Noyabrın 17-də Nizami Kino Mərkəzində rejissor Çağan İrmakın “Unutursam fısılda” filminin qala–gecəsi keçirildi.

Dram janrında olan film xəyallarının dalınca qəsəbədən şəhərə - İstanbula qaçan Aypəri və gənc musiqiçi Tarıkdan bəhs edir.

Aypərinin cavanlıq illərini bacarıqlı aktrisa Fərəh Zeynəb Abdullah, Tarık rolunu Mehmet Günsür, Ərhanı isə Kərəm Bursin oynayırdı. Mehmet Günsür işləri ilə əlaqədar qalaya qatıla bilməsə də, filmin rejissoru Çağan İrmak, aktyorlar Fərəh Zeynəb Abdullah, Kərəm Bursin, İşıl Yücesoy, Gözde Cığacı Gecənin qonaqları sırasında idi.

Filmin təqdimatında jurnalistlərlə görüşən yaradıcı heyət onların suallarını cavab verən rejissor Çağan İrmak filmlərinin yaranması prosesini izah etdi:

“Qazandığım uğurun sirri, yazdığım ssenarilərin hər zaman ağlımda olmasıdır. Onların hazır olduğu fikrinə gələndə filmi çəkməyə başlayıram”.

“Filmlərinizin hamısında sosial mesajlar var, bu filmin mesajı nədir?” sualına rejissor “mesaj vermək artıq dəb deyil. Baxın, zövq alın, istədiyiniz mesajı da çıxarın” dedi. “Filmin uğur qazanıb qazanmayacağı belə vacib deyil, əsas filmdən çıxanda bir neçə nəfərin filmi xatırlamağıdı.”

Xatırladaq ki, bu, rejissorun Nizami kino mərkəzində ilk premyerası deyil. Bundan əvvəl onun "Tamam məyəz?" filmi paytaxt kinosevərlərinə təqdim olunmuşdu.

Çağan İrmakın adı “Asmalı konak” serialı ilə daha geniş tamaşaçı kütləsi arasında tanınıb. Lakin “Atam və oğlum”, “Mustafa Haqqında hər şey”, “Issız adam”, Karanlıktakılar”, “Tamammıyız?” kimi filmləri kassa filmləri olmaqla yanaşı müxtəlif mükafatlara da layiq görülüb.

• "Sağalırlarsa, Məryəm Ananın mərhəmətidir, ölərlərsə, bizim günahımızdır..." - İtalyan yazıçıdan sitatlar
• Məhəmməd Peyğəmbərin adı yazılan qədim daş tapıldı
• Dinclik tapmağa gələnlər, "İncil"i oxuyub üz tutanlar və pakistanlı rahib...- Müqəddəs Məryəm Katolik Kilsəsindən reportaj