Tanınmış azərbaycanlı rejissor vəfat edib

Tanınmış azərbaycanlı rejissor vəfat edib
2 dekabr 2014
# 12:22

Nəcəf bəy Vəzirov adına Lənkəran Dövlət Dram Teatrının rejissoru, respublikanın əməkdar incəsənət xadimi Baba Rzayev bu gün səhər saatlarında 72 yaşında vəfat edib.

APA-nın cənub bürosunun məlumatına görə, mərhumla vidalaşma mərasimi günün ikinci yarısında teatrda keçiriləcək.

Qeyd edək ki, B. Rzayev 1942-ci ildə Lerik rayonunun Çayrud kəndində anadan olub. Azərbaycan Dövlət Mədəniyyət və İncəsənət Universitetini və A.B.Lunaçarski adına Moskva Dövlət Teatr İnstitutunu bitirib. 1974-cü ildən Lənkəran Dövlət Dram Teatrında aktyor kimi əmək fəaliyyətinə başlayan B.Rzayev sonra quruluşçu rejissor vəzifəsində çalışıb.

1983-cü ildə teatrın baş rejissoru vəzifəsinə təyin olunan B.Rzayev 80-dən çox tamaşaya səhnə həyatı verib. Onun quruluş verdiyi C. Məmmədquluzadənin “Ölülər” və Ü.Hacıbəyovun “Olanlardan-keçənlərdən” tamaşaları Azərbaycan Dövlət Televiziyasının qızıl fonduna daxil edilib.

B. Rzayev dramaturq kimi də qələmini sınayıb. Onun yazdığı “Ağlayaq, yoxsa gülək?”, “Şeyx Zahid Gilani”, “Qəhrəmanlıq xronikası”, “Məhəbbət və ölüm” əsərləri teatrda müvəffəqiyyətlə tamaşaya qoyulub. B. Rzayev həmçinin C.Məmmədquluzadənin “Acı xatirələr”, Ə.Nesinin “İntihar”, M.C.Paşayevin “Yolumuz hayanadır?”, Ü.Hacıbəyovun “Olanlardan-keçənlərdən” əsərlərinin səhnə variantının müəllifi olub. Teatr və mədəniyyət məsələlərindən bəhs edən beş kitabı çapdan çıxıb.

1989-cu il mayın 17-də teatr sahəsində qazandığı nailiyyətlərə görə, əməkdar incəsənət xadimi fəxri adına layiq görülüb.

B. Rzayev son iki ildə teatrda aparıcı səhnə ustası kimi çalışmaqla yanaşı, “Ümid” teatr studiyasının pedaqoqu kimi fəaliyyət göstərib.

# 2248 dəfə oxunub

Oxşar xəbərlər

İki həftədə iki ölüm, unudulmuş soy, gizli bağlantı - Kəbirlinski kimdir?

İki həftədə iki ölüm, unudulmuş soy, gizli bağlantı - Kəbirlinski kimdir?

10:00 28 iyun 2025
Xalq düşmənini evində gizlətdi, 14 yaşlı oğlu ilə sürgünə göndərildi, şahın qızıl saatını satdı - SSRİ-nin ən "arzuolunmaz" qadını

Xalq düşmənini evində gizlətdi, 14 yaşlı oğlu ilə sürgünə göndərildi, şahın qızıl saatını satdı - SSRİ-nin ən "arzuolunmaz" qadını

12:00 27 iyun 2025
Dünyanın 10 möhtəşəm festival və karnavalı

Dünyanın 10 möhtəşəm festival və karnavalı

10:00 27 iyun 2025
"Bu hekayə deyil, əhvalatdır..." - Müzakirə

"Bu hekayə deyil, əhvalatdır..." - Müzakirə

15:00 20 iyun 2025
Nazir qızının faciəvi sonu - Səməd Vurğunun Cəlalı və Humayı, əslində, kim idi?

Nazir qızının faciəvi sonu - Səməd Vurğunun Cəlalı və Humayı, əslində, kim idi?

12:00 20 iyun 2025
"Onu incitmək, zorlamaq olmaz" - Ötən gün intihar edən azərbaycanlı rəssam haqqında bilmədikləriniz

"Onu incitmək, zorlamaq olmaz" - Ötən gün intihar edən azərbaycanlı rəssam haqqında bilmədikləriniz

12:00 19 iyun 2025
#
#
# # #