news-inner
clock17:36 calendar-gray 28 Noyabr 2014 view-gray2247 dəfə oxunub
view-gray2247 dəfə oxunub

Türk teatrı Bakıda qalmaqal yaratdı RƏSMİ AÇIQLAMA

Mədəniyyət Günləri çərçivəsində Akademik Milli Dram Teatrında göstərilən Ankara Dövlət Teatrının “Nereye” tamaşası etiraz doğurub. Gənc aktyor, rejissor Elvin Adıgözəl tamaşandan olan bir səhnəyə etiraz olaraq Mədəniyyət və Turizm naziri Əbülfəs Qarayevə açıq məktubla müraciət edib. Müraciətdə deyilir: “Cənab nazir Əbülfəs Qarayev! Azərbaycanda keçirilən Türkiyənin Mədəniyyət Günləri çərçivəsində Akademik Milli Dram Teatrında göstərilən tamaşaya baxmağa getdim. Bu tamaşaya baxarkən çox pis oldum və Azərbaycan millətinin təhqir olunmasının şahidi oldum. Sanki Ankara Dövlət Teatrı Azərbaycana məhz bu milləti təhqir etmək üçün gəlmişdi. Tamaşa zamanı səhnədə olan aktyor, “Abi, biz azəriləri yanımızda ucuz işçi kimi işlədirik, deməli, bizi də xaricdə elə işlədəcəklər?"; “Abi, bizə görə hansı millətlər 2-ci kateqoriyadır? Bizdən şərqdə olanlar... Azərilər, iranlılar və s.” kimi cümlələr istifadə olundu. Hətta bununla kifayətlənmədilər. Tamaşa zamanı aktyor yüksək səslə dedi ki, “güc kimdədirsə, o üstündür. Yəni minən var və əzilən var” mənasında”. Müraciətin sonunda gənc rejissor nazirdən sənəti inkişaf etdirmək istəyən gənclərə dəstək olmasını istəyib.

Nazirliyin mətbuat katibi İntiqam Hümbətov məktubdan xəbərsiz olduğunu söylədi: “Azərbaycan və Türkiyə arasında sıx dostluq qardaşlıq münasibətlərinin nəticəsidir ki, 500 nəfərədək nümayəndə heyəti, keçirilən mədəniyyət günlərində sərgi, tamaşa, film və s. tədbirlərdə təmsil olunub, paytaxtın mədəni həyatını canlandırıblar. Ankara teatrının sözügedən tamaşa da yüksək səviyyəli, bəşəri mövzusu və ideyası olan bir tamaşadır. Mən də, Nazirliyimizin əməkdaşları da bu fikirdədir. Elvin Adıgözəl nə yazıb, bilmirəm, o məktub nazirliyə gəlib çıxanda baxarıq”

Tamaşanı izləmiş teatrşünas Vidadi Qafarov tamaşada milləti aşağılayan, milli heysiyyətə toxunan hansısa məqamı sezmədiyini söylədi:“Tamaşada qoyulan qaçqın problemi dünya üçün, xüsusən bizim üçün aktual problemdir. Tamaşa müxtəlif səbəblərdən ölkələrindən Avropaya qaçmaq istəyən insanlardan bəhs edir. bunlar hamısı bir yük maşınının içində toplanıb. Səbəblər, rastlaşdıqları zorakılıqlar müxtəlif olsa da bu insanların eyni faciə birləşdirir. Sonda qaçqın qadınlardan birinin uşağının ölməsi onların hara üz tutsalar da faciədən qurtula bilməməsini göstərir. əsas vurğu insan faciələrinin üzərindədir. Tərtibatı da gözəl idi. Sözügedən milliyyəti aşağılayan ifadələr mənim diqqətimi çəkməyib, mən tamaşaya o gözlə baxmamışam. Deyilən cümlələr də yadıma gəlmir. Tamaşa ümumbəşəri bir problemi diqqətə gətirir. Tamaşada deyilir ki, biz Suriyada, İraqda baş verən hadisələrə televizorda futbola baxdığımız kimi baxırıq. Bundan acı problem olarmı?”

news-inner-user
Aliyə

999 məqalə

Oxşar xəbərlər

Xəbər lenti

Ölən uşaqlar Kürün quru yatağında ora-bura qaçırdılar – İlham Əzizdən yeni hekayə
09:00 26 Yanvar 2021
Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021