news-inner
clock15:08 calendar-gray 05 Yanvar 2015 view-gray218 dəfə oxunub
view-gray218 dəfə oxunub

Qızına tapşırıq verib ki, kibrit qutularını satmasan, evə gəlmə

Kulis.az gənc yazar Asiman Eyniyevin “Barbarosa” hekayəsini təqdim edir.

Uzun pəncərənin tülündən axşam günəşinin öləzimiş şüaları süzülürdü. Yaşlı qadın siqaretini yandırıb kibrit qutusunu kağız yığınının üstünə atdı. Şeirini tamamlaya bilmirdi. Hündür kreslodan ayağa qalxdı. Sol ayağını birtəhər arxasınca sürüyüb mətbəxə keçdi. Qaz sobasının üstündəki qəhvədan daşmışdı. Siqareti dişlərilə möhkəm sıxdı.

– Lənətə gələsən! –dedi.

Siqaretin maviyə çalan tüstüsü sol gözünü göynətdi. Gözünü qıyıb qazı söndürdü, əski parçasıyla sobanın ətrafını sildi, qəhvəni fincana süzüb yenidən otağa qayıtdı. Əlindəkini stolun üstünə qoyub pəncərəyə yaxınlaşdı. Ağ, nəmli tülü çəkdi, pəncərəni açıb başını bayıra çıxartdı. Havadan yanmış rezin iyi gəlirdi. Hardasa zibil yeşiyinə od vurmuşdular. Yan binanın divarına çəkilmiş qraffitiyə baxdı. “Dünən o şəkil yox idi, yəqin gecə çəkiblər”–deyə düşündü. Nədənsə o şəklin silinməsini istədi. “Bu, küçə uşaqlarının işi deyil, kim çəkibsə öz məqsədi var”–dedi qadın əsəbiləşərək. Şəklin üstündə “postmodern arxitektura” yazılmışdı.

Dar küçədə futbol oynayan uşaqların səsi aləmi götürmüşdü. Ayaqyalın topun arxasınca qaçan qızı görüb həyəcanlandı. Əlindəki siqaret kötüyünü həyətə tolazladı. Pəncərəni azca yuxarı qaldırıb yerinə oturtdu. Pəncərənin taxtası şişmişdi və bağlamaq bir az çətin idi. Qəfil isteriyaya qapıldı. Bayaq oxuduğu nağıl yadına düşmüşdü. “Kibritsatan Qız”ın nağılı...

Qəhvədən bir qurtum götürüb fikrini dağıtmaqdan ötrü yenidən kresloda oturdu. Vərəq üzərinə düzdüyü sözləri yerbəyer edə bilmirdi. Qağayı, dəniz, qayıq, liman, çərpələng, qəhvə, külqabı, mavi çiçəklər və başqa sözləri toplayıb nəsə yazmaq istəyirdi. Alınmırdı... Kibritsatan qızın əksi gözlərinin önündə canlandı. Qarda ayaqyalın dolaşan qızın aqibəti onu dərindən sarsıtmışdı. Qadın ürəyində özünü söydü. Axı niyə oxudu o nağılı, niyə? Nağılın təsirinə bu qədər düşmək olarmı? Nağıldır da, sonu faciəylə bitən adi bir nağıl...

Danimarkalı yazıçının uşaqlar üçün qələmə aldığı nağılda bir qız təzə ilin ilk axşamında kibrit satmağa yollanır. Yolda ayaqqabılarını itirir və qarda ayaqyalın gəzməli olur. Soyuğa tab gətirməyən qızcığaz evlərdən birinin tinində daldalanacaq yer tapır. Divarın küncünə qısılır. Qızcığazın atası zülmkardır, qızına tapşırıq verib ki, kibrit qutularını satmasan, evə gəlmə.

Qızcığaz, qutudan bir kibrit çıxarıb yandırır. Xəyalında olan dadlı xörəkləri kibritin işığında görür. Kibrit sönəndən sonra onun kiçik arzuları da puç olur. O, bu minvalla bir neçə kibrit yandırır və xəyallara dalır. Sonda qızcığaz, onu ən çox istəyən bir adamı –təzəcə ölmüş nənəsini kibritin işığında görür. Nənəsindən ayrılmamaq üçün qutudakı kibritlərin hamısını birdən yandırır. Ətraf işıqlanır. Qızcığaz görür ki, nənəsi onun əlindən tutdu, onlar birlikdə harasa yollandılar...

Səhəri gün evin tinindən qızın ölüsünü tapırlar. Onu tapanlar belə qərara gəlirlər ki, qızcığaz isinmək istəyirmiş və yanında nə qədər kibrit varsa hamısını yandırıb.

– İlahi, dəhşətdir! Axı niyə? –yaşlı Barbarosa beynini ovuşdura-ovuşdura masanın üstündən kibrit qutusunu götürdü, baxdı, əlində oynada-oynada ayağa durdu. Otağın küncünə qoyulmuş telefon zəng çaldı. Zırıldayan telefona yaxınlaşan Barbarosanın fikri dağınıq idi. Dəstəyi götürüb:

– Eşidirəm! –dedi Barbarosa.

- Bağışlayın, almanlar tərəfindən hazırlanan əməliyyat planı “Barbarossa”yla danışıram?–deyə dəstəyin o biri tərəfindən kimsə qəhqəhə çəkdi.

– Xeyr, siz şairə Barbarosanın evinə zəng vurmusunuz. Bir də o əməliyyat planı iki “s”–lə yazılır –deyə əlavə etdi: –Qızım, sənə ehtiyacım var, bu gün bizə gəl. Bilmirəm, ürəyim darıxır –ürəyində danimarkalı yazıçını söydü–özümü pis hiss edirəm –dedi, kibrit qutusuna baxa-baxa onu barmaqları arasında gəzdirdi.

– Əlimdə bir az işim var, tamamlayım gələrəm.

– Yaxşı, gözləyirəm, mütləq gəl!

Barbarosa dəstəyi yerinə qoydu. Qələmi götürüb divara vurulan təqvimə yaxınlaşdı. Nədənsə bugünkü tarixi uğursuz bir gün kimi işarələdi. Kreslonu pəncərənin qarşısına çəkib oturdu, əlindəki kibrit qutusunu barmaqlarının arasında gəzdirə-gəzdirə dərindən ah çəkdi.

– Bu cür hadisələr baş verir, bilirəm. Nağıllar uydurma deyil, olmuş əhvalatlardır. İllər ötdükcə nağıla çevrilirlər. İlahi, axı uşaqların günahı nədir? Bir sehrli qüvvə yetərdi ki, o qızcığaz soyuqda donmasın. İlahi, niyə belə edirsən?

O, bir neçə dəfə dərindən nəfəs aldı. Rahatlanmaqdan ötrü gözlərini yumdu.

Binanın qarşısında dayanan maşından qara parçadan kostyum geyinən bir qadın düşdü. Ehmalca binanın ikinci blokuna girdi. Pillələri qalxdı. Qapılarına çatanda dayandı. Nəsə fikirləşdi, sonra qapı zəngini basıb qapının böyründə gizləndi. İstəyirdi ki, gəlişi anası üçün sürpriz olsun. Bir az gözlədi. Zəngi təkrar dörd dəfə basdı. Açan olmadı. Çantasından hövlnak ehtiyat açarı tapıb, qapını açdı.

Kresloda oturan Barbarosa gözlərini yummuşdu.

Qız:

– Ana– deyə çığıraraq onun üstünə atıldı. Bu vaxt Barbarosanın əlindən nəsə düşdü. Qızı buna fikir vermədi. Hətta ayağı ilə onu tapdaladı da. Kibrit qutusu əzilmişdi...

10.03.2013

news-inner-user

18116 məqalə

Oxşar xəbərlər

Xəbər lenti

Dovşanın ölümü - Afaq Məsudun hekayəsi
16:30 08 Mart 2021
Qadınlar bayramı faciədən doğuldu – 8 Mart haqqında 8 fakt
12:30 08 Mart 2021
Gülay Hüseynova: “Mənə seksist suallar verirsən” - Müsahibə
09:00 08 Mart 2021
Qızı tərəfindən tərk edildi, kirayələrdə yaşadı, küçədə dünyasını dəyişdi – Xalq artistindən maraqlı faktlar
15:30 07 Mart 2021
Bəzənib, qurşanıb sеyrə çıxan yar... – Aşıq Ələsgərdən qoşma çələngi
11:00 07 Mart 2021
Məşhur müğənni kitabxanada striptiz klip çəkdi – Video
18:00 06 Mart 2021
Xalq artisti “Ay laçın” mahnısına klip çəkdirdi - Video
17:05 06 Mart 2021
Papaq - Cəfər Cabbarlının hekayəsi
16:32 06 Mart 2021
“Digitalart-lab” layihəsi çərçivəsində ustad dərsi keçirilib
16:10 06 Mart 2021
Oğuruq əşyalar Luvr muzeyinə qaytarıldı
15:02 06 Mart 2021
Qocalar evində yaşayan aktrisa vəfat etdi
13:45 06 Mart 2021
Tez öləcəyini bildiyi üçün evlənməyən aktyorumuz - Maraqlı faktlar
12:30 06 Mart 2021
Berlin Film Festivalının qalibləri açıqlandı
11:13 06 Mart 2021
Xalq rəssamı haqqında tədbir keçirilib
10:12 06 Mart 2021
Kişilərə qarşı terror törədən feministlər – Sevda Sultanova yazır...
09:01 06 Mart 2021
“Baku” jurnalı “Yandeks dzen” platformasında təqdim olunur
18:55 05 Mart 2021
Qadınlar Gününə həsr olunmuş sərgi keçiriləcək
18:01 05 Mart 2021
Qadına görə özünü yandıran məşhur meyxanaçı - Məşədibaba Elçini niyə öldürmüşdü? - Video
17:09 05 Mart 2021
“Oyaq gözəl” tamaşası onlayn nümayiş ediləcək
16:22 05 Mart 2021
Yanlış tanıdığımız Amerika – Cavid Ramazanov yazır
15:30 05 Mart 2021