Bilik Fondu Ukraynanın Bilik Cəmiyyəti ilə əlaqə qurdu

Bilik Fondu Ukraynanın Bilik Cəmiyyəti ilə əlaqə qurdu
28 oktyabr 2014
# 15:05

Azərbaycan Respublikasının Prezidenti yanında Bilik Fondunun mətbuat katibi Ceyhun Musaoğlu Kiyevdə Ukrayna Bilik Cəmiyyətinin icraçı direktoru professor Kuşereç Vasil İvanoviç və cəmiyyətin elmi katibi, əməkdar jurnalist Vasilaşko Vasil Fyodoroviçlə görüşüb.

Bilik Fondunun fəaliyyəti barədə məlumat verən C.Musaoğlu bildirib ki, təmsil etdiyi qurum ölkədaxili layihələrlə yanaşı, xarici əlaqələrə də böyük üstünlük verir. Qlobollaşan dünyanın tələbinə uyğun olaraq, elmdə, mədəniyyətdə, incəsənətdə ortaq nöqtənin tapılması vacibdir. Müxtəlif xalqların soy kökündən ayrılmadan yaxınlaşması, bir-biri ilə işgüzar münasibət qurması bir çox problemlərin həllinə yardım edər. Təbii ki, bunun üçün ilk növbədə hər ölkə daxildə mənəvi mühitin formalaşmasına nail olmalı, yeraltı və yerüstü sərvətlərdən əldə olunan gəliri insan kapitalının inkişafına yönəltməlidir.

Bilik Fondunun təmsilçisi Azərbaycanın məhz belə dövlətlərdən olduğunu xatırladaraq qeyd edib ki, prezident İlham Əliyev əhalinin maariflənməsi, biliklənməsi, nəticədə intellektual cəmiyyətin qurulması üçün gərək olan bütün addımları atır. Bilik Fondunun yaradılması da məhz bunun təzahürüdür.

C.Musaoğlu Ukrayna Bilik Cəmiyyətini Azərbaycanın Bilik Fondu ilə əməkdaşlığa dəvət edib.

Ukrayna Bilik Cəmiyyətinin icraçı direktoru Vasil İvanoviç əməkdaşlıq təklifindən məmnun olduğunu bildirib. O, deyib ki, Azərbaycanla Ukrayna daim dostluq-qardaşlıq şəraitində yaşayıblar. Bundan sonrakı əlaqələrin daha da genişlənməsi üçün qarşlıqlı layihələr həyata keçirməyə ehtiyac var. V.İvanoviç rəhbərlik etdiyi cəmiyyətin gördüyü işlərdən danışıb. Məlum olub ki, Ukrayna Bilik Cəmiyyəti ianələr əsasında fəaliyyət göstərir və bu cür maliyyələşmə böyük layihələrə imza atmağa imkan vermir. Buna baxmayaraq, qurum Ukrayna cəmiyyətinin inkişafına xidmət edən maraqlı layihələr həyata keçirir.

Cəmiyyətin elmi katibi, Vasil Fyodoroviç də öz növbəsində görüşdən olduqca razı qaldığını söyləyib. Azərbaycan barədə geniş məlumata malik olduğunu deyən V.Fyodoroviç Bakının gözəl şəhərlərdən olduğunu vurğulayıb.

Sonda tərəflər bir-birinə xatirə hədiyyələri, kitablar veriblər.

Xatırladaq ki, Bilik Fondu Praqada “Azərbaycanın geologiya elmi Çexiyada” adlı sərgi keçirməyə hazırlaşır. Dekabrın əvvəlində keçiriləcəyi planlaşdırılan sərgidə Azərbaycana aid geoloji minerallar, suxurlar, xəritələr, kitablar nümayiş olunacaq. Sərgidə Azərbaycanı tanınmış geoloqlar təmsil edəcək.

Fond Türkiyə ilə əlaqələrə daha böyük önəm verir. 8-16 noyabr tarixlərində Türkiyənin İstanbul şəhərində 33-cü Beynəlxalq Kitab Yarmarkası keçiriləcək. Xarici nəşriyyatların, maarifləndirmə işi ilə məşğul olan təşkilatların və fondların iştirak edəcəyi Yarmarkaya Bilik Fondunun nümayəndəsi də qatılacaq.

# 2645 dəfə oxunub

Oxşar xəbərlər

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

Ölüm ayağında Sakit okeana qaçan yazıçı - Yerli əhalinin ona verdiyi sirli ad nə idi?

16:00 15 noyabr 2026
"Amerika modernizminin anası"nın səhrada tapdığı sirr - "Qarğalı kanyon"

"Amerika modernizminin anası"nın səhrada tapdığı sirr - "Qarğalı kanyon"

13:45 15 noyabr 2026
Kağızlar, möhürlər və insan həyatını məhv edən sistem - İşgəncə otaqlarında nələr baş verir?

Kağızlar, möhürlər və insan həyatını məhv edən sistem - İşgəncə otaqlarında nələr baş verir?

16:00 13 noyabr 2026
Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

Bağırov onu kabinetinə çağırıb dedi ki... - Məşədi İbadı oynayan Əliağa Ağayev niyə Fəxri Xiyabanda dəfn olunmadı?

10:00 13 noyabr 2026
Kino tarixinin unudulmaz performansları -  Bədən dili və mimikayla rol oynayan ən yaxşı sənətkarlar

Kino tarixinin unudulmaz performansları - Bədən dili və mimikayla rol oynayan ən yaxşı sənətkarlar

15:00 12 noyabr 2026
"Keçmişimdən kimisə qucaqlamaq istəyirəm..." - Edamdan qurtulan Dostoyevski qardaşına nə söz vermişdi?

"Keçmişimdən kimisə qucaqlamaq istəyirəm..." - Edamdan qurtulan Dostoyevski qardaşına nə söz vermişdi?

12:00 11 noyabr 2026
Ana səhifə Reels Yazarlar Xəbərlər