Bu sualları yazıçı Marsel Prust hazırlayıb. O, bu sualları cavabları ilə bir yerdə dəftərə yazaraq dostuna doğum günü hədiyyəsi kimi vermişdi. O zaman Marselin cəmi 13 yaşı vardı. Sonra bu suallara Prust 20 yaşında ikən bir daha cavab yazdı. 7 ildə cavablar çox az dəyişmişdi. Lakin suallar Prustun ölümündən sonra tapıldı və çap edildi. Sualların indiki şəklə salınmasına Bernard Pivot ve Ceyms Lipton yardım edib.

Kulis.az Prustun suallarını tanınmış aparıcı Ülvira Qarayeva ünvanlayıb.

1. Ən sevdiyiniz söz?

- Ailə.

2. Nifrət etdiyiniz söz?

- Nifrət.

3. Sizi nə həyəcanlandıra bilər?

- Sədaqət.

4. Həyəcanınızı nə öldürə bilər?

- Biganəlik.

5. Hansı səsi çox sevirsiniz?

- Evimin səsini.

6. Hansı səsə nifrət edirsiniz?

- Müharibə səsinə.

7. Hansı peşə (sənət) ilə məşğul olmaq istərdiniz?

- Öz peşəmlə.

8. Hansı fitri istedada sahib olmaq istərdiniz?

- Xanəndəliyə.

9. Özünüz olmasaydınız, kim olmaq istərdiniz?

- Elə biri yoxdu.

10. Harda yaşamaq istəyərdiniz?

- Azərbaycanda.

11. Ən başlıca çatışmazlığınız nədir?

- Unutqanlığım.

12. Sizin ən çox bəyəndiyiniz pis cəhətiniz hansıdır?

- Unutqanlığım.

13. Qəhrəmanınız kimdir?

- Vəziyyətə görə dəyişir

14. Çox istifadə etdiyiniz söyüş hansıdır?

- Şərəfsiz.

15. Hazırkı əhvalınız (ovqatınız) necədir?

- Rahat.

16. Həyat fəlsəfənizi hansı şüar ifadə edir?

- Nəticə göstər!

17. Xoşbəxtlik yuxunuz (xəyalınız) hansıdır?

- Qızım, yoldaşı və uşaqları mənim evimə qonaq gəlir və uşaqlarının sayı o qədər çox olur ki, adla deyil, sayla yerlərində olduqlarını yoxlayırıq.

18. Sizcə bədbəxtliyin tərifi nədir?

- Özünə və sevdiklərinə kənardan baxa bilməmək.

19. Necə ölmək istəyərdiniz?

- Qızımın gələcəyindən, ailəsindən arxayın, sevdiyim insanların əhatəsində, ağrısız və doymuş.

20. Ölərkən cənnətə getsəniz, Allahın qapıda sizə nə deməsini istərdiz?

- Bu dünyada da, o dünyada da üzümə baxsın, yetər.

• Tanınmış rejissor karyerasını yekunlaşdırdı - Səbəb
• Sənət dünyasında mübahisə - Heykəl yonan robotlarla bağlı
• Alter-eqosu haqqında əsərləri ilə məşhurlaşan yazıçı - Markes yaxın dostu Alvaro Mutisi necə adlandırmışdı?