Dünyada geniş oxucu kütləsinə sahib olan “Bozun əlli çaları” romanının bütün seriyalarını oxuyan qadınlar arasında aparılan araşdırmaların nəticəsi təəccübləndirici olub. Kulis.Az-ın radikal.com.tr-yə istinadən verdiyi məlumata görə Miçiqan Əlayət Universitetinin mütəxəssislərinin apardığı araşdırmaya görə E.L.Ceymsin qalmaqallı əsərini oxuyan 18-24 yaş arasındakı qadınlarda birdən artıq partnyora sahib olmaq istəyi və həddindən artıq içki meyilliliyi yaranır.

Araşdırmalar “Bozun əlli çaları”nın qadınların psixologiyasına təsir göstərdiyini ortaya çıxarıb. Məlum olub ki, romanı oxuyan qadınlarda oxumayanlara nisbətdə yemək pozğunluğunun artması və seksual akt zamanı söyüş söyüb, təhqir edən partnyorlarla birlikdə olmaq ehtimalının yüksəlməsi baş verir.

Araşdırmaşı Emi Bonominin sözlərinə görə əgər qadınlar romanı oxumamışdan əvvəl yemək pozğunluğu yaşayırlarsa, bu əsəri oxuyandan sonra xəstəlik daha da arta bilər. Yox əgər romanı oxumamışdan əvvəl belə hallar yaşamayıblarsa bundan sonra bu problemlə qarşılaşa bilərlər.

Yaşı 18-24 arası 650 qadınla təcrübə aparan araşdırmaçılar romanı oxuyan qadınların onların üzərinə bağıran, təhqir edən edən partnyorlara oxumayanlardan 25 faiz artıq meyilli olduqlarını müəyyənləşdiriblər. Seriyanın hamısını oxuyan qadınlarda içkiyə həddindən artıq meyillilik oxumayanlara nisbətən 65 faiz, həyatı boyu beş və daha artıq partnyorla olmaq istəyi isə 63 faiz artır.

“Journal of Women’s Health” dərgisindeə dərc olunan araçdırma roman seriyası ilə sağlamlıq problemləri arasındakı əlaqəni incələyən ilk işdir. Bu araşdırmanın geniş müzakirə olunacağı gözlənilir.

• "Yalnız axmaqlar qəti və arxayın olurlar..." - Mişel de Montenin sitatları
• “Maşa və Ayı” cizgi filminin yaradıcılarına qarşı sanksiyalar
• Qaradərili müəlliflər üçün nəşriyyat yaradıldı