news-inner
clock21:00 calendar-gray 04 Sentyabr 2019 view-gray1746 dəfə oxunub
view-gray1746 dəfə oxunub

“Ölümdən sonra həyat varmı?” sualının cavabı

Kulis.az pritçalar təqdim edir.

Ölümdən sonra həyat varmı?

Ustadın yanına gələnlər ondan ancaq bir sualı soruşurdular: “Ölümdən sonra həyat varmı?”

Ustad sadəcə gülümsəyir və heç bir cavab vermirdi.

Şagirdləri dözməyib ondan soruşdular ki, niyə bu sualdan yayınır.

Qoca müdrik onlara belə cavab verdi:

- Siz fikir verdinizsə, o biri dünya haqda sualı daha çox bu həyatla nə etmək lazım olduğunu bilməyənlər verir. Onlara əbədi olacaq daha bir həyat lazımdır.

Şagirdlər yenə soruşdular:

- Bəs yaxşı, ölümdən sonra həyat var, ya yox?

Ustad cavabında dedi:

- Ölümə qədər həyat varmı? Budur əsas məsələ!

Qapıçı haqda pritça

Bir nəfər “Microsoft” şirkətində qapıçı kimi işə düzəlmək istəyir və kadrlar şöbəsinə gəlir. Ona burda bir neçə sual verirlər. Axırda deyirlər ki, sizi qəbul etdik, zəhmət olmasa əlaqə üçün elektron poçt ünvanınızı yazın. Həmin adam deyir ki, nə kompüterim var, nə də elektron ünvanım.

- Bu halda biz sizi işə qəbul edə bilmərik – cavabını alır.

Kişi məyus halda bayıra çıxır. Cibində cəmi 10 dollar varmış. Necə pul qazanmaq haqda düşünür. Ağlına qəfildən bir ideya gəlir. Bir fermerdən 10 kiloqram pomidor alır, evlərə gedib pomidoru satır. 6 saatdan sonra onun cibində 160 dollar var idi. Adam başa düşür ki, bu işlə məşğul ola bilər, ona kadrlar şöbəsi lazım deyil. Bir müddət sonra özünə minik, daha sonra yük avtomobili alır. Bir müddət də keçir və bu adamın artıq mağazaları olur.

Artıq varlanan bu kişi öz həyatını sığortalamaq üçün bir şirkətlə müqavilə bağlamaq istəyir. Sığorta agenti ondan e-mailini istəyir ki, təkliflər paketini göndərsin. Amma adam deyir ki, nə e-mailim var, nə də kompüterim. Sığorta işçisi təəccüblənir:

- Çox qəribədir. Belə böyük biznesi olan adamın e-maili və kompüteri yoxdur. Görün indi sizin kompüteriniz olsa, kim olardınız.

- Onda mən “Microsoft”da qapıçı olardım.

Sözlər necə xilas edir?

- Mən ərimdən boşanmaq istəyirəm – qadın dedi – və onu mümkün qədər çox incitmək istəyirəm.

- Bu halda – psixoloq cavab verdi – ona komplimentlər deməyə başlayın. Bu halda o hiss edəcək ki, siz ona lazımsınız. Fikirləşəcək ki, onu sevirsiniz. Qəfildən boşanma qərarı verin. O, çox əzab çəkəcək.

Bir neçə aydan sonra qadın yenidən psixoloqun yanına gəlir. Onun dediyi kimi etdiyini bildirir.

- Əla! – psixoloq deyir. Artıq boşanmaq qərarı vermək zamanıdır.

- Nə boşanmaq? – qadın hiddətlənir. Heç vaxt! Mən onu sevirəm!

Kimdə nə varsa, onu paylaşır

Bir nəfər özünə təzə ev alır. Evin qabağında qəşəng bağı, meyvə ağacları var idi. Qonşuluqdakı köhnə evdə isə bir paxıl qonşu yaşayırdı. O, həmişə evin zibilini çölə, camaatın qapısının ağzına tullayır, ətrafı çirkli saxlayırdı.

Bir dəfə yeni köçən təmizkar qonşu yaxşı əhval-ruhiyyədə yuxudan oyanıb artırmaya çıxdı. Gördü ki, içi çirkli suyla dolu olan bir vedrə qapının ağzına qoyulub. O vedrəni götürüb yaxşıca yudu, parıldayana qədər təmizlədi. İçinə həyətdəki almalardan yığdı və qonşuya getdi. Qonşu qapının səsini eşidəndə sevinə-sevinə düşündü: “Nəhayət onu hövsələdən çıxartdım...”. Bunu fikirləşərək qapının bu dəqiqə dava olacağı ümidi ilə açdı. Əlində bir vedrə alma tutan qonşu dedi:

- Kimnəylə zəngindirsə, onu da bölüşür.

news-inner-user

15812 məqalə

Oxşar xəbərlər

Xəbər lenti

Gevorkovun bacısı qızı ilə sevgili olana azərbaycanlı – Mahir yazır...
10:15 13 İyul 2020
Yazıçımızın hekayəsi Gürcüstan ədəbiyyat portalında
09:30 13 İyul 2020
“Mücrü” jurnalının baş redaktoru: “Ayağım nəşriyyata düşərli olmadı” – Müsahibə
09:00 13 İyul 2020
Xalq artisti koronavirusa yoluxdu
14:28 12 İyul 2020
Qızını ölən qızının həyat yoldaşına verdi, oğlu intihar etdi, nəvəsi güllələndi... – Axundov haqqında inanılmaz faktlar
12:15 12 İyul 2020
Anar özünün ən uğurlu hekayəsini seçdi – Mətn
11:44 12 İyul 2020
190 manatlıq qarpızı təpikləyən yutuber
19:41 11 İyul 2020
Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020