news-inner
clock14:17 calendar-gray 15 Yanvar 2015 view-gray198 dəfə oxunub
view-gray198 dəfə oxunub

Həci maşınında siğə

Ötən yay bir tanışımla maşın bazarına getmişdim. Yeyib-içən oğlan olan tanışım həmin gün narın saqqal saxlamış, əlinə təsbeh almışdı.

Yolda da dönə-dönə tapşırdı ki, bazarda məni adımla yox, “məşədi” deyə çağırarsan.

Əvvəlcə, bu hikməti anlamadım, amma tanışımın maşına yaxınlaşan adamlara “inşallah-maşallah” deyə-deyə 2-3 saatın içində sərfəli müştəri tapmasını görəndə məsələnin məğzinə vardım.

Həmin gün lüğətimə təzə ifadə daxil oldu: “Ruzigətirən maşın”. Xüsusi dualarla, ovsunlarla “silahlanmış” minik vasitəsi. Üzərliyi, gözmuncuğu, “Ayətül-Kürsi” və Mirmöhsün ağanın şəkli öz yerində. Bir də ki, boynu tərpənən it oyuncağı…

Allah bizi narkomanların sürdüyü, “ruziaparan” maşınlardan qorusun! Amin!

Dünən də bir “Facebook” səhifəsində də belə bir reklam gördüm: “Həci sürüb, yəni, ruzigətirən maşındır”. Qəribədir, insanlar bu reklamla nə qədər mırtlaşsa da, girib baxırlar və maraq göstərirlər. Əlbəttə ki, sonda almaq istəyən də tapılar. Kim bilir, bəlkə də, artıq o maşın satılıb.

Azərbaycanda ən tez satılan avtomobillər ya “hacı sürən maşınlar” olur, ya da “qız maşınları”. Ona görə də, insanlar nəyəsə nail olmaq üçün yalan danışmalı olurlar... Amma çox zaman bu “totem” özünü doğruldur. Hamıya “Allah kömək olsun” deyən həcilərin özləri nədənsə Allaha ümid olmur, bir problem olanda dərhal əl gəzdirir, maşınları da daim baxımlı olur.

İndiyə qədər yolda qalan, qəza törədən, maşının “anasını ağladan” xanım sürücüləri çox görsəm də, nədənsə, avtoservislərə ən çox müraciət edənlər də onlar olur. Hər xırda problemdə servisə qaçırlar, bəlkə, xalqımızın “qız maşınına” marağı buna görədir?

Yəqin ki, Avropada da avtomobili tez satmaq üçün reklam vasitəsi belə olar: “Roma papası cayıl vaxtlarında bu maşında rəis uşağı gəzdirib”, “Bu maşını xaç suyuna salıblar”, yaxud da ki, “Vaxtilə Monika Belluçi sevgililərini bu maşında qəbul eləyib”...

Belə, “perspektivli” maşınların imici də “şanlı” olur. Zarafat deyil, məşhur müğənnilərin, siyasətçilərin sürdüyü maşınlar auksionlarda yaxşı satılır.

Əsas odur, bazar olsun. Kim nə istəyir alsın, kim nə istəyir, satsın. Təki, heç kimin heç nəyi əlində qalmasın. Amma adamda insaf da yaxşı şeydir...

O gün başqa bir tanışım “həcidən aldığı” maşınla bir həftənin içində üç civi tutmasından söz açdı. Əlavə də etdi ki, “çox düşərli maşındır, apardım xəlvət yerə, bir dua oxudum, siğəmi nuş elədim”. Allah onu qoruyub, ilişən də olmayıb...

Haram işləri halallıqla görməyin özü də başqa aləmdir!

İndi kimdir münafiq – sizin mövfuhumatınıza məsxərə edən (bundan maddi heç nə qazanmayan) mən, yoxsa ki, inanclardan birini şüar edib (maddi qazanc da görüb), digər vacibatları qulaqardı edənlər?

Oxşar xəbərlər

Xəbər lenti

Qızı tərəfindən tərk edildi, kirayələrdə yaşadı, küçədə dünyasını dəyişdi – Xalq artistindən maraqlı faktlar
15:30 07 Mart 2021
Bəzənib, qurşanıb sеyrə çıxan yar... – Aşıq Ələsgərdən qoşma çələngi
11:00 07 Mart 2021
Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021
Oğuruq əşyalar Luvr muzeyinə qaytarıldı
15:02 06 Mart 2021
Qocalar evində yaşayan aktrisa vəfat etdi
13:45 06 Mart 2021
Tez öləcəyini bildiyi üçün evlənməyən aktyorumuz - Maraqlı faktlar
12:30 06 Mart 2021
Berlin Film Festivalının qalibləri açıqlandı
11:13 06 Mart 2021
Xalq rəssamı haqqında tədbir keçirilib
10:12 06 Mart 2021
Kişilərə qarşı terror törədən feministlər – Sevda Sultanova yazır...
09:01 06 Mart 2021
“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021
Qodar kinodan gedir
14:40 05 Mart 2021
Türkiyəli yazıçı vəfat etdi
13:50 05 Mart 2021
Dahi şairin çap olunmamış şeiri tapıldı
13:01 05 Mart 2021