XVI Beynəlxalq Musiqi Festivalının açılış mərasimi keçirildi

XVI Beynəlxalq Musiqi Festivalının açılış mərasimi keçirildi
19 sentyabr 2024
# 10:30

Sentyabrın 18-də M.Maqomayev adına Azərbaycan Dövlət Akademik Filarmoniyasında Üzeyir Hacıbəyli XVI Beynəlxalq Musiqi Festivalının açılış konserti olub.

Kulis.az xəbər verir ki, tədbirdə Mədəniyyət Nazirliyinin rəsmiləri, tanınmış mədəniyyət xadimləri, musiqisevərlər iştirak ediblər.

Əvvəlcə qonaqlar Mədəniyyət üzrə Elmi-Metodiki və İxtisasartırma Mərkəzi tərəfindən filarmoniyanın foyesində nümayiş etdirilən "Mədəniyyətimiz naxışların izi ilə" adlı sərgi ilə tanış olublar.

Budəfəki festivalda ABŞ, Almaniya, Xorvatiya, Vyana, Türkiyə, Rusiya, Koreya, İspaniya, Braziliya və digər ölkələrdən solist və bədii kollektivlər iştirak edir. İlk dəfə olaraq bu festival çərçivəsində Azərbaycan Milli Konservatoriyası tərəfindən UNESCO nəzdində fəaliyyət göstərən Ənənəvi Musiqi və Rəqs üzrə Beynəlxalq Şuranın (ICTMD) simpoziumu təşkil olunur. Simpozium çərçivəsində “Qədim mirasın əks-sədaları: türk mədəniyyətlərində və ondan kənarda musiqi və rəqs irsinin tədqiqi” adlı müzakirə və panellər keçirilir.

Konsertdə Ü.Hacıbəyli adına Azərbaycan Dövlət Simfonik Orkestri (bədii rəhbər və baş dirijor: Əməkdar artist Fuad İbrahimov), Azərbaycan Dövlət Xor Kapellası (bədii rəhbər: Xalq artisti Gülbacı İmanova), Xalq artisti Ülviyyə Hacıbəyova (piano), Əməkdar artistlər Ramil Qasımov (tenor), İnarə Babayeva (soprano), respublika və beynəlxalq müsabiqələr laureatı Mahir Tağızadə (bariton) çıxış ediblər.

Proqramda Ü.Hacıbəylinin "Koroğlu" operasından "Uvertüra", "Firuzə" operasından "Firuzənin ariyası", xor və orkestr üçün "Bahar nəğməsi", bariton, xor və orkestr üçün "Kantata", "Milli marş", S.Ələsgərovun səs və orkestr üçün "Eşq olsun sənətkara" balladası, M.Mirzəyevin "Böyük ustada ithaf" poeması, İ.Hacıbəyovun piano və orkestr üçün "Cəngi" rapsodiyası, Ə.Cavidin Üzeyir bəyə ithaf olunmuş 9 variasiya (orkestr üçün işləyəni Ayaz Qəmbərli), F.Əmirovun "Üzeyir Hacıbəyliyə ithaf", V.Allahverdiyevin "Aşıqsayağı" (Üzeyir bəyə ithaf) və S.Hacıbəyovun "Karvan" simfonik lövhəsi səsləndirilib.

# 899 dəfə oxunub

Oxşar xəbərlər

Vüsalə Mahirqızı:  "Xarici təsirlərin sosial mediada yaymaq istədiyi xurafata qarşı birgə mübarizə aparmalıyıq"

Vüsalə Mahirqızı: "Xarici təsirlərin sosial mediada yaymaq istədiyi xurafata qarşı birgə mübarizə aparmalıyıq"

22:32 15 iyul 2025
"Özümüzdə olmayanı qadında axtarmaq məhəbbət deyil, məftunluqdur..."- Çexov

"Özümüzdə olmayanı qadında axtarmaq məhəbbət deyil, məftunluqdur..."- Çexov

18:30 15 iyul 2025
ANİMAFİLM festivalının müsabiqə proqramı elan olundu

ANİMAFİLM festivalının müsabiqə proqramı elan olundu

18:27 15 iyul 2025
Azərbaycan əsilli yazıçı vəfat etdi

Azərbaycan əsilli yazıçı vəfat etdi

18:20 15 iyul 2025
Beyonsun mahnıları oğurlandı

Beyonsun mahnıları oğurlandı

17:35 15 iyul 2025
Rusiyada Azərbaycan tamaşalarından imtina edildi

Rusiyada Azərbaycan tamaşalarından imtina edildi

16:53 15 iyul 2025
# # #