“Azdrama”da yeni mövsüm

“Azdrama”da yeni mövsüm
18 sentyabr 2014
# 18:05

Akademik Milli Dram Teatrında 142-ci teatr mövsümünün açılışı ilə bağlı mətbuat konfransı keçirilib. APA-nın məlumatına görə, mətbuat konfransında teatrın ötən mövsüm ərzindəki fəaliyyəti - planlaşdırılan yeni tamaşalar, beynəlxalq festivallar, qastrol səfərləri, yubiley tədbirləri haqqında məlumat verilib, jurnalistlərin sualları cavablandırılıb.

Teatrın direktoru İsrafil İsrafilov bildirib ki, mövsüm ərzində on tamaşadan doqquzu teatrın daxili imkanları hesabına səhnəyə qoyulub: “Bu ilin ilk premyerası xalq şairi Vaqif Səmədoğlunun “Generalın son əmri” tamaşası ilə olacaq. Tamaşanın quruluşçu rejissoru xalq artisti Ramiz Həsənoğludur. Ötən mövsümdə iki mono tamaşa da təhvil vermişik və deyə bilərəm ki, tamaşalar maraqla qarşılanıb”.

İ.İsrafilov əlavə edib ki, teatr yeni mövsümdə ilk qastrol səfərini Gürcüstana edəcək: “Oktyabrda gürcü tamaşaçılarının qarşısına çıxacağıq. Bundan başqa, Albaniyaya qastrol səfərinə dəvət almışıq. Yeni mövsümdə bir neçə yeni tamaşaların təhvil verilməsi nəzərdə tutulub”.

Direktoru əlavə edib ki, 2015-ci ildə Xəzəryanı ölkələrin teatr festivalını keçirmək niyyətindədirlər: “Əlbəttə, teatrın daxili imkanları hesabına bunu etmək çətindir, amma çalışacağıq ki, bu maraqlı layihəni başa gətirə bilək. Çünki bizim rejissorlardan bir neçəsi, məsələn, Mikayıl Mikayılov Tümendə, Mehriban Ələkbərzadə Kiprdə tamaşalar hazırlayıb. İstəyirik rejissorlarımızın xarici əlaqələri daha da genişlənsin. Ona görə də beynəlxalq layihələrin əhəmiyyəti bizim üçün çox vacibdir”.

Mətbuat konfransında İ. İsrafilov yeni mövsümdə tamaşaya qoyulması nəzərdə tutulan səhnə əsərlərindən də danışıb. O, qeyd edib ki, yeni mövsümdə İlyas Əfəndiyevin “Mənim günahım”, Yunus Oğuzun “Nadir şah”, Afaq Məsudun “Kərbəla” və s. tamaşaları təqdim ediləcək.

Mətbuat konfransından sonra Akademik Milli Dram Teatrı İlyas Əfəndiyevin "Hökmdar və qızı" pyesi əsasında xalq artisti Mərahim Fərzəlibəyovun quruluşunda hazırlanan “Qarabağnamə” tamaşası ilə 142-ci mövsümünü açıb.

# 2275 dəfə oxunub

Oxşar xəbərlər

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

11:50 8 iyul 2025
Məni dostlarım öldürdü - Akif Səmədin şeirləri

Məni dostlarım öldürdü - Akif Səmədin şeirləri

12:00 6 iyul 2025
"Səni öldürərlər, uff da deməzlər" - Əsəd Qaraqaplanın yeni şeirləri

"Səni öldürərlər, uff da deməzlər" - Əsəd Qaraqaplanın yeni şeirləri

12:00 5 iyul 2025
"O oxuyanda yekə kişilər göz yaşı tökürdü" - Xan Şuşinskinin ən layiqli varisi

"O oxuyanda yekə kişilər göz yaşı tökürdü" - Xan Şuşinskinin ən layiqli varisi

10:00 5 iyul 2025
Xalq yazıçısı Elçin:  "Səməd Vurğunu "yaltaq" adlandırıb..." - Müsahibə

Xalq yazıçısı Elçin: "Səməd Vurğunu "yaltaq" adlandırıb..." - Müsahibə

09:00 4 iyul 2025
Ona görə Mirzə Cəlil xəstəliyə tutuldu, Mikayıl Müşfiq güllələndi, Hüseyn Cavid sürgün olundu - Erməni müstəntiqin ölümə göndərdiyi ilk qadın nazirimiz

Ona görə Mirzə Cəlil xəstəliyə tutuldu, Mikayıl Müşfiq güllələndi, Hüseyn Cavid sürgün olundu - Erməni müstəntiqin ölümə göndərdiyi ilk qadın nazirimiz

12:08 3 iyul 2025
#
#
# # #