news-inner
clock09:30 calendar-gray 06 Yanvar 2015 view-gray430 dəfə oxunub
view-gray430 dəfə oxunub

Məşhur aktrisa: “Qadının gözəlliyi fiqurada deyil”

Odri Hepbörn 1960-cı illərdə Hollandiyaya həyat yoldaşı Mel Ferrerin “El Qreko” filminin premyerasına gedəndə böyük hərarətlə qarşılanmışdı. 1929-cu ilin may ayında Brüsseldə anadan olan aktrisanın atası ingilis, anası isə Hollandiya baronessası idi. O, uşaqlıq illərini Hollandiyada keçirmişdi.

Almaniyanın Hollandiyanı işğalı yeniyetmə Odri üçün əzab və dəhşət idi. Əmisi və əmisi oğlu onun gözləri qarşısında güllələndi, özü isə aclıq çəkdiyinə görə fiziki cəhətdən çox zəif idi.

1952-ci ildə Londona köçən Odrini fransız yazıçısı Kolett Brodveyə, “Gigi” tamaşasında oynamağa dəvət edir. Bu, onun ilk baş rolda çəkiləcəyi “Roma tətilləri” filmindəki şahzadə roluna vəsiqə idi. Bu filmdəki roluna görə o, “Ən Yaxşı Aktrisa” nominasiyası ilə Oskar mükafatına layiq görüldü. Bu rol əslində Elizabet Teylora təklif edilməli idi. Amma Odrinin sınaq kaseti rejissorların diqqətini cəlb etdi.

Filmin direktoru Uilyam Vayler Odrinin “cazibədar, məsum və istedadlı” olduğunu dedi. Oskar mükafatını alan Odri Hepbörn son illər ona yardım edən və ona yol göstərən hər kəsə təşəkkürünü bildirdi.

Uilyam Vaylerin Hepborn haqda dedikləri tezliklə dünyaya yayıldı və o, bir neçə filmdə yaddaqalan rollar oynadı. “Roma tətilləri”ndən sonra Odri “Sabrina” filminə çəkildi və bu filmdəki roluna görə də Oskar mükafatına namizəd oldu, Lakin Oskarı “Kənd qızı” filmindəki roluna görə aktrisa Qreys Kelli aldı.

Bundan sonra Odri Hepbörn Oskar, Qremmi və Toni mükafatlarını almış üç qadından birinə çevrildi. 1959-cu ildə o, “Rahibənin hekayələri”, 1961-ci ildə “Tiffanidə səhər yeməyi”, 1967-ci ildə “Qaranlığı gözlə” filmlərinə görə Oskar mükafatına namizəd oldu.

“Gevanşi evi”ndə isə Odri Hepborn moda ikonasına çevrildi. 1964-cü ildə aktrisa Brodveyin “Merri Poppins” tamaşasında oynadı. Mahnıları Marni Niksonun səsləndirməsinə baxmayaraq, yaxşı aktrisa kimi Odri Hepborn yenidən Oskar mükafatına layiq görüldü.

Dünya boyu ən çox sevilən aktrisa Odri Hepbörn təqaüdə çıxdıqdan sonra UNİSEF-də çalışmağa başladı və 1988-ci ildə Uşaqlara Yadım Təşkilatının xüsusi elçisi seçildi.

2006-cı ildə isə Hepbörnün “Tifanidə səhər yerməyi” filmindəki “Gevanşi” moda şirkətinin dizayn etdiyi “kiçik qara don”-u Kristi hərracında yarım milyon funta satıldı. Əslində satılan paltar filmdəki paltarın eynisi deyildi.

Odri Hepborn 1993-cü ilin yanvar ayında xərçəng xəstəliyindən vəfat etdi. Onun özü ilə qoyub getdiyi irs özündə təkcə film yaradıcılığı deyil, beynəlxalq münasibətlərdə humanizmi tərənnüm edir.

Qeyd: Aktrisa haqda məlumat amerikaninsesi.org saytından götürülüb.

Kulis.az Odri Hepborndan sitatları təqdim edir.

Tez-tez xoş sözlər deyən dodaqlar çox gözəldir.

İnsanlarda ancaq yaxşı şeyləri görməyə çalışan gözəl çox gözəldir.

Öz yeməyini aclarla bölənlərin qaməti hamıdan gözəl olacaq.

Uşaq kimin saçlarını gündə bir dəfə sığallayırsa, o saçlar ipək kimi olacaq.

Düz qamətli olmaq istəyirsənsə, yol yoldaşın üçün nümunə olduğunu unutma.

Qadının gözəlliyi – geyimdə, fiqurda və ya saç düzümündə deyil. Gözlərin parıltısındadır.

Mən inanıram ki, xoşbəxt qızlar ən gözəl qızlardır. Və kalori yandırmağın ən yaxşı yolu gülməkdir.

Məni güldürən insanları xoşlayıram. Mən həqiqətən fikirləşirəm ki, dünyada ən çox sevdiyim şey gülməkdir. Bu bir çox xəstəlikləri müalicə edir.

Qadının əsl gözəlliyi onun ruhundadır. Bu sevgi ilə göstərilən qayğıdır, ehtirasdır.

Qadının gözəlliyi onun yaşı ilə birlikdə artır.

Xoşbəxtlik sizin həyatınıza şeypurlarla gəlmir. Sizi həqiqətən xoşbəxt edəcək şeylər barmaqlarının ucunda gəlir və sizin onları görməyinizi gözləyirlər.

İnsanlar əşyalardan daha çox seçilməyə, təmir edilməyə, yerinə qoyulmağa ehtiyac duyurlar. Heç vaxt heç kimi atmayın.

Laqeyd olmayın. Həyatda edə biləcəyiniz ən yaxşı şeydir bu.

Sənə kiminsə kömək əli lazım olsa, bil ki, o səndə var – sənin öz əlin. Sən bir az da böyüyəndən sonra başa düşəcəksən ki, bir əlin özünə, digər əlin isə başqalarına kömək etmək üçündür.

Deyirlər, sevgi – ən əlverişli töhfədir: nə qədər çox verirsən, əvəzində daha çox alırsan. Məsələ bunda deyil. Sevgi - ən unikal töhfədir. Onu nə qədər çox hədiyyə edirsənsə, o qədər çox içində sevgi doğulur. Əgər bütün bunları başa düşsəydiniz, yaşamaq daha asan olardı.

Oxşar xəbərlər

Xəbər lenti

Detektiv yazıçımızın yeni romanı çıxdı: "İkinci ruhun kölgəsi"
18:41 18 May 2021
Kibrit qutusunu yandırdım, son kibrit sönər deyə... - Minimalist şeirlər
17:52 18 May 2021
"Leyla ilə Məcnun" serialı ekranlara qayıdır
17:09 18 May 2021
Muzey direktoru: “Uzun Həsənin geyimi Bakıya gətiriləcək” – Müsahibə
16:15 18 May 2021
Oljas Süleymenov “Şərəf” ordeni ilə təltif edilib
15:28 18 May 2021
Gözlənilməz istefa, Vaqif Mustafayev və “Space”in yaramazları
15:01 18 May 2021
Vüqar Biləcərinin abidəsi belə olacaq - Foto
14:11 18 May 2021
Soyun... - Aqşin Yeniseydən yeni şeir
13:35 18 May 2021
Bacımın bizi Laçına qaytaran oyuncaqları
13:07 18 May 2021
Barat Şəkinskayaya eşq elan etdi, atası onu evdən qovdu, 35 yaşında güllələdilər – Əməkdar artistin faciəvi həyatı
12:24 18 May 2021
Səxavət Məmmədovun qardaşı dünyasını dəyişdi
11:58 18 May 2021
Yataq otağının pəncərəsinə nərdivan söykəyən qonşu gəlin
11:39 18 May 2021
Nöqtə-vergül dilənən fırıldaqçılar
11:06 18 May 2021
Məşhur yazıçı vəfat etdi
10:25 18 May 2021
Özbəklər azərbaycanlı snayperdən film çəkib
09:36 18 May 2021
Bakı yolunda tıxac yaradan yadplanetli – Nahiddən yeni hekayə
09:01 18 May 2021
Olljjjaaaaaassss!..
18:46 17 May 2021
Tamaşaçılar "Avroviziya"nı maskasız izləyəcək
18:02 17 May 2021
İndoneziyada Nizamiyə aid poçt markası buraxılıb
17:15 17 May 2021
"MTV-2021"in qalibləri açıqlandı - Siyahı
16:22 17 May 2021