Kulis.az Bəxtiyar Qaracanın "Səndən sonra yağan qar" şeirini təqdim edir.
Səndən sonra yağan qar
yağar bu şəhərin küçələrinə.
Yağar bu şəhərin-
Ayı qaçırılmış,
ulduzu doğranmış gecələrinə.
Tənha küçələrdə qarılar gəzər,
Yeriyər ağappaq qayğıları da.
Bir gün bu şəhərin qarı ərisə,
əriyər ağappaq qarıları da.
Orda üfüqlərin rəngi qan dadır,
Cavan ağacların budağında qan...
Üzümü -gözümü göyə sürtərəm
Gözlərim qar dolu qan olanacan.
Səndən sonra yağan qar
Daha bu şəhərə gərək olmadı
Bir az qaygısı da artdı yolların,
Bu qar quşlara da çörək olmadı...
1982-ci il
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
