“Cavanşir Yusiflinin Nəbatiyə sığınaraq özü-özünü inkar edir. Bəs bu vicdansızlıq olmurmu?” Bu sözləri Kulis.Az-a açıqlamasında tənqidçi İradə Musayeva deyib.

Cavanşir Yusiflinin "Qorxut uşağını Salam əmiynən, yaxud ədəbiyyat xəstələri" məqaləsinə münasibət bildirən xanım tənqidçi daha sonra əlavə edib: “Cavanşir Yusifli yazısında deyir ki, Mirzə Cəlilə, Sabirə sığışmaq vicdansızlığın yeni növüdür. Amma özü bir qədər yuxarıda o Nəbatiyə sığınır. Necə başa düşək? Nəbatiyə sığınmaq vicdan, Mirzə Cəlilə, Sabirə sığınmaq vicdansızlıqdı?”

Cavanşir Yusifli İradə Musayevənin “misra birlikləri” ifadəsinə irad tutaraq ona ironiya edib: misra birlikləri, yox bir qəbilə birlikləri. Xanım tənqidçi bu ifadənin mənasını belə açıqlayıb: “Sərbəst şeirdə nə beyt, nə də bənd var. Beyt fikir evi olan iki misradır. Bənd isə dörd, beş və daha çox misralardan ibarətdir. Sərbəst şeirdə isə nə beyt deyə bilərik, nə də bənd. Səlim Babullaoğlunun o şeiri fraqmentlərdən ibarət olduğuna görə sərbəst şeir üçün ən yaxşı ifadə forması misra birlikləridir”.

Cavanşir Yusiflinin bu məqalə ilə gündəmə gəlmək istədiyini vurğulayan tənqidçi “Bu günümüzün şeiri” adlı iki hissəli məqaləsi olduğunu, orda Salam Sarvanın şeirləri barədə də yazdığını deyib: “Salam gözəl şairdi. Cavanşir Yusifli “şeir deyil, əndrabadi şeydir” demək yerinə o şeiri peşəkar tənqidçi kimi, etik-estetik normalar çərçivəsində tənqid etsəydi yaxşı olardı. “Əndrabadi” demək sıravi oxucu yanaşmasıdır”.

• Tarantinonun yeni filmi - Bu dəfə aktyor kimi
• "Yaltaqlıq bu gün ən sərfəli valyutadır" - Qorxmaz Quliyev
• Müharibədə hamilə qalan qadın, tarixi saxtalaşdıran "böyük qardaş" - SSRİ-də senzuraya məruz qalan kitab və filmlər