Kiminin adı ləyaqətdi, kimininki xəyanət...– Səhər Əhməddən yeni şeirlər

Kiminin adı ləyaqətdi, kimininki xəyanət...– Səhər Əhməddən yeni şeirlər
30 iyul 2019
# 13:01

Kulis.az Səhər Əhmədin yeni şeirlərini təqdim edir.

Axı bütün "salam"ların cavabı "aleyküm"dü,
"Nə var, nə yox, kefin halın?" hamısında "yaxşılıq".
Onda niyə "sağlıq"ların qarşılığı ölümdü,
Onda niyə görüşlərin yolun kəsir ayrılıq?

Bax gəl cümlə salamlardan çıxaq aleykümləri.
Həyatlardan ölümləri, sevgilərdən kinləri,
Silək bütün "harda?"ları, "nə?"ləri və "kim?"ləri.
Cavablardan "amma"ları, suallardan "ki" ləri...

Yerdə nə qalacaq? Heç nə, gəl susaq, uzatmayaq.
Axı bütün ayrılıqlar, nifaqlar sözdən düşür.
Nəyə gərək tənlikləri həll edib, iksi tapmaq,
Onsuz sonda məlum olan məchullar gözdən düşür...

Gəl heç birimiz udmayaq, ikimiz də uduzaq,
Qoy heç Tanrı da bilməsin, bu rinqdə qalib kimdi.
Qurban olum, danışmayaq, lənət olsun, gəl susaq,
Axı bütün salamların cavabı əleykumdu...

***

Dünyanın ən azad sözü azadlıqdı,
Ən gözəl sözü gözəllik...
Heç bir kəlmə "xoşbəxtlik"qədər xoşbəxt deyil,
"Bədbəxtlik" qədər bədbəxt...


Sözlərin leksik mənası
Onların taleyidi həm də,
"Sevgi" sözü əbədi həzz içindədi,
"Ayrılıq" sözü daimi həsrət.


İnsanlar da sözlər kimidi,
Kiminin ömrünün adı ləyaqətdi,
Kimininki xəyanət...

# 3120 dəfə oxunub

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025
Çadrasını atan ilk azərbaycanlı qadının qətli – İki əsr yaşı olan bina söküləcəkmi?

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025
Mikayıl Müşfiq mühasibdən pulu necə almışdı? - Tarixin kulisi

Mikayıl Müşfiq mühasibdən pulu necə almışdı? - Tarixin kulisi

09:00 23 aprel 2025
"Karamazov yox, Qaragözov" - Dostoyevski türk əsillidir?

"Karamazov yox, Qaragözov" - Dostoyevski türk əsillidir?

14:00 22 aprel 2025
"Belə hekayələrin yazılmasına ehtiyac var" - Müzakirə

"Belə hekayələrin yazılmasına ehtiyac var" - Müzakirə

12:00 22 aprel 2025
#
#
# # #