BBC Britaniya teleyayım korporasiyası 2015-ci ilin yanvarından Rusiyada Lev Tolstoyun “Hərb və sülh” romanı əsasında telefilmin çəkilişlərinə başlayacaq.

Bu barədə şirkət özünün rəsmi saytında məlumat verib. Film çəkilişləri Litva və Latviyada aparılacaq. Bu barədə kulis.az lenta.ru-ya istinadən xəbər verir. Altı seriyadan ibarət ekranizasiya BBC-də göstəriləcək. Hər seriya bir saata yaxın nəzərdə tutulub. BBC telekanalının rəhbəri Şarlotta Murun söylədiyinə görə, Tolstoyun romanı əsasında çəkilən serial kanal üçün hadisə olacaq.

Ssenarinin müəllifi Endryu Devis olacaq. Endryu bundan əvvəl Ceyn Ostin, Çarlz Dikkens, Uilyam Tekkere və Boris Pasternakın (“Doktor Jivaqo”) əsərlərini ekran üçün işləyib. Serialın quruluşçu rejissoru Tom Harper olacaq. T.Harper bundan əvvəl “Qara paltarlı qadın: ölüm mələyi” filmini çəkib. Prodüserlərsə “Şerlok” serialının yaradıcılarından olan Betan Cons və Feyt Petxel olacaq.

Nataşa Rostovanı “Daunton abbatlığı” teleserialından məşhurlaşan britaniyalı aktrisa Lili Ceyms oynayacaq. Andrey Balkonski roluna isə Maykl Linin “Uilyam Terner” filmindən tanınan britaniyalı Ceyms Norton çəkiləcək. Pyer Bezuxovu amerikalı aktyor Pol Dano oynayacaq. Pol Dano “12 il qul olmaq” filmində dülgər Con Tibitsi oynayıb.

2015 ci ilin 1 yanvarından BBC radiosunda “Hərb və sülh”ün 10 saatlı audio quruluşu efirə gedəcək.

Qeyd edək ki, BBC korporasiyası romanı hələ 1972-ci ildə ekranlaşdırmışdı.

1965-67-ci illərə aid sovet bədii filmində isə Sergey Bondarçuk xarici film nominasiyası üzrə “Oskar” almışdı.

• Zöhrab Zeynallı vəfat etdi
• Tanınmış fotoqrafın sərgisi keçiriləcək
• Yandırılmış su - Karlos Fuentes