news-inner
clock09:30 calendar-gray 16 Oktyabr 2014 view-gray1899 dəfə oxunub
view-gray1899 dəfə oxunub

Koelyo: “Doğmaq üçün məndə qadın gücü olmalıdır”

Onun əsərləri 80 dilə çevrilib, 150 milyondan çox kitabı satılıb. Onu çoxları populizminə görə tənqid edir, amma Koelyo hazırda dünyanın ən çox oxunan yazıçılarından biridir.

Kulis.az “Elle” jurnalına istinadən Paulo Koelyonun yeni müsahibəsini təqdim edir.

- Yeni kitabınız nə haqdadır?

- “Adultério” (“Xəyanət” – Kulis.az ) romanının ideyasını tapmaqda oxucular köməkçi oldular. Sosial şəbəkələrdə pərəstişkarım çoxdur. Belə qərara gəldim ki, onlarla müasir dövrün əsas problemlərindən biri olan depressiyanı müzakirə edək. Bir neçə gün ərzində mindən çox məktub gəldi. Böyük əksəriyyəti yazırdı ki, onlardakı depressiyanın əsas səbəbi xəyanətdir. Bu mövzu məndə maraq oyatdı və internetdə xəyanət hekayətlərini oxumağa başladım. Başa düşdüm ki, sən bir dəfə yatağına kimisə tullamısansa, insanlar bunu bağışlaya bilərlər. Xəyanətin kökündə ehtiras dayanır. Məhz bu məsələ mənim üçün çox maraqlı idi.

- Oxucularınızın daha çox qadın olmasına münasibətiniz necədir?

- Bəli, oxucularım 60 faizi qadınlardır. Amma kişilər də gördüyünüz kimi az deyil. Mən qadınlar, yaxud kişilər üçün ədəbiyyat yaratmıram, mən kitablarımı yaşından və cinsindən asılı olmayaraq bütün oxucular üçün yazıram.

- Siz özünüzü Latın Amerika ədəbiyyatındakı magik-realizm ənənələrinin davamçısı hesab edirsinizmi?

- Bu cür demək mümkündür. Təəssüf ki, son dövrlərdə bu janr daha az populyardır. Amma mən yenə də bu janrla işləməyə üstünlük verirəm. Magik-realizm deyir ki, hər şeyə məntiqli izah vermək mümkün deyil. Bu həqiqətən belədir.

- Siz bu gün dünyada kitabı ən çox satılan yazıçılardan birisiniz. Sizcə, məşhurluq yazıçı üçün nə qədər önəmlidir?

- Mənim missiyam kitab satmaq deyil, fikirlərimi bölüşməkdir. Yazıçı sadəcə yazmalıdır. 1986-cı ildə mənim hər şeyim var idi: ailəm, pulum və mən uğurlu bəstəkar idim, amma xoşbəxt deyildim.

Onda mən Santyaqo-de-Kompostelaya ziyarətə getməyə qərar verdim. Özümə söz verdim ki, səyahətin sonunda ya yazıçı olmaq arzuma bir son verəcəm, ya da kitab yazmağa başlayacam. Yazdım. Bu asan olmadı.

- Niyə görə sizin romanlarınızın mərkəzində adətən qadınlar dayanır?

- Bu qəliz sualdır. Mənim üçün yaradıcılıq prinsip etibarilə feministləşmiş aktdır. Kişi daha çox məntiqli varlıqdır. O kitab yazmağa qərar versə, əvvəlcə plan və qaralama tutacaq. Lakin yaradıcılıq və ilham açıqlıq tələb edir. Mənim üçün yazmaq həyat vermək deməkdir. Aşiq oluram, sevişirəm, uşaq hazırlayıram və onu dünyaya gətirməliyəm. Məndə buna görə qadın gücü olmalıdır. Mən o gücü qazanmaq üçün qadının gözüylə yazıram. “11 dəqiqə”, “Rio sahilində oturdum və ağladım”, “Brida” əsərləri belə yarandı”. Mən öz personajlarıma o qədər yüklənirəm ki, bəzən şəxsi fikirlərlə onların fikirlərini ayırmaq çətinləşir. Bəzən, öz qeydlərinə baxaraq, mən düşünürəm: "Məndən necə maraqlı qadın alındı!"

- Siz 4 dəfə evli olmusunuz. Sonuncu həyat yoldaşınızla uzun müddətdir ki, birlikdəsiniz. Sizcə, sevgidə necə səhv etməmək olar?

- Əsas problem ondadır ki, insanlar dəyişir. Evlənəndə düşünürsən ki, bir adamla ömür boyu yaşayacaqsan. Ancaq bu belə deyil. Mən 35 ildir ki, evliyəm. Bu gün mənim arvadım tamamilə başqa insandır. Həm fiziki olaraq, həm psixoloji olaraq. Hər şey dəyişir. Evliliyinizdə sayğının həmişə yaşaması üçün bütün dəyişiklikləri qəbul etməlisiniz. Amma, əlbəttə ki, sevgi hər şeydən daha güclü olmalıdır.

- Çoxları sizin kitablarınızı həyatlarının əsas kitabı hesab edir. Bəs sizin üçün ən vacib yazar kimdir?

- İki müəllifin adını çəkə bilərəm: Henri Müller və Borxes. Gəncliyimdə onlarla rastlaşmışam amma yaxınlaşmağa qorxmuşam. İndi buna görə təəssüflənirəm. Onlarla söhbət etməli idim, amma fikirləşdim ki, onlar müdrikdir, mənsə gənc bir adam, onlarla nə danışacam. İndi bəzən eşidirəm ki, iki nəfər pıçıldaşır: “Bu ki, Paulo Koelyodur...”. Baxmayaraq ki, mənimlə danışmaq istəyirlər, amma çəkinirlər. Çəkinmək lazım deyil.

Oxşar xəbərlər

Xəbər lenti

Rəngkarlıq Muzeyində gənclər üçün ustad dərsləri davam edir
15:01 23 İyun 2021
Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021
Pandemiya harınlamışlara dərs oldu – Müğənnilər toy sevincini bölüşür
14:10 22 İyun 2021