İran kinematoqrafçısı həbs olundu

Kino

Ana səhifə
Kino

İran kinematoqrafçısı həbs olundu

4 iyul 2011

10:39

İran kinematoqrafçısı və qadın haqları müdafiəçisi Mahnaz Mohəmmədi keçən bazar Tehrandakı evində həbs olunub. Kulis.az-ın Variety nəşrinə istinadən verdiyi xəbərə görə rejissora heç bir ittiham irəli sürülməyib və xüsusi xidmət orqanları tərəfindən naməlum istiqamətə aparılıb.

Həbsin səbəbi hələ ki, məlum deyil. Rejissor son vaxtlar İranda qadınların vəziyyəti ilə bağlı sənədli film işləyirdi.

Bu ilin mayında isə M.Mohəmmədinin xaricdə kino ilə bağlı tədbirlərdə iştirakının qarşısını almaq məqsədilə parportunu müsadirə ediblər.

Qeyd edək ki, rejissor 2009-cu ilin avqustunda prezident seçkiləri zamanı ölkədə qarışıqlıq yaratdığına görə öldürülən qadının məzarına gül qoyduğuna görə də tutulmuşdu.

Rəna Nevzat