Kulis.az sıravi oxucu ilə, hazırlıqlı oxucu arasındakı 16 fərqi təqdim edir.

1. Sıravi oxucu kitabın səhifələri azaldıqca sevinib tez-bazar qurtarmaq istəyir, hazırlıqlı oxucu isə kitab xoşuna gəlibsə, bitməsini istəmir.

2. Sıravi oxucu kitaba dalıb 4-5 səhifə boyunca oxuduğunu başa düşməsə də davam edir, amma hazırlıqlı oxucu geriyə qayıdıb başa düşmədiyi yerləri təkrar oxuyur.

3. Sıravi oxucu kitabın müəllifinin sadəcə adını eşidib, hazırlıqlı oxucu isə yazıçının həyat və yaradıcılığı haqda məlumatlıdır, digər əsərlərini də oxuyub.

4. Sıravi oxucu kitab oxuyanda diqqəti tez-tez dağılsa da, hazırlıqlı oxucu kitaba elə qapılır ki, hətta onu çağıranda da eşitmir bəzən.

5. Sıravi oxucu bir kitabı ikinci dəfə oxumağı vaxt itkisi hesab edir, amma əsl kitab oxuyan adam bir kitabı çox rahat şəkildə ikinci dəfə oxuya bilər. Bəzən bu rəqəm arta da bilər.

6. Sıravi oxucu kitabxanasını sadəcə yaxşı görünmək üçün doldurur, əsl oxucu yaxşı kitab arxivi yaradır.

7. Sıravi oxucu filmi çəkilmiş hansısa romanın özünə deyil, filmə üstünlük verir, hazırlıqlı oxucu isə çox vaxt romanın özünə üstünlük verir.

8. Sıravi oxucu dostundan aldığı kitabı aylarla oxuyub qurtarmır, hazırlıqlı oxucu isə bir neçə günə kitabı sahibinə qaytarır.

9. Sıravi oxucu ona hədiyyə olaraq kitab veriləndə çox da məmnun qalmır, amma hazırlıqlı oxucu ona kitab hədiyyə ediləndə sevindiyindən uçur.

10. Sıravi oxucuya qalın kitablar qorxulu gəlir, əsl oxucu isə belə kitabları tərəddüd etmədən oxumağa başlayır.

11. Sıravi oxucu dincəlməyə gedərkən çantasına yerləşməyən kitabları evdə saxlayır, amma ciddi oxucu kitablara görə bəzi paltarlarını evdə saxlamağa razı olur.

12. Sıravi oxucu bekar qalanda kitab oxuyur, əsl kitabsevər isə hər yerdə, hər fürsətdə, hər zaman kitab oxuyur...

13. Sıravi oxucu kinosu, serialı çıxdıqdan sonra həmin kitabdan xəbərdar olur, əsl oxucu isə həmin kitabı çoxdan oxuyub.

14. Sıravi oxucunun kitablarının çoxu kitab marketlərindən alınıbsa, əsl kitab oxucusunun kitabları bukinistdən alınıb.

15. Sıravi oxucu artıq pulu olduğuna görə kitab alır, hazırlıqlı oxucu isə cibindəki son qəpiyi də kitaba xərcləyir.

16. Sıravi oxucu bəzən sırf üz qabığı xoşuna gəldiyinə görə hansısa kitabı alır, əsl kitabsevər üçünsə üz qabığının fərqi yoxdur.

Onedio.com

• Tanınmış müğənni xəstəxanaya yerləşdirildi
• Böyük haqsızlıqların kiçik bəhanəsi...
• Tanınmış rejissor şəxsi əşyalarını Servantes İnstitutuna verdi - Səbəb