“Aydın yol”un redaktoru: “Məsləhətlə getdik”

“Aydın yol” qəzetinin redaktoru Tahir Kazımlı onunla müqavilənin uzadılmamağına münasibət bildirib.

O, Kulis.az -a verdiyi açıqlamada bunları dedi:

“Məsləhət bildilər, çağırdılar, gəldik, işlədik. İndi məsləhət oldu ki, bizi yola salsınlar, biz də getdik. Bundan artıq heç nə yoxdu”.

Tahir Kazımlı məsələ ilə bağlı geniş şərh vermək istəmədiyini söylədi.

Xatırladaq ki,“Aydın yol” qəzetinin baş redaktoru Fəxri Uğurlu istefa verib. İstefaya səbəb qəzetin şöbə müdirləri Zöhrab Əmirxanlı və Tahir Kazımlı ilə müqavilənin uzadılmaması olub.