Süni intellekt artıq kritik bir mərhələyə gəlib çıxıb. Rəsm çəkən, musiqi bəstələyən və hər gün getdikcə inkişaf edən süni intellekt bu dəfə kino işinə də girişib. “Sunspring” adı ilə çəkilən qısa filmin ssenarisi süni intellekt aparatı ilə yazılıb. Və tarixdə ilk dəfə bir aparatın ssenarisi sayəsində qısa film çəkilib.

“Ars Texnica” vasitəçiliyi ilə internetdən tamaşaçıların ixtiyarına verilən filmin baş rolunda “Silicon Valley” serialından tanıdığımız Tomas Midledik oynayır. Bundan əvvəl hər hansı bir süni intellekt tərəfindən yazılan aforizmlər, dialoqlar eşitmədiyinizdən filmi izləmək bəlkə də çətin gələ bilər.

Süni intellekt tərəfindən ssenarisi yazılan film fantastika hesab olunur. Aktyorların dialoqları, geyimləri və məkana baxanda bunu təsbit etmək mümkündür. Ancaq əsas səbəb filmin ssenaristi olan proqramın 80-90-cı illərə aid fantastik filmlərlə yüklənməsidir. Haqqında söhbət açdığımız proqrama “Benjamin” adı verilib. Proqramın müəllifi Nyu-York Universitetində süni intellekt araşdırmaları edən Ros Qodvindir. Süni intellekt tərəfindən yazılan ssenarinin rejissoru Oskar Şarp Ros Qodvin ilə birlikdə ssenari yaza bilən aparatlar üzərində çalışır. Onlar “Uzun Qısa Yaddaş” (LSTM) adı verilən şəbəkə ilə artıq ssenari yazan aparat işini genişləndiriblər.

Aparat tərəfindən yazılan ssenarinin ekranlaşdırılması isə o qədər asan başa gəlməyib. Çünki filmin rejissoru Oskar Şarp deyir ki, “Benjamin” aparatının yazdığı ssenaridə qəhrəman ulduzların üstündə ayaqda durduğu vaxt həm də yerdə oturur. Bu cür anlaşılmaz ifadələrin çox olduğunu bildirir rejissor. Eyni zamanda rejissor qeyd edir ki, aktyorlar ssenarini oxuyanda gülməkdən özlərini saxlaya bilməyiblər. Ssenarini tamaşaçıların başa düşəcəyi dilə tərcümə etmək yəqin ki, çox çətinliklə başa gəlib.

• Bakıda ilk qız məktəbinin yaradıcısı- O, Zərdabi ilə evlilik xeyir-duasını niyə rus knyaginyadan almışdı?
• Yolda adam - Əlabbas Bağırovun hekayəsi
• Kino tarixində ilk: 100 illik obraz böyük ekrana qayıdır