Musiqili Teatrda "Qırmızıpapaq" premyerası

Sənət

Ana səhifə
Sənət

Musiqili Teatrda "Qırmızıpapaq" premyerası

2 dekabr 2014

17:13

Noyabrın 29-da Azərbaycan Dövlət Musiqili Teatrında daha bir tamaşanın – E. Sabitoğlu və Y. Şvartsın “Qırmızıpapaq” əsərinin premyerası olub. Bu barədə kulis.az teatrın mətbuat xidmətinə istinadən xəbər verir. Uşaqlar üçün nəzərdə tutulan bu tamaşada xeyirlə şərin mübarizəsindən, bütün çətinliklərə və sınaqlara baxmayaraq sonda məhz xeyirin qələbə qazanmasından bəhs edilir. Qeyd edək ki, balaça tamaşaçılara bir sıra mənəvi-əxlaqi dəyərləri aşılayan səhnə əsərinin quruluşçu-rejissoru Azərbaycan Respublikasının Əməkdar artisti Boris Qrafkindir. Tamaşada əsas obrazları Əməkdar artistlər Səmayə Musayeva, Ema Məlikova, aktyorlar Ruslan Mürsəlov, Mehriban Zalıyeva, Əlif Cahangirov, Rəsmiyyə Nurməmmədova, Elçin İmanov və başqaları canlandırır. Tamaşanın növbəti nümayişi 13 dekabr saat 12.00-da baş tutacaq.