writer1

Cəlil Cavanşir

Məqalə sayı

294
clock09:00 calendar-gray 28 Yanvar 2015 view-gray168 dəfə oxunub
view-gray168 dəfə oxunub

Feysbukun tez tutulan qızları

Cəlil Cavanşir

Xatırlayırsınızsa, Azərbaycan kişisinin sosial şəbəkələrdə necə “at oynatmağı” ilə bağlı sizə şok açıqlamalar verəcəkdim. Verdiyim sözü unutmamışam. İntəhası, bir məsələ var ki, mən istər-istəməz öz həmcinslərimi zərbə altında qoymaq istəmirəm.

Ona görə də uzun müddət bu mövzuda yazmaq barədə düşünüb-daşındım. Nəhayət, qərar verdim ki, sevimli oxucularımın ürəyindən tikan çıxarmaq üçün, bu barədə yazım. Uzağa getməyək. Öz təcrübəmi sizlərlə bölüşsəm, hər şey gün işığına çıxacaq. Bir növ özümü ifşa etmək niyyətindəyəm. Bu yazıya “Bir feysbuk istifadəçisinin etirafları” başlığını qoymaq pis olmaz. Başqa ad da fikirləşmək olar. Nəysə, özümüzü yormayaq. Buna da qoy redaktorlar qərar versin! Hər şeyi özüm edəsi deyiləm ki...

7-8 ildir sosial şəbəkələrdə aktivəm. Zaman-zaman rastlaşdığım maraqlı olayları, başıma gələnləri sizlərlə bölüşmüşəm. Başıma gələn acılı-şirinli əhvalatlar, sevməyim, ayrılmağım, evlənməyim, övlad sahibi olmağım barədə hər şeyi bilirsiniz. Bir neçə kitab yazdığımı, şeiri sevdiyimi, həddindən çox içdiyimi, siqaret çəkdiyimi, davakar və əsəbi olduğumu, yalana nifrət etdiyimi, çoxlu filmlərə baxdığımı, kitab oxumağın faydasına inandığımı, hansı kafedə yeyib-içdiyimi, səhərlər xaşa getdiyimi, axşamlar darıxdığımı sizdən gizlətməmişəm. Amma istəyirəm, sizə bir kişinin sosial şəbəkələrdə necə “at oynatmasını” ətraflı şəkildə izah edim. Yəni, məsələnin görünməyən tərəflərini sizlərə göstərməklə, özümü və həmcinslərimi rəzil-rüsvay edib gözdən salmağı qarşıma məqsəd qoymuşam.

Sosial şəbəkələrdə, xüsusilə Feyzbukda 9-10 profilim, 15-20 səhifəm var. Siz mənim bir profilimi bloka atanda mən digər profilimlə girib sizin yazdıqlarınızı izləyə bilirəm. Aktiv olaraq prosesləri, gündəmi, gözəl qadınları, şirin qızları, kədərli filosofları, postmodern yazıçıları, çılğın şairləri, bacarıqlı aktyorları, seksual modelləri, müasir meyxanaçıları, söyüşkən reperləri, elmli falçıları, qabiliyyətli aparıcıları izləyirəm. Ovqatıma uyğun statuslar yazıb, kefimə görə fotolar, şeirlər paylaşıram.

Bilgisayarımda “aforizmlər”, “şeirlər”, “sevgi statusları”, “kədərli statuslar”, “tanışlıq mesajları” adlı qovluqlar var. Eyni zamanda, “youtube” kanalımda kifayət qədər qeyri-adi, ovsunlayıcı musiqilər var ki, dinləyənlər heyrətlənir. Yazı-pozu adamlarını yeni məhsullarını mütləq paylaşıram və dostluğumdakı insanlara oxumalarını tövsiyə edirəm. Əlimin altındakı resurslardan istifadə edib mümkün olduğu qədər “cool” görünməyə çalışıram. Belə götürəndə, çox şükür, alınır. Amma, ancaq, lakin...

Yox, dözə bilmirəm! Hər şeyi etiraf etməliyəm! Mən hər gün Feyzbuka girən kimi bir kənara “Siz necə də gözəlsiniz, xanım”, “Ayy, necə də şirinsən”, “Super”, “Möhtəşəm” yazıb gözləyirəm. Sonra həmin yazını dostluğumda olan gözəl xanımların fotolarının altına “copy-paste” edirəm. Beləliklə günə uğurlu bir başlanğıc və artıq mən formadayam! Növbəti mərhələdə dostluğumda olan gözəl xanımlara müxtəlif üsullarla “girişməyə” başlayıram. Əlimin altındakı hazır resurslar işə yarayır. Şeir, olmadı mahnı, olmadı hazır sevgi mesajları və aforizmlər... Zövqlər və beyinlər müxtəlif olduğu üçün bu əziyyətli prosesin sirlərini heyf ki, sizlərlə bölüşə bilməcəyəm. Qoy heç olmasa bir sirrimiz qalsın da...

Obrazlı desək, Feyzbuka girər-girməz torumu atıram, axşamacan nə düşər, düşər. Gün uğurlu keçəndə ən azı dörd-beş “Ayka Namazqılanka”, “Günka Pessimistka”, “Balamın Balasiyam”, “Ugur böcəyi” nikləri ilə Feyzbukda məskən salmış xanımlarla söhbətləşir, həyatın faniliyi, ölümün aniliyi, sevginin qeyri-adiliyi barədə fəlsəfi-konseptual nəzəriyyəmi onlarla bölüşürəm. Bəzən toruma ərindən küsmüş, həyatdan yorulmuş, sevgiyə inanmayan qəmli xanımlar düşür. Adətən, həyat yoldaşıyla zorla evləndirilən, ərini sevməyən, onun qorxusundan başqa adlarla hesab açan xanımlar daha maraqlı və “rahathulqum” olur.

Siyasətlə maraqlanmıram və feyzbukdaşlarımı boş-boş siyasi nəzəriyyələrlə yormuram. Məncə, siyasətlə məşğul olan həmcinslərim əsəblərini boş yerə xərcləyirlər. Dini mövzulara hərdən, o da bu mövzular trend olanda müraciət edirəm. Duruma uyğun gah ateist, ya şiə, gah sünni, gah da sufi oluram. Lazım gəlsə, bu mövzular ətrafında “Caps Lock”u yandırıb sərt mövqe ortaya qoyan statuslar da yazıram.

Yuxarıda yazdıqlarımın çoxunu rəsmi profilimdə yox, “fake” profillərimdə rəsmiləşdirirəm. Mən də bu cür rahat oluram, ay qadanız alım, inciməyin.

...Həyatın sürətli axarında bu cür başımı qatıb, virtual xoşbəxtliyin dadını çıxarıram. Yazıram, pozuram, oxuyuram, dinləyirəm, izləyirəm və sizinlə paylaşıram.

Həə, əziz oxucu! Məncə qismən də olsa, özümü biabır edə bildim. Feyzbukda görüşənədək!

REKLAM

Yazarın digər yazıları

Xəbər lenti

Türklər Nəsimi və Füzulinin həyatından film çəkir
18:12 06 Avqust 2020
Bizimki kimi özgələrin kefinə əsir olan heç bir dil yoxdur - Çağdaş türkcəmizə görə borclu olduğumuz esse
17:08 06 Avqust 2020
Qremmi mükafatçısı həbs olundu
16:41 06 Avqust 2020
Azərbaycanlı gənclərin Gürcüstanda yaratdığı teatrın açılışı oldu
15:57 06 Avqust 2020
Həsrətin gizli öpüşlərində güzgüləndi - Şeir
15:02 06 Avqust 2020
Məşhur musiqiçi Trampı məhkəməyə verdi
14:21 06 Avqust 2020
Türkiyədə nazir olan, övladına Atatürkün adını qoyan, ömürlük həbs cəzasına məhkum edilən azərbaycanlı yazıçı – Maraqlı faktlar
13:32 06 Avqust 2020
Vladimr Sorokindən yeni kitab
12:44 06 Avqust 2020
Çörək, dərman, kitab... - Operativ Qərargaha təklif
11:58 06 Avqust 2020
Ziyalılar karantinlə bağlı müraciət etdi
11:16 06 Avqust 2020
Məşhur rejissordan yeni film gəlir - Treyler
10:38 06 Avqust 2020
"Min bir gecə" Vyanada nümayiş olundu
10:04 06 Avqust 2020
İtin kolbasasını uşağına verdiyi üçün villadan qovulan fəhlə - Varisin yeni hekayəsi
08:59 06 Avqust 2020
Kinematoqrafçılar İttifaqı Ayaz Salayevi mükafatlandırdı
18:57 05 Avqust 2020
Masaya dağılmış qırmızı şərab - Mehriban Ələkbərzadəyə...
18:12 05 Avqust 2020
Şamaxıda antik dövrə aid nekropol tapıldı - Fotolar
17:41 05 Avqust 2020
Plastik əməliyyat zamanı dünyasını dəyişdi, bir il sonra səbəbkar həkim də stressdən öldü - Cahandar ağanın qızının faciəvi sonu
17:11 05 Avqust 2020
Məşhur yazıçı həbs olundu
16:28 05 Avqust 2020
Stiven Kinqdən yeni roman
14:50 05 Avqust 2020
Nə düşünürsən, Günel? - Orxan Həsəni yazır...
14:21 05 Avqust 2020