Kamyunun fəlsəfəsi, yağış və...yenə..

Kamyunun  fəlsəfəsi, yağış və...yenə..
28 aprel 2011
# 13:53
Yağış yağır...

Kamyunun “Yad”ını oxuyub bitirdim. Özü də birnəfəsə.

Ona görə yox ki, çox maraqlı idi, ona görə ki, sadəcə hadisələr birnəfəsə cərəyan edir.

Tərcümə heç xoşuma gəlmədi. Bəzən tərcümə əsərin mənasına xələl gətirir.

Çox sevdiyim 19-cu əsir rus ədəbiyyatını orijinaldan oxuyanda hiss etdim ki, o vaxta qədər oxuduğum tərcümələr yalançı dolma kimi bir nəsnə imiş.

Yağış yağır...

İndi nə oxuyacam? Oxumasam həyat daha maraqsız olur. Əslində oxuyanda da həyatın marağı artmır, sadəcə başın bir az qarışır, bir az başqa həyatlarla yaşayırsan.

Tərs kimi başa çatdırdığım əsər də həyat eşqi aşılamadı. Kamyu deyir neynəyirsənsə et, fərqi yoxdur, axırın hamının axırı kimidir-ölüm. Deyir hansı yaşda ölməyin belə fərqi yoxdur, bir halda ki, sonun ölümdür...

Onun qəhrəmanı saatbasaat ölümünə yaxınlaşmağını izləyir, müşahidə edir.
Yaşadığı boyunca başqa heç nəyi o ləzzətlə izləməyib. Nə isə... mənasız əsərdir...

Bəlkə də mənə elə gəlir... Baxır əsəri oxuyan vaxt hansı ovqatda olursan.
Amma əsərin özünün səndə hansı ovqatı yaratması da şərtdir. Oxudum, bütün oxuduqlarım kimi ya əhvalatlar beynimdə bir-birinə qarışacaq, ya da bir müddət sonra hamısını unudacam.

Unutmadığım bircə əsər var, o da Cek Londonun “Martin İden” əsəridir. Onun da daha çox sonluğu yaddaşıma həkk olunub. Yəqin ölüm, ölümdən öncəki yaşantılar barədə yeniyetməlik çağlarımda ilk oxuduğum əsər imiş.

“Gənc Verterin iztirabları”nı da onunla eyni vaxtda oxumuşam, amma yadımda qalmayıb. Deməli, ölümdən bəhs etdi, yaxud həyatdan fərqi yoxdur, yetər ki, səndə hər-hansı təsir(üat) buraxsın...

Deyəsən, pessimizmə qapılmışam, bir yandan Kamyunun absurd fəlsəfəsi, bir yandan da...

...Yağış yağır.

Oxucu da düşünəcək ki, ya həyatdan bezmişəm, ya da başım xarab olub. Heç biri deyil, Kamyunun “Yad”ından sonrakı yaşantılardır, vəssalam.

Bütün bunlarla belə yenə oxumaq istəyirəm, amma bu dəfə Kamyunu yox.. özü də tərcümədə isə heç yox.
# 1458 dəfə oxunub

Oxşar xəbərlər

Bu “silikonlu Harvard məzunu”nu niyə TV-lərə buraxırlar?!

Bu “silikonlu Harvard məzunu”nu niyə TV-lərə buraxırlar?!

11:15 1 aprel 2025
Adam öz ölkəsinin millisinin uduzmasına gülməməlidir

Adam öz ölkəsinin millisinin uduzmasına gülməməlidir

13:26 26 mart 2025
İndiki şeirimizdə uğultu var

İndiki şeirimizdə uğultu var

12:40 22 mart 2025
Azərbaycanlılar heç vaxt müsəlman olmayıb

Azərbaycanlılar heç vaxt müsəlman olmayıb

10:00 21 mart 2025
Qələbəmizi urvatdan salan qazilər

Qələbəmizi urvatdan salan qazilər

15:00 11 mart 2025
Qənirə Paşayevanın övladları var, qoy hamı bilsin

Qənirə Paşayevanın övladları var, qoy hamı bilsin

15:49 7 mart 2025
# # #