Qurban olum sizə, biz neçənci əsrdə yaşayırıq? Mən bu nöqteyi-nəzərdən insanları qınayıram. Bu baxımdan yanaşıram. Müğənnilərdən kimsə kiminləsə yaşayıb uşaq dünyaya gətirirsə mən nə deyə bilərəm? Bu, onun şəxsi işidir.

Gülnaz xanım yanılır. Mən qətiyyən bu məsələlərə mentalitet müstəvisindən yanaşmıram. Kömək istəyən insana hüquq müstəvisindən yanaşıram. Bizim çox dəyərli yazarımız məni elə əvvəlki kimi tanımaqda da davam etsin, mənim düşüncəmdə, davranışımda heç bir dəyişiklik baş verməyib.

Gülnaz xanımın yazısını tənqid hesab etmirəm, bu sadəcə bir umu-küsüdür. O xanıma salamlarımı, hörmət və ehtiramımı çatdırıram.

news-inner-user
Aliyə

997 məqalə

Paylaş

Oxşar xəbərlər

Xəbər lenti

Nəsimiyə həsr edilmiş şeir müsabiqəsinə yekun vurulub
15:37 14 Noyabr 2019
Azərbaycanlı şair vəfat etdi
14:54 14 Noyabr 2019
Onun adını oğlunun baş daşına niyə yazmadılar? – Rəmiş haqqında inanılmaz faktlar
14:41 14 Noyabr 2019
Meyxananın dözülməz eybəcərliyi - Aliyə yazır...
13:49 14 Noyabr 2019
Musa Yaqubun yeni şeirlər kitabı nəşr edildi
13:10 14 Noyabr 2019
Mənim balaca sərçəm - Müşfiq Şükürlüdən yeni hekayə
12:29 14 Noyabr 2019
Hekayə müsabiqəsinin qalibləri bilinəcək
12:01 14 Noyabr 2019
Amerikalı kinoulduz vəfat edib
11:30 14 Noyabr 2019
Azərbaycanlı rejissorun filmi "Ən yaxşı film" seçildi
10:57 14 Noyabr 2019
“Seriallarımız gənc nəslin tərbiyəsini pozur” – Nuşirəvan Məhərrəmli
10:23 14 Noyabr 2019
Sabir Rüstəmxanlı qardaşının həbsindən danışdı
10:07 14 Noyabr 2019
Xalq şairinin qardaşı həbs olundu
09:54 14 Noyabr 2019
“Sevgi şərbəti” operası nümayiş ediləcək
09:34 14 Noyabr 2019
Şagirdlərini qətlə yetirən müəllim – Azərbaycan filmi
09:01 14 Noyabr 2019
Məhşur rejissor yeni filmə başladı
19:00 13 Noyabr 2019
Qarabağda tək arvadlı kişini necə ələ saldılar? - Yeni hekayə
18:25 13 Noyabr 2019
Biz bu yazıçını niyə oxumalıyıq? - Etimad Başkeçid yazır
17:42 13 Noyabr 2019
Cizgi filmlərimiz Polşada nümayiş olunub
17:00 13 Noyabr 2019
Həmyerlimiz sabiq prezident haqqında film çəkdi
16:22 13 Noyabr 2019
Vısotski ilə dostluq edən, Nəzakət Məmmədovanı sevən, adam döyməyə görə həbs olunan şair
15:37 13 Noyabr 2019