writer1

Aliyə

Məqalə sayı

999
clock20:31 calendar-gray 27 Yanvar 2015 view-gray229 dəfə oxunub
view-gray229 dəfə oxunub

Yumruqlaşan müəllimlərin qatil tələbələri

“Müəllim öz həmkarını vəhşicəsinə döyüb...” Bu başlıq dünənin xəbər lentindəndir.

Televiziyanın, KİV-in ictimai funksiyasını itirib fərdi əhvalatları, hadisələri, hətta şəxsi məsələləri işıqlandırmasından şikayət etməyə bir abzaslıq yer saxlayacağıq.

Bu kriminal xəbərlər, faciələr, hadisələr göründüyü qədər də fərdi və adi deyil. Bu xəbər lenti dərd çoxluğu ilə bizi sarsıdır. Baxırıq dərdlərimiz yada düşür. Amma içində eləsi olur ki, o, adamı ən dəhşətli kriminal xəbərdən də çox narahat edir. Məsələn, Suraxanı məktəblərindən birində tarix müəlliminin həmkarını döyməsi kimi...

Burada təəccüblü nə var? Müəllim də insandır, əlbəttə. Onun da əsəbləri var. İnsana aid olan feillər ona da aiddir. Həm də heç təəccüblü deyil, onun da nüfuzu “rüşvət”, “tapşırıq”, “saxtakarlıq”, “süpürgəpulu” kimi təyinlərlə zədələnib, daha doğrusu, zədələndirilib. İndi bir müəllimin o birini döyərək, əslində müəllim adına daha bir zərbə vurmasından təbii nə var?

Problem də həminkidir: müəllim nüfuzunun korlanması. Sadəcə, bu hadisədə təsvir daha hərəkətlidir - müəllimlər əlbəyaxa olublar...

Yəqin ki, bu əlbəyaxa yalnız bir saat dərsin üstündə deyil. Bəlkə, o müəllim o bircə saat dərslə yeni maaş artımını ala bilməyəcəyinin (məsələn, adamın 11 saat dərsi varsa o bir aklad sayılmır və sayılmırsa deməli o artım kateqoriyasına düşməyəcək) qorxusunu yaşayırmış. Günlərə böləndə aldığı maaş qəpiklərlə ölçülən müəllimdən qəhrəmanlıq gözləmək ya üzlülükdür, ya da “çörək yoxdu, bulka yesinlər” anlamazlığı.

Bir də adama deyərlər, “Müəllim” adının mənəvi keyfiyyət brendi kimi korlanması prosesi indimi başlayıb?

2000-lərin tələbəsiydik, metrolarda xırdavat alverçisinə “müəllim” deyə müraciət edirdik və adam həqiqətən də müəllim çıxırdı. Güzərana görə, işini atıb alverlə məşğul olan müəllim... Universitetdə müəllim dediklərimizsə ya alverçi, ya dəllal çıxırdı. Bu əzik alverçi-müəllimlərlə şax pulları olan universitet uşaqları arasında ədəb-əxlaq davası gedirdi. Onlar tələbələrdən ədəbli olmağı istəyirdilər, tələbələrsə onları ədəbdən də böyük bir məsələdə - əxlaqsızlıda, yəni mənəviyyatsızlıqda suçlayırdılar. Universitet nəsillər arasında belə bir toqquşma yeri idi.

Amma o Universitet, o peşə bir neçə MÜƏLLIMə görə bizim üçün dəyərli ola bildi. Onları imtahan, müdafiə, qəbul imtahanı kimi əhəmiyyətli heyətlərə salmırlar, əlbəttə. Onların bir missiyası var: bu adı qorumaq.

Və müəllimlər sonsuz fədakarlıqla, ağır şərtlərlə o adı qoruya bildi. Elə bilin, onlar küləyin qarşısında inadla şam yandırdılar. Olmur deyəcəksiz, olmur - küləyin qabağında şam yanmır. Amma oldu. O müəllimlər o küləkdə şam yanmayanda bizə işıqdan danışdılar. Biz də inandıq...

İşığı söndürmək olar, amma işıq anlayışını “söndürmək” işığı söndürmək qədər asan deyil...

P.S. Bu da sizə əvvəldə söz verdiyimiz abzas. Şərq təfəkkür tərzi deyə bir şey varmı, yoxmu bilmirəm. Əgər varsa, deməli o, qərbli kimi sistemə yox, fərdə güvənir. Təhsilin “ustad-şəyird” münasibətlərindən tutmuş, məzlumların Mehdi sahibəz-zamanı gözləməsinə qədər... Müəllim adının onu daşıyanın fərdi keyfiyyətlərinin ümidinə qalması kimi... TV-də ictimai prosesləri yox, fərdi faciələri, fərdi nümunələri müzakirə etməyə qədər... Müsahibələri mövzuya görə yox, fərdə görə qurmağa qədər... Hər şey fərdi... Deyəsən sistemli olan bir şey var: Müəllimə peşəsinin mənəvi dəyərini unutdurmaq...

REKLAM

Yazarın digər yazıları

Xəbər lenti

Nizaminin əsərləri ilə bağlı müsabiqə elan olundu
18:54 18 Yanvar 2021
“Şəhərin qış gecələri” tamaşası onlayn nümayiş ediləcək
18:22 18 Yanvar 2021
İsa Hüseynovun hekayəsi Gürcüstan kitabxanasında
17:58 18 Yanvar 2021
"Üç peyğəmbər" xalçasının müəllifi - Ziyadxan Əliyev yazır...
17:43 18 Yanvar 2021
Dəyişən gerçəkliklərdə gizlənən həyat - Aliyə yazır...
17:01 18 Yanvar 2021
Xalq artisti xəstəxanaya yerləşdirildi
16:19 18 Yanvar 2021
"Şanlı tarix" sərgisi açılacaq
16:09 18 Yanvar 2021
Elçiliyə gecə saat 1-də gedən, Cəfər Cabbarlının qızını alan, baba olduğunu eşidəndə dünyasını dəyişən yazıçı – Maraqlı faktlar
15:27 18 Yanvar 2021
Yeşilçam filmlərinin məşhur aktyoru vəfat etdi
14:46 18 Yanvar 2021
Qazilərimizdən bəhs edən film çəkildi
14:29 18 Yanvar 2021
50 yaşı tamam olan yazıçı: “Az qalıram utandığımdan qaçıb gizlənəm” – Müsahibə
13:50 18 Yanvar 2021
Peyvənd vurduran nazir və qərarsız Facebook əhli
13:02 18 Yanvar 2021
Məni sevgi üstə yaxaladılar – Əlizadə Nuridən yeni şeirlər
12:15 18 Yanvar 2021
Muzeyə getməməyi ilə məzələnən xalqım, oy! – Sərdar yazır...
11:42 18 Yanvar 2021
Beyin anevrizması keçirən məşhur repçi sağaldı
11:07 18 Yanvar 2021
Axşama tamaşa var
10:30 18 Yanvar 2021
Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021