writer1

Ömər Xəyyam

Məqalə sayı

47
clock11:48 calendar-gray 10 Sentyabr 2014 view-gray5395 dəfə oxunub
view-gray5395 dəfə oxunub

Azərbaycanlı trans və sevgilisi

O, mənə sosial şəbəkələrin birində yazmışdı. Şeirlərimi və ümumilikdə düşüncə tərzimi bəyənirdi.

Öz aramızdı, biz beləyik. Tez profilini açdım və şəkillər bölümünə baxdım. İlahi, məni belə gözəl qız heç vaxt tərifləməmişdi.

- Neçə yaşın var? - soruşdum.

- İyirmi üç - dedi.

Xeyli həyəcanlandım.

- Evlisən?

- Saat səkkizdən sonra evli oluram.

- Çox gözəl gözlərin var, düşüncələrin də fövqəladə. Elə bil mənim qadın cinsimsən…

- Mən qadın deyiləm, şair! – dedi.

Bu şəhərdə nələr görmədik, daha heyrətlənməyə bir zad yox, vallah. Biseksual, gey, trans, lesbian.

Amma bu fərqli idi, bu qədər gözəl "kişi"? Nə uzadım, görüşmək istədim, nömrəsini aldım...

Gözlərinin sehrində itirdim. Siqareti də qadınsayağı çəkirdi. Dodaqları Ancelina Colini xatırladırdı, qabarmış sinə-filan. Poetik qadın səsi vardı.

- Slikon deyil, istəsən, toxun bax, – dedi.

Toxunardım, içimdən belə bir istək gəldi, amma yan stolda qaqaşlar var idi.

- Əsl adım Samirdi.

Dedim, lap əvvəldən danış. Çox maraqlı idi.

Uşaq vaxtı pilləkənlərdən yıxılıb zədələnir. Qəbul etdiyi dərmanlar əks təsir eləyir, qadın hormonları artır. 14-15 yaşlarında oğlanlara qarşı maraq hiss eləyir özündə. Makiyaj, saç uzatmaq və qadın ətirləri... Bu hallarını valideynləri, qardaşları qəbul eləyə bilmir. Hər zaman təhqir, dava-soyüş. Məcbur qalır evdən getməyə, nənəsinin yanına gəlir. Məktəbi əla qiymətlərlə oxuyur. Deyir, məktəbdə bütün oğlanlar mənə baxırdı, lağ eləyirdilər. Ən gözəl qızlar sürünürdü arxamca. Heç kimə etiraf eləyə bilmirdim. Günlərin birində bir "qaqaş" qaçırır bunu. Zorlayır. Sonradan davamlı görüşlər, amma oğlanın qızlara marağı ucbatından ayrılırlar. Bu zorlanmadan sonra o, öz içində əsl bir qadını - Samirəni kəşf eləyir. Bədənini satmağa başlayır, sosial şəbəkələrdə tutduğu "klientlərə"- 1 saatı 60 AZN...

Birdən Samirəyə zəng gəldi. Dedi, aşkımdır. Dedim, gəlsin bura. Bir az sonra bir oğlan gəldi, “Tural” özünü təqdim etdi və oturdu.

- Bu da sevgilimdi. İki ildi bir yerdə yaşayırıq.

Samirə Mədəniyyət və İncəsənət Universitetinin rejissorluq fakültəsində təhsil alır.

- Təhsil haqqını və digər maddi ehtiyacları ödəmək üçün evimdə görüşürəm, ancaq tək Turalı sevirəm.

Tural yerli televizyaların birində operator işləyir, Samirəyə görə ailəsindən imtina edib.

Tural danışır:

- Çox sevirəm onu, bu iki ildə hələ o kimləsə görüşdüyünü hiss elətdirməyib. Saat səkkizdə qayıdıram işdən. O "klientlərini" yola salandan sonra mənim ətirimi boşaldır otağa ki, hiss eləməyim. Heç bir müştəri ilə öpüşmür. İşlərim qaydasına düşsün, daha qoymayacam görüşməyə. Uşağımız da var (gülür).

Sibir Tulası cinsindən it alıblar, uşaqları kimi bəsləyirlər.

- Bir dəfə keçmiş məhəlləmizə getmişdim, gözəllik salonuna. Məhəlləyə çathaçatda hiss elədim arxamca maşın gəlir. Sürətimi artırdıqca o da artırırdı. Yaxınlaşdı, maşından düşmədən söz atırdı, nömrəsini təkrar-təkrar söyləyirdi, maşına oturmağımı təklif eləyirdi. Səs çox tanış gəldi. Dayandım, çevrildim, böyük qardaşım idi.

Samirə güldü və növbəti siqaretini yandırdı...

REKLAM

Yazarın digər yazıları

Xəbər lenti

Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021
Dünya bir pəncərədir - Rasim Nəbioğlu yazır
17:42 03 Avqust 2021
Eyni səngərdə döyüşən ata-oğul, ərinin tabutuna girən qadın, əkiz qardaşların əkiz məzarı - 44 günlük müharibədən 44 qeyri-adi fakt
17:01 03 Avqust 2021
Aktrisanın adına saxta profil açıldı
16:34 03 Avqust 2021
Yeni sədr hər kəsi əməkdaşlığa çağırdı
15:45 03 Avqust 2021
Rus qadını evinə qonaq çağırdı, ərini içirtdi... – Xəyanət haqqında hekayə
15:01 03 Avqust 2021
Bakı Beynəlxalq Qısa Filmlər Festivalı keçiriləcək
14:15 03 Avqust 2021
Nazirlik rəsmisi: “Kinostudiyaya ən müasir avadanlıqlar almışıq”
13:30 03 Avqust 2021
Bir bax, başın üstə günəş doğulur – Ramiz Rövşən Şuşaya şeir oxudu - Video
12:45 03 Avqust 2021
Allaha inanmadı, 16 yaşlı qızla evləndi, oğlunun ölümündə özünü günahkar bildi - Xalq şairindən 10 maraqlı fakt
12:01 03 Avqust 2021
Öz ölümünü yazan şair - Günün şeiri
11:30 03 Avqust 2021
Qələbədən yazmaq çox çətindir
11:01 03 Avqust 2021
“Orxan Pamukun evi inanılmaz dərəcədə geniş idi” – Söhbət
10:30 03 Avqust 2021
Deyirsən, anamın yerində ayrı arvadla mazaqlaşsın? – Yeni hekayə
09:01 03 Avqust 2021
Açıq havada Kino Günü keçirildi - Fotolar
08:49 03 Avqust 2021
Azərbaycanlı şair vəfat etdi
08:08 03 Avqust 2021
"Qapalı olan həyatımın qapılarını indi açıram..." - Fəxrəddin Manafovla yubiley müsahibəsi
21:00 02 Avqust 2021