news-inner
clock12:05 calendar-gray 19 Sentyabr 2014 view-gray1993 dəfə oxunub
view-gray1993 dəfə oxunub

Əşyalarla xəyanət

Keçən il əlimə “Sekret” adında bir kitab düşmüşdü. Metafizika ilə bağlı. Kitabda deyilir ki , biz insanlar dayanmadan kainata enerji ötürürük. Nə qədər mənfi enerji ötürsək, o qədər mənfi enerji, nə qədər müsbət enerji ötürsək, o qədər də müsbət enerji alırıq.

Kitabı oxuduqca öz-özümə deyirdim: bunu mənə nənəm də demişdi, guya təzə söz yazıblar da... Bir neçə səhifə də ötürəndən sonra gördüm, kitabın müəllifi özü də boynuna alır ki, təzə söz demir. Bu kitabda yazılan məlumatların hamısı dində, xalq inanclarında vardır. Və bu məlumatlar tarixin böyük dühalarına məlum olub.


Kitabın təsirindən bu yaxınlarda qurtarmışam... Deyim ki, bu kitab məni xəstə eləmişdi. Hər hərəkətimdə ayaqlarını çaş-baş salan, yeriməyi yadırğayan qırxayağın gününə düşürdüm. Aman, birdən bu hərəkətim kainatın xoşuna gəlməz, filan sözümü kainat səhv anlayar, ordan mənə xoşagəlməz sürprizlər göndərər. Nəinki özüm xəstələnmişdim, yaxın dostlarımı, rəfiqələrimi, qohumlarımı da xəstələndirmişdim. Rayondakı bütün kasıb qohumlarım varlanmaq eşqilə həmin kitabı sifariş etdilər. Amma deyəsən heç biri o kitabda yazılanlara əməl eləyə bilmədilər deyə azacıq da olsa varlanmadılar.


Bu yaxınlarda da türk kanallarının birində bir qadının “Feng shui” haqqında danışdığının şahidi oldum. “Feng shui” nədir? Əşyaların interyerdə - evdə, iş yerində, restoranlarda düzgün yerləşdirilməsi elmidir. Bizim evimizdəki əşyalar belə kainata mesajlar ötürürmüş. Biz evimizdə yerləşdirdiyimiz əşyalar vasitəsilə uca kainata öz arzularımızı bildirirmişik. Məsələn, əgər siz yataq otağınızdakı çarpayını divara dirəmisinizsə, bu kainata “ər, arvad istəmirəm” mesajıdır. Yataq mütləq hər iki tərəfdən açıq olmalıdır. Yatağın ucu qapını görməməlidir, belə olanda yataq tabut effekti verir. Yataq otağında güzgü olmamalıdır. Çünki güzgü üçüncü adamı çağırır və xəyanətə yol açır. Təkcə bu cümlələr yetərlidir ki, qadınlar başını itirsin və yataq otaqlarıyla nə edəcəkləri barədə əl-haya düşsün.

Şəxsən mən ilk növbədə uşaqlarımın yataqları barədə düşündüm, qaçıb gedib baxdım instinktiv olaraq. Amma uşaq otağımız o qədər dardır ki, yatağı ağlımda min yerə qoydum, ürəyim istəyən kimi alınmadı. Onsuz da əşyaların yerini tez-tez dəyişdirən biriyəm. O “Feng shui”dən danışan qadın da elə bunu deyirdi ki, bu işdə qadınlar əvəzsizdirlər. Qadınlar rahatlıq tapmayana qədər evin əşyalarını ora-bura çəkməkdə davam edirlər. Əgər ərləri bu işdə onlara yardım eləmirsə, tezliklə hamısının belində “qrıja” yaranır.


İndi getdiyim bütün evlərdə əşyaların düzülüşünə fikir vermək xəstəliyinə tutulmuşam. Qonşuda, qohumda, hər yerdə... Kiminsə yatağı düzgün yerləşdirilməyibsə, masası düzgün qoyulmayıbsa, istəyirəm deyəm ki, bu yatağın, bu masanın yerini dəyişdirmək lazımdır. Amma baxıram ki, adamın başqa seçimi yoxdur. Nə isə ki, hər şey kimi bu “Feng shui” də varlılar üçündü. Kasıb adam dar otağında güclə yerləşdirdiyi yatağıyla neyləyə bilər ki? Ən yaxşısı bu barədə ona heç xəbər verməməkdir. Ən doğrusu bu cür məsələlərə inanmamaqdır. Əvvəllər adını xurafat qoyduğumuz çox şey günümüzdə metafizika adıyla geri gəlir və biz neyləyəcəyimizi bilmirik...


“Feng shui” bilicisi onu da deyirdi ki, evinizdə ölməkdə olan canlı bitkilər saxlamayın. Sağlıq sorunları yarada bilir. Mənsə, ölməkdə olan bitkilərimi yaxşılaşacaqları ümidiylə son günlərinə qədər tərk eləmirəm. Onları susuz, tənha şəkildə zibil qutularına ata bilmirəm. Öləndə də baş uclarında olmağı üstün tuturam. Sonra ehtiramla ölmüş bitkilərimi torpaqla qarışdırıram. Beləcə, onlar qovuşduqları torpağı zənginləşdirir, həm də dinclik tapdıqları yerə gedirlər həmişəlik. Bəziləri isə gözləmədiyim halda, yenidən cücərməyə başlayırlar. Onda ailəlikcə necə sevinirik?!


Nə isə... Gündə bir şey çıxarırlar. Nəsihət verən adamların əlindən heç rahatlıq yoxdu ki...

Oxşar xəbərlər

Xəbər lenti

Eynşteyn əsrin ixtirasına görə bu romanlara borcludur - Ən sevdiyi 5 kitab
16:20 20 Yanvar 2021
146 nəfərin bir hekayəti...
15:10 20 Yanvar 2021
Larisa adını niyə dəyişmək istəyirdi, anasının yuxusuna girib nə dedi? - 13 yaşlı şəhidimiz
14:00 20 Yanvar 2021
“Harri Potter” filminin ulduzu kinodan getdi
12:45 20 Yanvar 2021
Tanıdığım ilk şəhid
11:30 20 Yanvar 2021
Məşhur serialın aktyoru vəfat etdi
10:20 20 Yanvar 2021
Müstəqillik tarixinin ən möhtəşəm 20 Yanvarı - Şərif Ağayar yazır...
09:01 20 Yanvar 2021
"Sənin bu “qadın travmandan” xeyli həzz aldım" - Seymurla Aygün Aslanlının söhbəti
18:40 19 Yanvar 2021
"Simpsonlar"ın ssenaristi öldü
17:56 19 Yanvar 2021
Orxanı yenə polis apardı – Əsgərlikdəki şairlə söhbət
17:12 19 Yanvar 2021
Balacalar üçün onlayn tamaşa
16:31 19 Yanvar 2021
“Qarabağ hekayələri” qırğız dilinə tərcümə olundu
15:53 19 Yanvar 2021
“Mən xəbərləri oxuyanda qarşımda avtomatlı əsgər dayanmışdı” - Məşhur diktor 19 yanvar gecəsi AzTV-də baş verənlərdən danışır – Müsahibə
15:11 19 Yanvar 2021
“Arşın mal alan” Düşənbədə təqdim olundu
14:38 19 Yanvar 2021
Xalq artisti dünyasını dəyişdi
14:00 19 Yanvar 2021
Məşhur tarzən müğənnini qınadı: "Şəhid verdiyimiz dövrdə toy oxumusan"
13:17 19 Yanvar 2021
Leonardo da Vinçinin itmiş əsəri tapıldı
12:39 19 Yanvar 2021
Şair-əsgər anası: “Gizlində oğlumun çəkmələrini öpürdüm” – Müsahibə
12:01 19 Yanvar 2021
Məşhur prodüser həbsxanda vəfat etdi
11:25 19 Yanvar 2021
Nizami yenidən tədqiq edilməlidir - İradə Musayeva yazır...
10:52 19 Yanvar 2021