Yazıçı Mario Levi İstanbulda vəfat edib.

Kulis.az xəbər verir ki, bu barədə Buart Sənət Mərkəzi məlumat yayıb:

"Duyğulu və güclü yazıçı, bənzərsiz insan, əziz müəllimimiz Mario Levini itirdiyimiz üçün çox kədərliyik. Bizə verdiyi töhfələrə görə minnətdarıq. Bütün yaxınlarına və ailəsinə başsağlığı veririk”.

• "On milyonluq xalqın bir milyonu müğənnidir" - Polkovnik müğənni Azad Zamanov
• Qatı xristian, yoxsa kafir... - Kilsə onu niyə bağışlamadı?
• Anarın yaradıcılığı “Türk Ədəbiyyatı"nda

1957-ci ildə İstanbulda anadan olan yəhudi əsilli yazıçı Sent Mişel Fransız Liseyini və İstanbul Universitetinin Fransız dili və filologiya fakültəsini bitirib. İlk hekayəsini 1975-ci ildə yazan Levi 1984-cü ildən etibarən "Hokka", "Şalom", "Cümhuriyyət", "Cumhuriyet Magazine", "Studio Image", "Show", "Milliyet Sanat", "Argos", "Oksijen" kimi qəzet və jurnallarda məqalələr yazıb.

Mario Levi yazıçılıqla yanaşı, fransız dili müəllimi, jurnalist, radio aparıcısı və kopirayter kimi də çalışıb. Levi həm də uzun illər yazı emalatxanalarında yaradıcı yazı texnikalarını öyrədib.

15-dən çox kitab müəllifi olan yazıçı daha çox “İstanbul bir nağıl idi”, “Ən gözəl eşq hekayəmiz”, “Bir şəhərə gedə bilməmək”, “Lunapark bağlandı” kimi əsərlərlə şöhrət qazanıb.

• "On milyonluq xalqın bir milyonu müğənnidir" - Polkovnik müğənni Azad Zamanov
• Qatı xristian, yoxsa kafir... - Kilsə onu niyə bağışlamadı?
• Anarın yaradıcılığı “Türk Ədəbiyyatı"nda