Ulduzlarda səni axtarmaq

Ulduzlarda səni axtarmaq,

Hər məhv olan ulduza yas saxlamaqdır...

Səni axtarmaq ulduzlarda,

itmiş məni axtarmaqdır əslində

içib sərxoş olub, səni axtarmağı bəhanə edib

“mən” arayışına çıxmaqdır....

Ulduzlarda səni axtarmaq,

məni özümlə baş-başa buraxan adamı

ölüm hökmü ilə cəzalandırmaqdır.

Ölümünü diləməkdir bəlkədə, ölümümü diləməkdir bəlkə də

ulduzlarda səni axtarmaq sərxoş bir ruhun

Son Sayıqlamalarıdır.

Məsafələrə baxmayaraq,

eyni ulduzda göz-gözə gəlmək ümididir bəlkə də...

Ulduzlarda səni axtarmaq,

ulduzlardan səni diləmək ən batil inancdır, ən saçma diləkdir.

Ancaq bilirəm ki ulduzlardan səni diləmək, səni orada aramaq,

Səni müqəddəsləşdirməkdir əslində.

Biz müqəddəsləşdirməyə alışmışıq axı

Min tövbə, əz tövbə az qala yadımdan çıxmışdı.

ulduzlarda səni axtarmaq ruhun uşaqlıqdır, sərsəmliyidir.

Əslində ulduzlarda səni axtarmaq özü

Ulduzları ləkələməkdir , kirlətməkdir...lənətləməkdir!

Nargis (Nərgiz İsmayılova)