Balaca tabutu balaca qız aparır ağlaya-ağlaya - Günün şeiri

Balaca tabutu balaca qız aparır ağlaya-ağlaya - Günün şeiri
4 fevral 2025
# 12:26

Bu gün məşhur fransız şair, yazıçı, kinossenarist Jak Preverin doğum günüdür.

Kulis.az "Günün şeiri" layihəsindən onun "Pişik və quş" şeirini təqdim edir.

Kənddə kədərlidir hamı:
Quş ölümcül yaralıdır.
Kənddəki yeganə quşun
Yarısını yeyib
Kənddəki yeganə pişik.
Və quş daha oxumur.
Pişiksə qanlı ağzını yalayıb
Toxluq içində xoşhallanır...
Quş ölür.
Onu basdırmaq qərarına gəlir kənd camaatı.
Pişik də dəvət olunub cənazə mərasiminə.
Balaca tabutu balaca qız
aparır ağlaya-ağlaya.
"Ah, bilsəydim ki, - pişik qıza deyir, -
Quşun ölümü sənə belə təsir edəcək,
Onu bütün yeyərdim...
Və sənə deyərdim ki,
Quş uçdu
Mavi dənizin o tayına,
Bəyaz işığın bitdiyi,
Qayıdışı olmayan yerə.
Onda sən daha az qəmlənərdin,
Və tezliklə
Bütün kədər silinərdi
Üzündən...".

Kim nə deyir desin,
Hər işi axıracan görmək lazımdır!

Tərcümə: Həmid Piriyev

# 1733 dəfə oxunub

Oxşar xəbərlər

Səni sevməkdən də vacib işlərim var... – Qulu Ağsəs

Səni sevməkdən də vacib işlərim var... – Qulu Ağsəs

14:00 20 aprel 2025
Həmid Herisçi:  "5 dəqiqə vaxt verilmişdi hamımıza"

Həmid Herisçi: "5 dəqiqə vaxt verilmişdi hamımıza"

16:40 18 aprel 2025
Bir qara gözəlin mavi göz yaşı – Xəyal Rzanın şeirləri

Bir qara gözəlin mavi göz yaşı – Xəyal Rzanın şeirləri

18:00 17 aprel 2025
Səhv düşəndə yerimiz - Qabil

Səhv düşəndə yerimiz - Qabil

15:02 16 aprel 2025
Sərxoş gəlmişəm qapına - Şaiq Vəli

Sərxoş gəlmişəm qapına - Şaiq Vəli

14:12 16 aprel 2025
Güllələr demədi geri qayıdın – İsa İsmayılzadə

Güllələr demədi geri qayıdın – İsa İsmayılzadə

09:12 16 aprel 2025
#
#
# # #