Bu gün mərhum şair Baba Pünhanın anadan olduğu gündür.
Kulis.az bu münasibətlə şair Əvəz Qurbanlının ona yazdığı şeiri təqdim edir.
Demə dünyaya qonaq gəldi, qonaq getdi Baba!
Odu sönmüşlərə yandırdı ocaq, getdi Baba.
Dedi çox şair olan xalqa ki: “Dünya yuxudu...”
“Yuxu dünya”ya oyaq gəldi, oyaq getdi Baba.
Haqqa “batil” deyənə Haqqı deməkçün gəldi,
Haqqa lağ eyləyənə eylədi lağ, getdi Baba!
Göstərib güzgü kimi hər şeyi öz rəngində -
Qaraüzlər arasından üzüağ getdi Baba!
Ey sağ ikən ölülər! Var ölü ikən sağlar;
Deməyin öldü Baba, yox, elə sağ getdi Baba!
Boş görünmürmü yerün, ay Baba, dağsan, Baba, dağ!
Sən gedəndə elə bildik Babadağ getdi, Baba!
Qaldı mən tək çoxu dağ boyda yükün altında,
Belə çəkdi Əvəzin qəlbinə dağ, getdi Baba...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər