news-inner
clock11:49 calendar-gray 13 Noyabr 2014 view-gray548 dəfə oxunub
view-gray548 dəfə oxunub

“Sehrli xalat”dakı montyor böyüyüb kim oldu?

Noyabrın 12-də Nizami Kino Mərkəzində Cəfər Cabbarlı adına "Azərbaycanfilm" kinostudiyasının istehsalı olan "Sehirli xalat" filminin 50 illiik yubileyi qeyd olundu. Kulis.az -ın xəbərinə görə, tədbir Azərbaycan Respublikasının Mədəniyyət və Turizm Nazirliyi və Azərbaycan Dövlət Film Fondu tərəfindən təşkil olunub. Nizami rayonu Uşaq Yaradıclıq evinin fəallarının apardığı tədbirdə filmdə iştirak etmiş keçmiş pionerlər- Zamiq Əliyev, aktrisa Almaz Mustafayeva, Mədəniyyət Turizm Nazirliyinin sektor müdiri Yusif Şeyxov (Filmdə montyor Eldar), Solmaz Hətəmova (filmdə Zərifə) və Lamara Siqalova, çıxış edib çəkiliş prosesi haqqında xatirələrini bölüşdülər.

Tədbirin iştirakçıları Azərbaycanın xalq artistləri Əliağa Ağayevin, Möhsün Sənaninin, Anatoli Falkoviçin, Ağahüseyn Cavadovun, İsmayıl Osmanlının, Hüseynağa Sadıqovun, Lütfi Məmmədbəyovun və filmin rejissoru Əlisəttar Atakişiyevin xatirəsini yad etdilər.

Çıxışçılar filmdə göstərilən gələcəyin “özünü doğrultduğunu” qeyd ediblər. “Elmi Texniki Tərəqqi filmdə xəyal olunanı gerçəkləşdirdi. Filmdə rəssamlar Məmmədağa Hüseynovun və Cəbrayıl Əzimovun yaratdığı kosmos mənzərəsi "Sehirli xalat" filmi ekranlara çıxdıqdan dörd il sonra - 1969-cu ildə Aya uçmuş Amerika astronavtlarının fotomateriallarını xatırladır”.

Filmin bəstəkarı Arif Məlikov da çıxış edərək filmə yazdığı musiqinin əhəmiyyətini vurğulayıb. Həmçinin tədbirdə filmin almancaya dublyajından bəzi kadrlar, şəhər sakinlərindən film haqda sorğular da təqdim olunub.

news-inner-user
Aliyə

990 məqalə

Paylaş

Oxşar xəbərlər