writer1

Nail Nurəddinoğlu

Məqalə sayı

10
clock14:30 calendar-gray 26 Sentyabr 2014 view-gray3425 dəfə oxunub
view-gray3425 dəfə oxunub

Bərbərxana güzgüsündəki Messi posteri

Barselonadakı Stoiçkov adına futbol akademiyası ilə müqavilə bağlamışdıq. Razılaşmaya əsasən, Tovuzdan 10-13 yaş arası 10 uşaq seçib, İspaniyaya aparmalı idilər. Hər uşağa görə bu məktəbə ayda 3000 avro ödəməli idik... Yemək, geyim, təhsil məsələləri hamısı “Turan”ın sponsoru Musa Süleymanovluq idi. Barselonada villa tutulmuşdu...

İki nəfər tərcüməçi.

İki nəfər dil müəllimi.

Digər fənn bloku üzrə üç əlavə müəllim.

Xidməti avtomobil.

Mühafizəçi.

Kurator.

Aşpaz.

Xadiməyə qədər...

Hamısının aylıq məvacibi 25 min avrodan yuxarı. 10 uşağın Barselona macərası sponsora ayda təxminən 70 min dollara başa gələcəkdi.

Gəldilər. İki nəfər. Adları yadımda deyil. Biri Bakıdan Tovuza yolboyu Qvardiolanın nə vaxtsa onun yanında işlədiyini, o biri də nə vaxtsa onun Qvardiolanın yanında işlədiyini sübut eləyən fotolar göstərirdi...

Çatdıq. Üç gün baxış oldu. Gözləri kəllələrinə çıxmışdı. Heyrət içində idilər. İddia eləyirdilər ki, öz məktəblərində burdakı qədər istedad yoxdur. Birinci günün gedişində İspaniyaya telefon açdılar, axşam təklif elədilər ki, 10 yox, 11 uşaq aparsınlar; 10 nəfərin xərci əvvəl danışdığımız kimi, bizlik olsun, o bir nəfərin xərclərini isə məktəb öz üzərinə götürür... Razılaşdıq.

Səhər iclas oldu. Uşaqların valideynlərini də çağırmışdıq. Vəziyyəti başa saldıq, dedik, uşaqlarınız İspaniyaya gedir, Barselonaya. Valideynlər suallar verdi, cavablandırdıq. Dedik, uşaqlarınızı ildə bir dəfə klubun hesabına İspaniyada görməyə gedəcəksiniz, 2 dəfə də özləri tətilə gələcək. Yuxarıda sadaladığım şəraitdən danışdıq. Uşağına görə pul istəyən oldu, məsələn...

Söhbətin axırına yaxın bir kişi əlində çomaq hay-küylə içəri girdi ki, hanı o?

- Hanı o ispan köpəyuşağı?!

Məlum oldu ki, bu kişi ispanların bütün xərclərini üstünə götürdüyü uşağın valideynidir. Dedi, vermirəm uşağı, vəssalam!

- Niyə, ay ağsaqqal?

- O Allahsıza başa salın ki, mənim uşağım yeddi bacının bir qardaşıdı, 30 ildən sonra tapmışam o gədəni, göydən Allah gəlsə, vermərəm!

Vəssalam. 3 saat dilə tutduq... Dedi, yox e, xeyri yoxdur. Əlavə 5 min pul təklif elədik, nə bilim, sponsor atasına Bakıda iş söz verdi, xeyri olmadı.

İspanlar əl çəkmək istəmirdi. Sonrakı aylarda İspaniyadan zəng elədilər, xahiş elədilər ki, uşağın atasını razı salaq, yenə cəhd elədik, amma mümkün olmadı.

...bu söhbətin üstündən 2 ilə yaxın vaxt keçib. Biz gedəndən sonra "Turan" dağıldı. O biri uşaqlar niyə İspaniyaya getmədi - bu başqa yazının mövzusu olacaq, amma o bir uşaq - yeddi bacının bir qardaşı onsuz da gedəcəkdi, onu özləri aparacaqdı. Atası qoymadı...

...Yaxınlarda soraqladım. Uşaq hələ də Tovuzdadır... Deyirlər, futbolu atıb. Bərbərxana açıb. Bərbərxananın güzgüsündən də Messinin posterini asıb...

REKLAM

Yazarın digər yazıları

Xəbər lenti

Məcnunun “aşiqi-sadiqliyi” şübhə altındadır? - Elçin yazır
16:30 26 Sentyabr 2020
Karantin – kütlənin tənhalığı – Aqşin Yeniseydən yeni şeirlər
15:18 26 Sentyabr 2020
Bəyin atası, nisyə kitab istəyən oxucu, həbsxanadan çıxmış gənc yazar – İmza günündən reportaj
14:57 26 Sentyabr 2020
Məşhur rejissor festivaldan qovuldu
13:21 26 Sentyabr 2020
Ağlını itirib, dəlidi payız - Qazaxda bir ömür...
11:14 26 Sentyabr 2020
Vaşinqtonda Üzeyir Hacıbəyovun anadan olması münasibətilə tədbir keçirildi
10:02 26 Sentyabr 2020
Həmidə Ömərova gürcü aktyorun nəyinə gülürdü? – Məşhur filmin gizlinləri
09:00 26 Sentyabr 2020
Aygün Fətullayeva: "İstənilən rola çəkilərəm" - Video
21:02 25 Sentyabr 2020
Bakı caz festivalı yubileyini qeyd edəcək
18:50 25 Sentyabr 2020
Natali Portman kitab yazdı
18:15 25 Sentyabr 2020
AzTV “Diriliş Ərtoğrul” serialını yayımlayacaq
17:30 25 Sentyabr 2020
Məşhur rəssamın tablosu 80 milyon dollara satılır
17:02 25 Sentyabr 2020
Nobel mükafatının məbləği artırılacaq
16:25 25 Sentyabr 2020
Arvadını döyən tənha ata, öz qaynını sevən Həqiqət – Səriyyə xalaya çətin suallar gəldi
15:47 25 Sentyabr 2020
Qardaşlarından küsüb evdən getdi, ərli qadına aşiq oldu, dünyadan subay köçdü…– Maraqlı faktlar
15:08 25 Sentyabr 2020
"Salnaməfilm" Milli Qəhrəmanlar haqqında film çəkir
14:30 25 Sentyabr 2020
"YARAT”da sərgi
13:53 25 Sentyabr 2020
Paşinyanın arvadını neyləyəcəyik? – Sərdarın yazısı
13:10 25 Sentyabr 2020
Senatdan uyğurlarla bağlı şok təklif
12:31 25 Sentyabr 2020
Çingiz Abdullayevin gözə kül üfürməyi – Mirmehdi Ağaoğlu yazır...
11:51 25 Sentyabr 2020