Virtual qurbanvermə ayinləri, onlayn daş-qalaq - Qismət

Virtual qurbanvermə ayinləri, onlayn daş-qalaq - Qismət
17 aprel 2025
# 09:10

Kulis.az Qismət Rüstəmovun Mark Edmundsonun "Linç çağı: sosial mediada super eqo" kitabı haqqında yazısını təqdim edir.

Nə vaxtsa bənzər qənaətlərin içimdən sürətlə şütüyüb keçdiyi, ancaq yazmağa hazırlığımın, savadımın çatmadığı kitablardan ötrü ürəyim gedir. Mark Edmunsonun “Linç çağı: Sosial mediada super eqo” kitabı da onlardandır. Bu kitab sosial media dövründə geniş vüsət alan mizantropluq, virtual qurbanvermə ayinləri, onlayn daş-qalaq, sosial media patologiyaları və özünü daim başqalarının həyatına, düşüncələrinə əsasən mövcud etmək və özünə öz potensialından böyük talelər uydurmaq məsələsini araşdırır. Müəllif yazır ki, sosial media fasiləsiz şəkildə təsdiq gözləyən, “keşf et”ə düşmək istəyən, “önə çıxart” kimi teqlər nəticəsiz qalanda özündən başqa hamını günahkar çıxaran, heç cür bir işə fokuslana bilməyən, ancaq qəribə şəkildə “həmişə haqlı” bir kütlə yaradıb.

bunu deyən yazı "ย่ายุั GACI LiNé LEJAND SOSYAL OSY SÜPEREGO SOSYALMEDYADA SOSALMEDYAD SÜPER MED AD #PSIKOLOJI DUINLDA #PSIKOLOJI EDMUNDSON MARK Çeviren: ζα EDMUNDSON Eren Sarıçam" qrafik obrazı ola bilər

Edmunson kitabın mərkəzinə Ziqmund Freydin “Super eqo” anlayışını qoyub. Xudmani bir arayış. Freyd insan şüurunu şərti olaraq üç mərtəbəyə bölürdü: ən altda bütün seksual, cismani arzularımızın deposu olan İD var; ən üstdə başımızdan danlağı əskik olmayan ata və ya ictimai-siyasi, mədəni-əxlaqi hökmlər verən senzor kimi SUPER-EQO oturub; ortada isə altdakı (İD) ilə üstdəki (Super-eqo) arasında vasitəçilik edən, onları tənzimləyən EQO var. Müəllif deyir ki, Freyd özünün ən məşhur kitab olan “Sivilizasiya və onun narahatlıqları”nda Super-eqonun təhkükələri ilə bağlı xəbərdarlıq etmişdi.

Bu yığcam, oxunaqlı kitabda Edmunson təxminən belə deyir: get-gedə böyük əksəriyyətə elə gəlir ki, hamı onun kimi düşünməlidir; onun kimi düşünməyən varsa, ona hücum çəkmək lazımdır. Get-gedə, deyəsən, “məncə, mənə görə” sözləri sıradan çıxır, əksəriyyət öz fikrini, seçimini mütləqləşdirir, kateqorik hökmlərlə danışır. Bu, yeni növ infantilizmdir, yəni Freydin 95 il qabaq dedikləri özünü doğruldur, təəssüf ki.

# 406 dəfə oxunub

Oxşar xəbərlər

Dövlət Xidməti "Sovetski"dəki tarixi binanın taleyi ilə bağlı qərar verib

Dövlət Xidməti "Sovetski"dəki tarixi binanın taleyi ilə bağlı qərar verib

18:20 8 may 2025
Azərbaycan Universitetində yazıçılarla görüş keçirilib

Azərbaycan Universitetində yazıçılarla görüş keçirilib

18:00 8 may 2025
Onlara Prezidentin fərdi təqaüdü verildi - Sərəncam

Onlara Prezidentin fərdi təqaüdü verildi - Sərəncam

17:23 8 may 2025
Fikrət Qocanın 90 illiyi qeyd olunacaq

Fikrət Qocanın 90 illiyi qeyd olunacaq

16:45 8 may 2025
Bir qrup incəsənət xadiminə Prezident mükafatları verilib - SİYAHI

Bir qrup incəsənət xadiminə Prezident mükafatları verilib - SİYAHI

16:39 8 may 2025
"Prens"in ulduzu premyeraya gəlmədi

"Prens"in ulduzu premyeraya gəlmədi

15:47 8 may 2025
#
#
# # #