İbrahim Tatlısəs kəfənini geyib Amerikaya gedir

“Kəfənimi geyindim, gedirəm. Ya əvvəlki vəziyyətimə düşüb gələcəm, ya da gəlməyəcəm”. Bu sözləri beyin əməliyyatı üçün Amerikaya getməyə hazırlaşan İbrahim Tatlısəs deyib.

14 Mart 2011-ci ildə silahlı hücuma məruz qalaraq başından yaralanan məşhur müğənni uzun müddət müalicə olunmuşdu. Ancaq qırılan kəllə sümüyünün parçalarından biri riskli olduğu üçün çıxarılmamışdı. Tatlısəs o sümüyün çıxarılması üçün fevral ayının ilk həftəsində Amerikaya uçacaq. Üç ay orda qalacaq musiqiçinin ailəsi və yaxınları yanında olacaq.