Ayrılıqdan betər dünyada nə var?! – Günün Şeiri

Ayrılıqdan betər dünyada nə var?! – Günün Şeiri
24 iyun 2019
# 20:58

Bu gün Xalq şairi Nigar Rəfibəylinin doğum günüdür. Kulis.az bu münasibətlə “Günün şeiri” layihəsindən şairin “Neyləyim” şeirini təqdim edir.

Ala gözlüm, səndən ayrı gecələr,

Bir il kimi uzun olur, neyləyim?

Bağçamızda qızıl güllər hər səhər,

Tezdən açır, vaxtsız solur, neyləyim?

Nərgizlərin gözü yaşla dolanda,

Bənövşələr baxıb qəmgin olanda,

Qərənfilin gözü yolda qalanda,

Yasəmənlər saçın yolur, neyləyim?

Əsən rüzgarın da yoxdur vəfası

Düşmüşdür başına özgə sevdası.

Lalənin cırılıb qəmdən yaxası

Saçları pərişan olur, neyləyim?

Bəlkə tez gələsən, əlac vərəsən,

Sünbülün saçını yığıb hörəsən -

Əlvan çiçəkləri özün dərəsən,

Gözləri yollarda qalır, neyləyim?

Çəkir çiçəklərin gözü intizar,

Ayrılıqdan betər dünyada nə var?

Bu bahar axşamı səni bax, Nigar

Həzin-həzin yada salır, neyləyim?

# 4878 dəfə oxunub

Oxşar xəbərlər

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

İndiki yazıların çoxunu o qəzet-jurnalların qapısından buraxmazdılar - Fəxri Uğurlu

10:00 26 aprel 2025
"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

"Himnimizin sözlərini Əhməd Cavad yazmayıb" - 33 ildir haqqı yeyilən əsl müəllif kimdir?

12:00 24 aprel 2025
Çadrasını atan ilk azərbaycanlı qadının qətli – İki əsr yaşı olan bina söküləcəkmi?

Çadrasını atan ilk azərbaycanlı qadının qətli – İki əsr yaşı olan bina söküləcəkmi?

12:20 23 aprel 2025
Mikayıl Müşfiq mühasibdən pulu necə almışdı? - Tarixin kulisi

Mikayıl Müşfiq mühasibdən pulu necə almışdı? - Tarixin kulisi

09:00 23 aprel 2025
"Karamazov yox, Qaragözov" - Dostoyevski türk əsillidir?

"Karamazov yox, Qaragözov" - Dostoyevski türk əsillidir?

14:00 22 aprel 2025
"Belə hekayələrin yazılmasına ehtiyac var" - Müzakirə

"Belə hekayələrin yazılmasına ehtiyac var" - Müzakirə

12:00 22 aprel 2025
# # #